ເຖິງແມ່ນວ່າແພດມັກຈະບອກ ໃຫ້ດື່ມນໍ້າໃນປະລິມານ ຕາມຄວາມຕ້ອງການຂອງຮ່າງກາຍທຸກມື້, ແຕ່ມີຫຼາຍຄົນກໍບໍ່ມັກກິນ ເພາະມັກຈະດື່ມນໍ້າໃນເວລາຄໍແຫ້ງເທົ່ານັ້ນ ແລະມັກດື່ມກາເຟ, ຊາ ລວມໄປເຖິງນໍ້າໝາກໄມ້ຫຼາຍກວ່າການດື່ມນໍ້າ, ຖ້າຫາກດື່ມນໍ້າບໍ່ພຽງພໍ ຈະເຮັດໃຫ້ຮ່າງກາຍມີອາການດັ່ງນີ້
- ສັງເກດຈາກການຖ່າຍເບົາ: ປົກກະຕິ ຄົນເຮົາດື່ມນໍ້າຕາມຄວາມເໝາະສົມມັກຈະຖ່າຍເບົາ 6-7 ເທື່ອ/ຕໍ່ ແຕ່ຖ້າໃຜຖ່າຍເບົາພຽງແຕ່ 2-3 ເທື່ອ/ມື້, ນັ້ນສະແດງວ່າເຈົ້າດື່ມນໍ້າໜ້ອຍເກີນໄປ, ຄວນດື່ມຫຼາຍກວ່ານີ້ອີກ
- ຜິວແຫ້ງ: ຜິວແຫ້ງອາດເກີດຈາກກຳມະພັນ ແຕ່ອີກສາເຫດໜຶ່ງແມ່ນຈາກການດື່ມນໍ້າໜ້ອຍເກີນໄປ ຈົນເຮັດໃຫ້ຜິວບໍ່ຊຸ່ມຊື່ນ
- ເຈັບຫົວ: ການເຈັບຫົວບາງຄັ້ງອາດເກີດມາຈາກຄວາມເຄັ່ງຄຽດ, ແຕ່ການຂາດນໍ້າຫຼາຍເກີນໄປ ຈົນບໍ່ມີນໍ້າໄປຫຼໍ່ລ້ຽງສະໝອງ ກໍເປັນສ່ວນໜຶ່ງຂອງການເຈັບຫົວ, ຫາກດື່ມນໍ້າຫຼາຍໆ ຕິດຕໍ່ກັນຫຼາຍມື້, ຈະເຮັດໃຫ້ສະໝອງປອດໂປ່ງ ຄິດຫຍັງກໍອອກ ແລະບໍ່ເຈັບຫົວອີກຕໍ່ໄປ
- ປາກແຫ້ງ: ເປັນອາການໜຶ່ງຂອງຄົນບໍ່ດື່ມນໍ້າເປັນຫຼາຍທີ່ສຸດ, ນອນຈາກຮີມປາກຈະແຫ້ງແລ້ວ ນໍ້າລາຍກໍຈະໜ້ອຍກວ່າຄົນປົກກະຕິ, ເຮັດໃຫ້ປາກເໝັນໄດ້ ແລະຄົນທີ່ດັດແຂ້ວ ອາດເຮັດໃຫ້ເກີດບາດແຜໃນປາກ ເຫຼັກຂູດດ້ານໃນຂອງປາກ
- ຫິວຕະຫຼອດເວລາ: ຫາກຮູ້ສຶກຫິວທັນທີຫຼັງຈາກກິນອາຫານແລ້ວ ໃຫ້ໝັ້ນໃຈເລີຍວ່າ ເຈົ້າດື່ມນໍ້າໜ້ອຍເກີນໄປ, ສາເຫດທີ່ຫິວບໍ່ແມ່ນເພາະຮ່າງກາຍຕ້ອງການຂອງຫວານ, ແຕ່ຮ່າງກາຍຕ້ອງການນໍ້າຕ່າງຫາກ ເພາະຮ່າງກາຍຕ້ອງຄາຍນໍ້າອອກມາ
- ວິນຫົວຕະຫຼອດເວລາ: ເພາະຮ່າງກາຍຂອງຄົນເຮົາມີການຄາຍນໍ້າຕະຫຼອດເວລາ, ຫາກກິນນໍ້າໜ້ອຍກວ່າທີ່ກຳນົດໄວ້ ອາດເຮັດໃຫ້ເຈົ້າເຈັບຫົວ ເພາະບໍ່ມີນໍ້າໄປຫຼໍ່ລ້ຽງສະໝອງ ຈົນເຮັດໃຫ້ຮ່າງກາຍບໍ່ສົມດູນ
- ສັງເກດສີຂອງນໍ້າປັດສະວະ: ເປັນອີກອາການໜຶ່ງທີ່ຄົນດື່ມນໍ້າໜ້ອຍເປັນ, ຫາກດື່ມນໍ້າຕະຫຼອດ ສີຂອງນໍ້າປັດສະວະນັ້ນຈະບໍເຂັ້ມຫຼາຍ ແລະຍັງບໍ່ມີກິ່ນອີກດ້ວຍ, ແຕ່ຖ້າດື່ມນໍ້າໜ້ອຍ ຈະເຮັດໃຫ້ສີນໍ້າປັດສະວະເຂັ້ມຫຼາຍ ກິ່ນຍັງເໝັນຫຼາຍອີກ
- ເກີດພາວະຂາດນໍ້າ: ຜູ້ທີ່ເປັນຮ່າງກາຍເກີດພາວະຂາດນໍ້າ ຈະມີບັນຫາກ່ຽວກັບການຂັບນໍ້າປັດສະວະ, ມັກເຈັບຫົວຕະຫຼອດ, ຄໍເລດເຕີລໍສູງເກີນໄປ ແລະທ້ອງຜູກອີກດ້ວຍ
ຕິດຕາມນານາສາລະ ກົດໄລຄ໌ເລີຍ!