ສຳລັບການສາກແບັດເຕີຣີ່ທີ່ຖືກຕ້ອງ ເຮັດໃຫ້ແບັດເຕີຣີ່ມີການໃຊ້ງານດົນນັ້ນ ເຊິ່ງຫຼາຍຄົນຄົງເຄີຍໄດ້ອ່່ານຜ່ານມາແລ້ວ ແຕ່ຂໍ້ມູນຈາກແຕ່ລະບ່ອນມັກບໍ່ກົງກັນ ຈົນເກີດຄວາມສັບສົນວ່າ ຈະເຊື່ອຂໍ້ມູນຈາກແຫຼ່ງໃດແທ້, ມື້ນີ້ແອັດມິນ ຈຶ່ງໄດ້ເອົາວິທີການສາກແບັດໃຫ້ຖືກຕ້ອງ ເພື່ອວ່າເຮົາຈະມີແບັດທີ່ໃຊ້ງານໄດ້ດົນນານ ມາຝາກທຸກຄົນ
- ບໍ່ຄວນສາກປະໄວ້ຂ້າມຄືນສຳລັບການສາກຄັ້ງທຳອິດ: ຫຼາຍໆຄົນຄົງເຄີຍໄດ້ຍິນວ່າ ການສາກໂທລະສັບມືຖືຄັ້ງທຳອິດ ຄວນຈະສາກປະໄວ້ໝົດຄືນ ເຊິ່ງວິທີນີ້ ເໝາະສຳລັບແບັດເຕີຣີ່ແບບ Ni-MH ເທົ່ານັ້ນ, ແຕ່ໃນປັດຈຸບັນ ໂທລະສັບສ່ວນຫຼາຍໃຊ້ແບັດເຕີຣີ່ແບບ Li-Ion ສະນັ້ນ ຈະສາກ ຫຼືເຊົາສາກຕອນໃດກໍໄດ້
- ຫຼີກລຽງການໃຊ້ອຸປະກອນໃນເວລາສາກ: ທຸກຄັ້ງທີ່ສາກແບັດເຕີຣີ່ ເຄື່ອງຈະເກີດຄວາມຮ້ອນສູງ, ແຕ່ຖ້າຫາກເຮົາຫຼິ້ນໄປນຳ ສາກໄປນຳ ຈະເຮັດໃຫ້ມີການແບ່ງໄຟ ເຮັດໃຫ້ຕ້ອງເພີ່ມປະລິມານກະແສໄຟສູງຂຶ້ນ, ສົ່ງຜົນເຮັດໃຫ້ເຄື່ອງສູງກວ່າເກົ່າ ແລະເຮັດໃຫ້ແບັດເຕີຣີ່ເສື່ອມໄວ
- ຢ່າໃຊ້ງານຈົນແບັດເຕີຣີ່ໝົດຈົນເຫຼືອ 0% ການປ່ອຍໃຫ້ແບັດເຫຼືອ 0% ຈະເຮັດໃຫ້ແບັດເຕີຣີ່ເສື່ອມໄວຂຶ້ນ, ແຕ່ຖ້າຫາກຈຳເປັນຕ້ອງຊອກບ່ອນສາກໄວ ເພາະການສາກແບັດເຕີຣີ່ໃນຂະນະທີ່ແບັດເຫຼືອໜ້ອຍ ຈະເຮັດໃຫ້ແບັດເສື່ອມໄວກວ່າເກົ່າ
- ສາກຕະຫຼອດໄດ້ ແຕ່ບໍ່ຈຳເປັນຕ້ອງສາກຈົນເຕັມ: ແບັດເຕີຣີ່ແບບ Li-Ion ບໍ່ຈໍາເປັນຕ້ອງປະໃຫ້ແບັດເຕີຣີ່ເຫຼືອ 0% ແລ້ວຈຶ່ງສາກ ຈະສາມາດສາກໄດ້ເລີຍຕາມຄວາມຕ້ອງການ, ແຕ່ວ່າບໍ່ຄວນສາກຈົນເຕັມ 100% ແລະຄວນສາກເມື່ອແບັດເຕີຣີ່ຫຼຸດລົງຮອດລະດັບ 50%, ຖ້າແບັດຫາກຫຼຸດລົງເຫຼືອ 5-10% ແລ້ວສາກ ກໍບໍ່ຄວນເຮັດ
- ຢ່າເກັບອຸປະກອນໄວ້ໃນອຸນຫະພູມສູງ: ສຳລັບໃຜທີ່ມັກລືມໂທລະສັບໄວ້ໃນລົດຕະຫຼອດ, ຄວນຫຼີກລຽງພຶດຕິກຳດ່ວນ ເພາະຄວາມຮ້ອນຈະເຮັດໃຫ້ແບັດເຕີຣີ່ເສື່ອມໄວ, ນອກຈາກຄວາມຮ້ອນແລ້ວ ອຸນຫະພູມທີ່ເຢັນຫຼາຍ ກໍເຮັດໃຫ້ແບັດເຕີຣີ່ເສື່ອມໄດ້ໄວເຊັ່ນກັນ
ຕິດຕາມນານາສາລະ ກົດໄລຄ໌ເລີຍ!