ບັນເທີງດາລາ ກັບ ລາວໂພສຕ໌ມື້ນີ້ ແອັດມິນຈະມາຕິດຕາມການເຄື່ອນໄຫວຂອງບັນດາສາວໆຈາກລາຍການ The WOW LAO ຫຼັງຈາກໄດ້ຈົບ ຊີຊັ່ນ 1 ເມື່ອວັນທີ 6 ພະຈິກ ທີ່ຜ່ານມາ ແລະ ກໍ່ແມ່ນ ສາວເປ້ ຈາກ ທີມ ແອັງເຈີ ເລດີ້ ທີ່ສາມາດຄ້ວາຕຳແໜ່ງ The WOW LAO ຄົນທຳອິດຂອງປະເທດໄປຄອງ.
ຕ້ອງຂໍບອກເລີຍວ່າ ລາຍການນີ້ເປັນອີກໜ່ງລາຍການທີ່ຄົ້ນຫາດາວມາປະດັບວົງການບັນເທີງລາວ ແລະ ກໍ່ເຮັດແທ້ທຳຈິງ ເພາະຫຼັງຈາກສິ້ນສຸດການປະກວດ ສາວໆໃນລາຍການນີ້ກໍ່ມີງານກ່ຽວກັບການເດີນແບບ, ຖ່າຍແບບ ເຂົ້າມາໃຫ້ເຮັດຕະຫຼອດ ເຊິ່ງເຮົາສາມາດຕິດຕາມຜົນງານຂອງພວກນາງໄດ້ທີ່ເຟສບຸກເພສ The WOW LAO ແລະ ທີ່ຜ່ານມາມໍ່ໆນີ້ ກໍ່ມີ 3 ສາວສຸດແຊ໊ບຈາກລາຍການ The WOW LAO ນຳໂດຍ: ເປ້, ຕຸກ, ປຸກກີ້ ໄປຮ່ວມຖ່າຍທຳລາຍການ “ທັອກກະເທີຍ Tonight ” ທາງຊ່ອງ ONE ເຮົາຕ້ອງມາຕິດຕາມນຳກັນວ່າທັງ 3 ສາວ ຈະແຊ໊ບສຸດສະວິງສູ້ພິທີກອນ ປ໋ອມແປ໋ມ ເພິ່ນໄດ້ ຫຼື ບໍ່?
ເຊິ່ງທ່ານສາມາດຕິດຕາມໄດ້ທີ່ ລາຍການ “ທັອກກະເທີຍ Tonight ” ອອກອາກາດວັນອາທິດ, ເວລາ 22.30 ນາທີ ທາງຊ່ອງ ONE ແຕ່ຕອນນີ້ເຮົາມາເບິ່ງພາບ ແລະ ວິດີໂອໄຮໄລການຖ່າຍທຳເບື້ອງຫຼັງຂອງລາຍການ ເພື່ອອຸ່ນເຄື່ອງກັນກ່ອນ
ພາບ ແລະ ວິດີໂອຈາກ: The WOW LAO
ຕິດຕາມເລື່ອງດີດີ ບັນເທີງລາວ Lao Entertenment ກົດໄລຄ໌ເລີຍ!