ທຸກຄັ້ງທີ່ເຮົາຫຸງເຂົ້າ ຫຼືໜຶ້ງເຂົ້າ “ນໍ້າມວກ” ທີ່ເຫຼືອກໍຈະຖອກຖິ້ມໄປຢ່າງບໍ່ມີຄ່າ ແຕ່ຮູ້ບໍວ່າການເຮັດແບບນີ້ ຖືເປັນການຖິ້ມຄຸນປະໂຫຍດລົງທໍ່ຢ່າງໜ້າເສຍດາຍ, ຖ້າເຮົາສາມາດດຶງປະໂຫຍດທີ່ເຊື່ອງໄວ້ໃນນໍ້າມວກອອກມາໃຊ້ໄດ້ ເຊິ່ງປະໂຫຍດທີ່ວ່ານັ້ນ ມີດັ່ງນີ້:
# ປະໂຫຍດຂອງນໍ້າມວກ: ເປັນນໍ້າທີ່ໄດ້ຈາກການລ້າງເຂົ້າກ່ອນຈະໜຶ້ງ ຫຼືຈະຫຸງ ເຊິ່ງປົກກະຕິ ການລ້າງເຂົ້າກໍບໍ່ເກີນ 3-4 ຄັ້ງ ເຊິ່ງການລ້າງເຂົ້າຈະເຮັດໃຫ້ສານອາຫານບາງຢ່າງຫຼຸດອອກມານໍານໍ້າມວກ, ແຕ່ສ່ວນຫຼາຍຄົນມັກຈະຖອກຖິ້ມ ເຊິ່ງໃນນໍ້າມວກຈະມີແຫຼ່ງສະສົມຂອງສານອາຫານຫຼາຍຢ່າງດັ່ງນີ້:
- ວິຕາມິນບີ 3 ມີສ່ວນຊ່ວຍໃນການທຳລາຍພິດ, ແອວກໍຮໍ ແລະຢາເສບຕິດ
- ບິຕາມິນບີ 2 ມີສ່ວນຊ່ວຍປ້ອງກັນໄຂມັນອຸດຕັນໃນເສັ້ນເລືອດ
- ວິຕາມິນບີ 1 ມີປະໂຫຍດຕໍ່ການເຮັດວຽກຂອງສະໝອງ, ລະບົບປະສາດ, ລະບົບຍ່ອຍອາຫາ, ຫົວໃຈ ແລະກ້າມເນື້ອ.
ສານອາຫານທີ່ເວົ້າມາຂ້າງເທິງນີ້ ຈຶ່ງເຮັດໃຫ້ “ນໍ້າມວກ” ຖືກເອົາມາໃຊ້ໃຫ້ເປັນປະໂຫຍດດ້ວຍວິທີດັ່ງຕໍ່ໄປນີ້:
- ນໍ້າມວກຊ່ວຍໃຫ້ໜ້າໃສ: ການເອົານໍ້າມວກທີ່ສະອາດ ເຊິ່ງເປັນນໍ້າທີ 2-3 ມາລ້າງໜ້າທຸກມື້ໃນຕອນເຊົ້າ ແລະຕອນແລງ ຈະເຮັດໃຫ້ໜ້າສົດໃສ ເພາະນໍ້າມວກຈະຊ່ວຍຮັກສາສິວ, ຝ້າ, ກຳຈັດຄວາມມັນ, ຫຼຸດສິວ ເຮັດໃຫ້ໜ້າຂາວສົດໃສຂຶ້ນໄດ້
- ນໍ້າມວກຊ່ວຍໃຫ້ມືນຸ້ມ: ເວລາທີ່ເຈົ້າແຊ່ມື ໃນນໍ້າມວກ ເພື່ອທໍາຄວາມສະອາດເຂົ້າ, ເມັດເຂົ້າ ແລະນໍ້າມວກ ຈະຊ່ວຍເຮັດໃຫ້ມືນຸ້ມຂຶ້ນໄດ້
- ນໍ້າມວກຊ່ວຍໃຫ້ຜົມງາມ: ການເອົານໍ້າມວກມາສະຜົມ ກ່ອນຈະສະຢາສະຜົມ ຈະຊ່ວຍໃຫ້ຜົມງາມຊ່ວຍບຳລຸງໜັງຫົວ ແລະເຮັດໃຫ້ບໍ່ມີລັງແຄໄດ້, ຖ້າຫາກເອົາມາປະສົມໝາກຂີ້ຫູດ ຍິ່ງເຮັດໃຫ້ໄດ້ຜົນດີຂຶ້ນອີກ
- ນໍ້າມວກຊ່ວຍລ້າງຜັກໝາກໄມ້ໄດ້: ການເອົານໍ້າມວກມາລ້າງຜັກ, ໝາກໄມ້ ຈະຊ່ວຍໃຫ້ກໍາຈັດສານພິດທີ່ຕົກຄ້າງໄດ້.
ຕິດຕາມນານາສາລະ ກົດໄລຄ໌ເລີຍ!