ສຳນັກຂ່າວຕ່າງປະເທດລາຍງານ ໃນວັນທີ 29 ກໍລະກົດນີ້ວ່າ ຜູ້ໂດຍສານເທິງເຮືອບິນຂອງ
ສາຍການບິນເດລຕ້າ ແອຣ໌ລາຍ ເສັ້ນທາງແຕ່ນະຄອນຫຼວງປັກກິ່ງ ໄປເມືອງດີທຣອຍ
ສະຫະລັດອາເມລິກາ ຕ້ອງທົນສູດດົມກິ່ນບໍ່ເພິ່ງປະສົງໄປຕະຫຼອດທາງ ຫຼັງຈາກຄອບຄົວ
ຊາວຈີນ ປອ່ຍໃຫ້ລູກນ້ອຍຂອງຕົນເອງຖ່າຍໜັກໃສ່ເທິງຕັ່ງນັ່ງຂອງເຮືອບິນ ໂດຍໃຊ້ໜັງ
ສືພິມປູໃຫ້ ແລະ ບໍ່ຍອມພາໄປຫ້ອງນ້ຳ ເຖິງແມ່ນວ່າລູກເຮືອ ແລະ ຜູ້ໂດຍສານຫຼາຍຄົນພະ
ຍາຍາມອ້ອນວອນແລ້ວກໍຕາມ.
ເຫດການດັ່ງກ່າວນີ້ ກໍ່ໃຫ້ເກີດສຽງຮຽກຮ້ອງຢ່າງຫຼວງຫຼາຍ ເນື່ອງຈາກກິ່ນຂອງມັນໄດ້ລອຍ
ກຸ້ມໄປທົ່ວທັງຫ້ອງໂດຍສານ ໃນຂະນະທີ່ຜູ້ໂດຍສານຊາວຈີນຄົນໜຶ່ງທີ່ຢູ່ເທິງເຮືອບິນລຳດັ່ງ
ກ່າວໄດ້ເວົ້າວ່າ ເຖິງແມ່ນຈະມີການຂໍຮ້ອງຈາກຜູ້ໂດຍສານ ແລະ ພະນັກງານຕ້ອນຮັບເທິງ
ເຮືອບິນ ໃຫ້ພາເດັກໄປເຂົ້າຫ້ອງນ້ຳແລ້ວກໍຕາມ, ແຕ່ປຸ່ ແລະ ຍ່າຂອງເດັກທີ່ເດີນທາງມານຳ
ກັນ ຕ່າງກໍຢືນຢັນທີ່ຈະໃຫ້ເດັກຂັບຖ່າຍເທິງຕັ່ງນວມຂອງຜູ້ໂດຍສານ ເຊິ່ງພາຍຫຼັງເດັກໄດ້
ເຮັດວຽກສ່ວນໂຕຂອງເຂົາສຳເລັດແລ້ວ ກິ່ນກໍ່ຄ່ອຍໆທະຍານຂຶ້ນ ກະຈາຍໄປທົ່ວຫ້ອງໂດຍ
ສານ ສ້າງຄວາມທໍລະມານໃຫ້ແກ່ຜູ້ໂດຍສານຄົນອື່ນໆ.
ເຫດການດັ່ງກ່າວເກີດຂຶ້ນໃນຊ່ວງອາທິດທີ່ຜ່ານມາ ໂດຍທາງສາຍການບິນ ເດລຕ້າ ແອຣ໌
ລາຍ ກໍຍັງບໍ່ທັນອອກມາໃຫ້ຄວາມເຫັນໃດໆຕໍ່ເລື່ອງດັ່ງກ່າວນີ້ເທື່ອ.