- ເຮັດອາຫານກິນເອງໃຫ້ຫຼາຍຂຶ້ນ: ການທີ່ເຮົາເຮັດກິນເອງຫາກເຫຼືອກໍຍັງເກັບໄວ້ໃນຕູ້ເຢັນໄວ້ກິນອີກໄດ້
- ຊື້ຜັກໝາກໄມ້ຕາມລະດູການ: ນອກຈາກປະຢັດແລ້ວ ຍັງເປັນຊ່ວງທີ່ຜັກໝາກໄມ້ມີຄຸນນະພາບສູງ ແລະອີກຢ່າງກໍລາຄາຖືກອີກດ້ວຍ
- ຊື້ອາຫານສົດໃນຕະຫຼາດ: ເພາະຈະຖືກກວ່າໃນຮ້ານສັບພະສິນຄ້າ, ຄວນເລືອກເບິ່ງຮ້ານທີ່ອາຫານນັ້ນສົດ ແລະລາຄາກໍເໝາະສົມ
- ປູກຜັກກິນເອງ: ເປັນຕົ້ນແມ່ນ: ຫົວສີໃຄ, ໝາກເຜັດ, ຜັກຊີ, ຜັກບົ້ງ, ຜັກຫອມບົ່ວ, ຫອມປ້ອມ ຈະເຮັດໃຫ້ເຮົາຫຼຸດຄ່າໃຊ້ຈ່າຍຫຼາຍຂຶ້ນ
- ອາຫານທີ່ບໍ່ຈຳເປັນຫຼາຍກໍບໍ່ຄວນຊື້: ອາຫານປະເພດໃຫທີ່ເຫັນວ່າບໍ່ມີຄວາມຈຳເປັນປານໃດ ກໍບໍ່ຄວນຊື້ ສິ່ງໃດປະຢັດໄດ້ກໍຄວນປະຢັດ
- ຈົດອາຫານທີ່ຕ້ອງການຊື້: ຕ້ອງຊື້ຕາມທີ່ເຮົາຈົດລາຍການໄປນັ້ນກໍພໍ ຢ່າຊື້ພຽງເພາະຄຳໂຄສະນາ
- ປິດໄຟ ປິດເຄື່ອງໃຊ້ໄຟຟ້າ: ເມື່ອໃດທີ່ເຮົາໃຊ້ແລ້ວກໍຄວນປິດ, ຖອດປັກສຽບ ແລະປິດນໍ້າທຸກຄັ້ງ ທີ່ບໍ່ໄດ້ໃຊ້ງານແລ້ວ
- ເລືອກໃຊ້ເຄື່ອງໃຊ້ໄຟຟ້າທີ່ປະຢັດພະລັງງານ: ແອ, ໝໍ້ຫຸງເຂົ້າ, ຕູ້ເຢັນ, ໄມໂຄເວັບ ຖ້າຫາກເປັນລຸ້ນທີ່ເກົ່ຫຼາຍກໍຈະກິນໄຟຫຼາຍ, ຖ້າຢາກປະຢັດໄຟໄລຍະຍາວ ຄວນຊື້ລຸ້ນໃໝ່ມາປ່ຽນຈະດີກວ່າ
- ຫາກຕ້ອງການອົບອາຫານ: ໃຫ້ອົບຫຼາຍຢ່າງພ້ອມກັນຈະດີກວ່າ ແຕ່ຖ້າຫາກມີໜ້ອຍຄວນໃຊ້ໄມໂຄເວັບ ແທນເຕົາອົບຂະໜາດໃຫຍ່
- ຮັກສາສະພາບການໃຊ້ງານຂອງເຄື່ອງໃຊ້ໄຟຟ້າທຸກຢ່າງ: ໃຫ້ຢູ່ໃນສະພາບທີ່ເຮັດວຽກໄດ້ດີສະເໝີ ລວມຮອດການທຳຄວາມສະອາດເຄື່ອງໃຊ້ໄຟຟ້າ ໂດຍສະເພາະແອ ຈະຊ່ວຍຫຼຸດຄ່າໄຟຟ້າໄດ້
- ບໍ່ຄວນຊື້ເຄື່ອງຕະຫຼອດ: ບໍ່ວ່າຈະຊື້ຢູ່ໄສກໍຕາມ ເພາະຈະເປັນການເພີ່ມໂອກາດໃນການໃຊ້ຈ່າຍ ແບບບໍ່ໄດ້ວາງແຜນມາກ່ອນ ແລະເຮັດໃຫ້ເກີດຄວາມຢາກໄດ້
- ສິ່ງທີ່ແພງບໍ່່ແມ່ນສິ່ງທີ່ດີສະເໝີ: ບາງຢ່າງທີ່ສາມາດໃຊ້ແທນກັນໄດ້ ລະຫວ່າງເຄື່ອງທີ່ແພງ ກັບເຄື່ອງທີ່ຖືກກວ່າ ແຕ່ຄຸນນະພາບເທົ່າກັນ
- ເຊົາຊື້ເຄື່ອງນຸ່ງຕາມແຟຊັ່ນ: ເພາະຈະນິຍົມໃນເວລາບໍ່ດົນປານໃດ, ເມື່ອລຸ້ນໃໝ່ອອກມາ ກໍຕ້ອງໄດ້ຊື້ໃໝ່ ທັງທີ່ອັນເກົ່າຍັງດີຢູ່ ແຕ່ເຫັນໄດ້ວ່າບໍ່ທັນສະໄໝ, ຄວນເລືອກຊື້ເສື້ອຜ້າທີ່ລຽບ ທີ່ສາມາດໃຊ້ໄດ້ທຸກໂອກາດດີກວ່າ
ຕິດຕາມນານາສາລະ ກົດໄລຄ໌ເລີຍ!