ເປັນເວລາດົນແລ້ວທີ່ເຮົາຮູ້ຂ່າວກ່ຽວກັບສະມາດໂຟນພັບໄດ້, ແຕ່ຂໍ້ມູນໃໝ່ໃນມື້ນີ້ສະແດງໃຫ້ເຫັນເຖິງສິດທິບັດໃໝ່ຈາກບໍລິສັດ Samsung ທີ່ໂຊຈຸດເດັ່ນໃຫ້ເຫັນໃນເລື່ອງຂອງການພັບເກັບສະມາດໂຟນໄດ້!!.

ອີງຕາມພາບເຣນເດີ້ທີ່ຫຼຸດອອກມານີ້ ເຮົາຈະເຫັນວ່າສະມາດໂຟນໜ່ວຍນັ້ນຈະມີບານພັບທີ່ທາງກາງຂອງເຄື່ອງ ແລະຖ້າສັງເກດດີໆລັກສະນະມັນຈະຄ້າຍໆກັບບານພັບຂອງ Microsoft Surface Book ເລີຍ. ຖ້າຫາກວ່າຂ່າວທີ່ຫຼຸດອອກມານີ້ແມ່ນເລື່ອງແທ້ໂທລະສັບດັ່ງກ່າວຈະມີອັດຕາການສະແດງຜົນທີ່ຫຼາຍກວ່າປົກກະຕິ 16:9.

ຢ່າງໃດກໍຕາມບໍລິສັດກໍຍັງລັງເລວ່າຈະເປີດໂຕສະມາດໂຟນຈໍພັບນີ້ຫຼືບໍ່ ເພາະບໍລິສັດຍັງບໍ່ທັນຮູ້ເຖິງຄວາມຕ້ອງການຂອງຕະຫຼາດ ລວມເຖິງບໍລິສັດຍັງຕ້ອງພົບກັບບັນຫາບາງຢ່າງເຊັ່ນ: ແກ້ວໜ້າຈໍແລະແບັດເຕີຣີເປັນຕົ້ນ. ສຳລັບການເປີດໂຕຄາດວ່າເຮົາອາດຈະເຫັນໄດ້ໄວທີ່ສຸດກໍຄົງຈະເປັນປີ 2017 ທີ່ຈະມາຮອດນີ້.

ສຳລັບທ່ານໃດທີ່ຮັກໃນການອ່ານຂ່າວໄອທີ, ເກມ ແລະ ອະນິເມະ ສາມາດຕິດຕາມໄດ້ທີ່ນີ້ ກົດຖືກໃຈເລີຍ!

ທີ່ມາ: fonearena