ແນ່ນອນພວກເຮົາທຸກຄົນຕ້ອງເຄີຍຝັນ ຝັນດີ, ຝັນຮ້າຍ, ຝັນກາງວັນ ບາງຄົນຈື່ສິ່ງທີ່ຝັນໄດ້ບາງຄົນຈື່ສິ່ງທີ່ຝັນບໍ່ໄດ້ ແຕ່ຈະມີໃຜແດ່ ທີ່ເຄີຍຕັ້ງຄໍາຖາມກັບຕົວເອງວ່າແທ້ໆແລ້ວຝັນແມ່ນຫຍັງ? ເກີດຂຶ້ນໄດ້ແນວໃດ? ເປັນຫຍັງຕ້ອງຝັນ? ຝັນແລ້ວໄດ້ຫຍັງ? ຄໍາຖາມເຕັມຕົວແແບບນີ້ ເກັບໄວ້ບໍ່ໄດ້ແລ້ວ ເຈັບຫົວແທ້ ຖ້າດັ່ງນັ້ນເຮົາມາຊອກຄຳຕອບກັນດີກວ່າ.
ຝັນ…ແມ່ນຫຍັງ? ຖ້າຍົກຄວາມໝາຍຈາກວັດຈະນານຸກົມສະບັບລາຊະບັນດິດສະຖານຂອງໄທ ເວົ້າວ່າ: ຝັນຄືການນຶກເຫັນເປັນເລື່ອງລາວເວລານອນຫລັບ ແມ່ນແລ້ວຝັນເປັນປະກົດການທີ່ເກີດຂຶ້ນນລະຫວ່າງການນອນຫລັບ ຫລັບຄືບໍ່ຫລັບ ທັ້ງທີ່ຫລັບແລ້ວ ຝັນເຮັດໃຫ້ຮູ້ສຶກວ່າມີຕົວເຮົາໄປໂລດແລ່ນຢູ່ອີກເທື່ອໜຶ່ງ ( ທັ້ງໆທີ່ຈິງແລ້ວນອນຫລັບຢູ່)
ແລ້ວຝັນ…ເກີດຂຶ້ນໄດ້ແນວໃດ? ໃນລະຫວ່າງທີ່ເຮົານອນເຫັນຝັນນັ້ນ ສະໝອງເຮົາບໍ່ໄດ້ພັກຜ່ອນເມື່ອຮ່າງກາຍຂອງເຮົານັ້ນແຕ່ກໍາລັງເຮັດວຽກໜັກ ປຽກເໝືອນໂຮງໜັງທີ່ກໍາລັງສາຍໜັງໃຫ້ຮົາເບິ່ງ ໂດຍມີສະໝອງສ່ວນໃນ ຊຶ່ງຮັກສາຂໍ້ມູນຄວາມຄວາມຈໍາເຮັດໜ້າທີ່ຄືເຄື່ອງສາຍພາບ ແລະສົ່ງພາບໃນສະໝອງໄປຍັງສະໝອງໃຫຍ່ ທີ່ຄືກັນກັບຈໍສາຍພາບ.
ເປັນຫຍັງ…ຄົນເຮົາຕ້ອງຝັນ ເຖິງຕອນນີ້ຄົນເຮົາຄົງສົງໄສແມ່ນບໍວ່າ ເປັນຫຍັງຄົນເຮົາຕ້ອງຝັນ? ຝັນແລ້ວໄດ້ປະໂຫຍດຫຍັງ? ທີ່ແທ້ແລ້ວຝັນເປັນປະກົດການທີ່ເກີດຂຶ້ນ ເພື່ອສະໝອງຈະໄດ້ທົບທວນຂໍ້ມູນຄວາມຈໍາທີ່ສໍາຄັນ ແລະຖື້ມຂໍ້ມູນຄວາມຈໍາທີ່ບໍ່ຈໍາເປັນປຽບເໝືອນການຈັດລະບຽບການຈໍາໃນສະໝອງເຮົານັ້ນເອົງ.
ຝັນດີ ຝັນຮ້າຍ…ຕ່າງກັນແນວໃດ? ຝັນດີຄືຝັນທີ່ເຮົາປາຖະໜາ ໄດ້ໄປໃນທີ່ໆເຮົາຢາກໄປ, ໄດ້ເຮັດໃນສິ່ງທີ່ເຮົາຢາກເຮັດ, ໄດ້ເຫັນໃນສິ່ງທີ່ເຮົາຢາກເຫັນ ແລະໄດ້ຍິນໃນສິ່ງທີ່ເຮົາຢາກໄດ້ຍິນ.
ສ່ວນຝັນຮ້າຍນັ້ນ ກົງກັນຂ້າມກັບຝັນດີ ຄືຝັນທີ່ເຮົາບໍ່ປາຖະໜາ, ຕ້ອງໄປໃນທີ່ໆບໍ່ຢາກໄປ, ຕ້ອງເຮັດໃນສິ່ງທີ່ບໍ່ຢາກເຮັດ, ຕ້ອງເຫັນໃນສິ່ງທີ່ບໍ່ຢາກເຫັນ ແລະຕ້ອງໄດ້ຍິນໃນສິ່ງທີ່ບໍ່ຢາກໄດ້ຍິນນັ້ນເອງ.