ວັນນີ້ເຮົາມາເບິ່ງຂອງສະສົມສຸດສະຫຍອງຂອງນາຍພົນໂຮຣາຕິໂອ ກໍດອນ ຣັອບເລຍ ອະດີດທະຫານ ແລະ ສີລະປິນຊາວອັງກິດ ທີ່ປະຕິບັດໜ້າທີ່ໃນປະເທດນິວຊີແລນໃນສະໄໝລ່າອານານິຄົມ ຕັ້ງແຕ່ປີ 1860 ລາວມີຄວາມສົນໃຈໃນເລື່ອງຊາດພັນວິທະຍາ ແລະ ຫຼົງໄຫລໃນສີລະປະກ່ຽວກັບການສັກລາຍທີ່ໜ້າຂອງຊົນເຜົ່າເມົາຣີ ເມື່ອມີການຂ້າສັດຕູທີ່ເປັນຊາວຊົນເຜົ່າເມົາຣີໄດ້ ຫົວຂອງສັດຕູຈະຖືກຕັດເກັບໄວ້ຄືກັບເປັນລາງວັນຂອງການເຮັດສົງຄາມ ແລະ ເປັນເຄື່ອງຕໍ່ລອງເຈລະຈາຂໍ້ຕົກລົງລະຫວ່າງສົງຄາມ ນາຍພົນໂຮຣາຕິໂອ ກໍດອນ ຣັອບເລຍ ເລີ່ມສະສົມຫົວຂອງຄົນຊົນເຜົ່າເມົາຣີ ຈົນຮອດປີ 1896 ກ່ອນທີ່ລາວຈະເກີນທາງກັບປະເທດອັງກິດພ້ອມສ້າງຄໍຣເລດຊັ່ນເຄື່ອງສະສົມສຸດສະຫຍອງຂຶ້ນ ໂດຍມີຫົວສັກລາຍຂອງຊົນເຜົ່າເມົາຣີທັງໝົດ 35 ຫົວ
ຕໍ່ມາເມື່ອປີ 1908 ນາຍພົນໂຮຣາຕິໂອ ໄດ້ສະເໜີຂາຍຄໍຣເລດຊັ່ນນີ້ໃຫ້ລັດຖະບານນິວຊີແລນ ໃນລາຄາ 10,105,000 ກີບ ແຕ່ສຸດທ້າຍກໍ່ຖືກປະຕິເສດ ຫຼັງຈາກນັ້ນທາງພິພິດຕະພັນປະຫວັດສາດທຳມຊາດໃນນະຄອນນິວຢອກ ຈິ່ງໄດ້ຕິດຕໍ່ຂໍຊື້ຄໍຣເລດຊັ່ນຫົວຊາວເມົາຣີ ພຽງຈຳນວນ 25 ຫົວ ໄປຈັດສະແດງໃນພິພິດທະພັນໃນລາຄາ 12,455,000 ກີບ
ສຳລັບຫົວຊົນເຜົ່າເມົາຣີສັກລາຍນີ້ ຕາມປະເພນີທ້ອງຖິ່ນນັ້ນ ຫາກມີການເສຍຊີວິດທາງຄອບຄົວຈະຕັດສ່ວນຫົວເກັບມ້ຽນ ໂດຍວິທີການຄັວກເອົາສະໝອງ ແລະ ດວງຕາທັງສອງອອກ ຈາກນັ້ນກໍ່ນຳໄປຕົ້ມ ແລະ ຕາກແດດຈົນແຫ້ງ ສຸດທ້າຍເຄືອບດ້ວຍນ້ຳມັນປາສະຫຼາມ ກ່ອນຈະນຳໄປເກັບໄວ້ໃນກ່ອງແກະສະລັກສວຍງາມ ເຊິ່ງຫົວທີ່ໄດ້ນັ້ນຈະນຳອອກມາໃຊ້ເມື່ອມີພິທີສັກສິດ
ຕິດຕາມນານາສາລະ ກົດໄລຄ໌ເລີຍ!