spot_img
Homeຂ່າວທ້ອງຖິ່ນຊໍອີ້ ກຳລັງຈະກາຍເປັນພຽງຕຳນານ

ຊໍອີ້ ກຳລັງຈະກາຍເປັນພຽງຕຳນານ

Published on

ອີ້ ເປັນເຄື່ອງເສບດົນຕີ ພື້ນເມືອງລາວປະເພດໜຶ່ງທີ່ຜະລິດຈາກໄມ້ໄຜ່ເຊິ່ງເປັນພູມປັນຍາ ຂອງຊາວບ້ານ ແຕ່ກໍໄດ້ຮັບຄວາມນິຍົມຊົມຊອບຈາກຫຼາຍຄົນ ເນື່ອງຈາກສາມາດໃຫ້ຄວາມບັນເທີງໄດ້ເທົ່າທຽມກັບເຄື່ອງເສບດົນຕີປະເພດອື່ນ ໂດຍສະເພາະຍາມຫຼິ້ນຄົນດຽວ.

ພໍ່ຕູ້ຈັນແດງ ແພງຄຳຮັກ ອາຍຸ 77 ປີ, ບ້ານທ່ານາສາ, ເມືອງສັງທອງ, ນະຄອນຫຼວງວຽງຈັນກ່າວວ່າ: ສະໄໝເປັນເດັກນ້ອຍ ເຄີຍນັ່ງຟັງຜູ້ໃຫຍ່ສີຊໍອີ້ ດ້ວຍທຳນອງຫຼາກຫຼາຍອາລົມ ຟັງແລ້ວມ່ວນທັງເພີດເພີນ ພໍເຕີບໃຫຍ່ຂຶ້ນເປັນໄວໜຸ່ມກໍສາມາດຜະລິດຊໍອີ້ໄດ້ດ້ວຍຕົນເອງທັງສາມາດສີຊໍໄດ້ຢ່າງອ່ອນຊ້ອຍ ສຳລັບ ສ່ວນປະກອບຂອງຊໍອີ້ ບໍ່ມີຫຍັງຫຼາຍນອກຈາກໄມ້ໄຜ່ ຖ້າເປັນໄປໄດ້ຄວນ ໃຊ້ໄມ້ຊ້າ ເນື່ອງຈາກມີປ້ອງດຽວຍິ່ງເກີດສຽງດັງກວ່າໄມ້ໄຜ່ທຳມະດາ ເມື່ອນຳໄມ້ປ່ອງມາແລ້ວ ກໍເຈາະເປັນຮູ, ໃນຮູໜຶ່ງປະກອບມີໄມ້ເຄັ່ງສຽງຊໍ (ປັບສຽງ) ແລະບ້ອງຊໍ ນອກຈາກຊໍອີ້ ຍັງມີຊໍອູ້ ຊຶ່ງເຮັດຈາກກະໂປະໝາກພ້າວເອົາໜັງງົວ ຫຼື ໜັງຄວາຍມາຫຸ້ມ ປະຈຸບັນບໍ່ປາກົດມີໃຫ້ເຫັນເຫຼືອພຽງຊໍອີ້ແຕ່ກໍບໍ່ປາກົດເຫັນຫຼາຍທີ່ກຳລັງຈະໝົດໄປໃນອະນາຄົດອັນໃກ້ຖ້າບໍ່ມີການອະນຸຮັກຮັກສາໄວ້ໃນອະນາຄົດຊໍອີ້ຈະກາຍ ເປັນພຽງຕຳນານ.

ຊໍອີ້ເປັນເຄື່ອງດົນຕີພື້ນເມືອງປະສານສຽງຂັບລຳຕ່າງໆຕາມຈັງຫວະເພື່ອສ້າງຄວາມມ່ວນຊື່ນເພີດ ເພີນໃຈໃນສະໄໝກ່ອນຜູ້ຊາຍສ່ວນຫຼາຍນິຍົມໃຊ້ຊໍອີ້ເຂົ້າໃນການກ້ຽວສາວ (ລົມສາວ)ໂດຍອາໄສການຕໍ່ກອນ ຫຼື ຜະຫຍາໂຕ້ຕອບລັກສະນະຄ້າຍຄືກັບແຄນ ແຕ່ແຄນຕ້ອງອາໄສ ສອງຄົນຂຶ້ນໄປສ່ວນ ຊໍອີ້ ມີຜູ້ ຫຼິ້ນຄົນດຽວກໍໄດ້ ເນື່ອງຈາກໃຊ້ມືສີຊໍ ສ່ວນປາກກໍຕໍ່ ກອນກ້ຽວສາວໂຕ້ຕອບກັນໄປມາ ໂດຍປະສານສຽງມ່ວນອອນຊອນພາໃຫ້ຢ້ອນຄືນຄາວຫຼັງຄັ້ງໜຸ່ມສາວ ໄດ້ຢ່າງມີຊີວິດຊີວາ.

ພໍ່ຕູ້ຈັນແດງ ແພງຄຳຮັກ ຍັງໄດ້ກ່າວຕື່ມອີກວ່າ: ເປັນທີ່ໜ້າເສຍດາຍ ທີ່ເຄື່ອງດົນຕີພື້ນເມືອງບາງຈຳນວນໜຶ່ງກໍບໍ່ປາກົດມີການນຳໃຊ້ໃຫ້ເຫັນໃນປະຈຸບັນ ຫຼື ມີກໍໜ້ອຍທີ່ສຸດ ສ່ວນໃຫຍ່ຈະຍັງປາກົດໃຫ້ເຫັນຢູ່ ຕາມເຂດຊົນນະບົດ ໂດຍສະເພາະບັນດາຜູ້ອາວຸໂສທີ່ ຍັງນິຍົມໃຊ້ສ່ວນໄວໜຸ່ມໃນຍຸກປະຈຸບັນຈຳນວນຫຼາຍບໍ່ສາມາດຫຼິ້ນດົນຕີພື້ນເມືອງໄດ້ເໝືອນແຕ່ກ່ອນ.

 

ຂໍຂອບໃຈຂໍ້ມູນຈາກ: ເສດຖະກິດ-ສັງຄົມ
ຕິດຕາມນານາສາລະ ກົດໄລຄ໌ເລີຍ!

ບົດຄວາມຫຼ້າສຸດ

ຕື່ມແບບຟອມ Thailand Digital Arrival Card (TDAC) ກ່ອນເຂົ້າໄທ

ນັກທ່ອງທ່ຽວ ຫຼື ຄົນຕ່າງປະເທດຕ້ອງຕື່ມຟອມທາງອອນລາຍກ່ອນເຂົ້າປະເທດໄທ ເລີ່ມແຕ່ວັນທີ 1 ພຶດສະພາ 2025 ເປັນຕົ້ນໄປ, ຜູ້ທີ່ບໍ່ແມ່ນພົນລະເມືອງໄທທຸກຄົນ(ນັກທ່ອງທ່ຽວ, ຄົນຕ່າງປະເທດ) ທີ່ເດີນທາງໄປປະເທດໄທດ້ວຍທາງອາກາດ, ທາງບົກ ຫຼື ທາງທະເລ ຈະຕ້ອງໄດ້ຕື່ມແບບຟອມ...

ປະຫວັດຫຍໍ້ຂອງ ສະຫາຍ ພົນເອກ ຄຳໄຕ ສີພັນດອນ

ສະຫາຍ ພົນເອກ ຄຳໄຕ ສີພັນດອນ ເກີດເມື່ອວັນທີ 8 ກຸມພາ 1924 ທີ່ບ້ານຫົວໂຂງພະໃຫຍ່, ເມືອງໂຂງ, ແຂວງສີທັນດອນ (ແຂວງຈຳປາສັກ ໃນປັດຈຸບັນ), ເປັນບຸດ...

ອາຊີບຕ້ອງຫ້າມ! ຕຳຫຼວດໄທວາງແຜນຈັບໜຸ່ມລາວ ຂັບລົດຈັກຮັບຈ້າງ ຍາດອາຊີບຄົນໄທ

ເຈົ້າໜ້າທີ່ຕຳຫຼວດໄທ ວາງແຜນຈັບໜຸ່ມລາວ ຍາດອາຊີບຄົນໄທ ຂັບລົດຈັກຮັບຈ້າງ ບໍລິເວນເຂດຫ້ວຍຂວາງ ກຸງເທບມະຫານະຄອນ ປະເທດໄທ. ສຳນັກຂ່າວໄທລາຍງານໃນວັນທີ 1 ເມສາ 2025 ຜ່ານມາ, ເຈົ້າໜ້າທີ່ຕຳຫຼວດໄທໄດ້ຮັບແຈ້ງຈາກສາຍຂ່າວ ກ່ຽວກັບເບາະແສວ່າ: ມີຊາຍຄ້າຍຄືກັບແຮງງານຕ່າງດ້າວ...

ທຳລາຍໃຫ້ໝົດ! ພະແນກ ອຄ ແຂວງຄຳມ່ວນ ທຳລາຍສິນຄ້າລະເມີດກົົດໝາຍ ມູນຄ່າ ເກືອບ 300 ລ້ານ ກວ່າກີບ

ພະແນກອຸດສາຫະກຳ ແລະ ການຄ້າແຂວງຄຳມ່ວນ ທຳລາຍສິນຄ້າທີ່ລະເມີດກົດໝາຍ, ລະບຽບການດ້ານການຄ້າ ແລະ ສິນຄ້ານອກລະບົບທີ່ອາຍັດມາໄດ້ໃນໄລຍະປີ 2024-2025 ຜ່ານມາ. ໃນຕອນບ່າຍວັນທີ 1 ເມສາ 2025 ຢູ່ທີ່ພະແນກອຸດສາຫະກໍາ ແລະ...