spot_img
Homeຂ່າວພາຍ​ໃນມາຕະການດ້ານເງິນຕາຂອງທະນາຄານ ສົ່ງຜົນອັດຕາແລກປ່ຽນນອກທະນາຄານ ຖີບໂຕສູງຂຶ້ນ

ມາຕະການດ້ານເງິນຕາຂອງທະນາຄານ ສົ່ງຜົນອັດຕາແລກປ່ຽນນອກທະນາຄານ ຖີບໂຕສູງຂຶ້ນ

Published on

ພາຍຫຼັງທີ່ລັດຖະບານມີມາຕະການ ກຳນົດໃຫ້ຜູ້ໜຶ່ງສາມາດແລກປ່ຽນເງິນຕາຕ່າງປະເທດໄດ້ 5,000,000 ກີບ/ມື້ ໄດ້ເຮັດໃຫ້ອັດຕາແລກປ່ຽນເງິນຕາຕ່າງປະເທດຢູ່ນອກທະນາຄານຖີບໂຕສູງຂຶ້ນຫຼາຍກວ່າປົກກະຕິ.

ໃນໄລຍະບໍ່ດົນມານີ້ ທະນາຄານແຫ່ງ ສປປ ລາວ ໄດ້ກຳນົດໃຫ້ແຕ່ລະທະນາຄານທຸລະກິດລັດແລະທະນາຄານເອກະຊົນສາມາດຂາຍເງິນຕາໃຫ້ແກ່ມວນຊົນໄດ້ບໍ່ເກີນຜູ້ລະ 5,000,000 ກີບ ຫຼືທຽບເທົ່າຕໍ່ຄົນ ແຕ່ຂະນະດຽວກັນກໍໄດ້ກຳນົດໃຫ້ແຕ່ລະທະນາຄານມີຂີດຈຳກັດໃນການຂາຍເງິນຕາ ໝາຍຄວາມວ່າບໍ່ແມ່ນທຸກຄົນທີ່ໄປແລກປ່ຽນເງິນຕາຕ່າງປະເທດຈະໄດ້ແລກປ່ຽນ ເພາະຖ້າລົງທະບຽນຊ້າ ຫຼືໄປແລກປ່ຽນໂດຍບໍ່ໄດ້ລົງທະບຽນໄວ້ກ່ອນ ກໍອາດຈະບໍ່ໄດ້ແລກປ່ຽນເລີຍກໍໄດ້.

ທັງນີ້, ໃຜຕ້ອງການແລກປ່ຽນຕ້ອງລົງທະບຽນໄວ້ກ່ອນ ໂດຍສາມາດລົງທະບຽນທາງຂໍ້ຄວາມໂທລະສັບໄດ້ ແຕ່ຕ້ອງລົງທະບຽນພາຍໃນມື້ທີ່ຈະແລກປ່ຽນ. ຫຼືຖ້າຫາກມີຄວາມຈຳເປັນຕ້ອງໃຊ້ເງິນຕາຈຳນວນຫຼາຍກໍສາມາດແລກປ່ຽນໄດ້ ໂດຍຕ້ອງມີການສະເໜີເປັນລາຍລັກອັກສອນ ຫຼືຖ້າຫາກເປັນເຫດການເລັ່ງດ່ວນຄື ຕ້ອງໃຊ້ໃນການໄປປິ່ນປົວກໍສາມາດປ່ຽນຫຼາຍໄດ້ທັນທີ.

ໃນຂະນະທີ່ທະນາຄານກາງໄດ້ອອກແຈ້ງການ ເລກທີ 202/ທຫລ ລົງວັນທີ 1 ມິຖຸນາ 2016 ໃຫ້ຮ້ານແລກປ່ຽນເງິນຕາສາມາດໃຫ້ມວນຊົນແລກໄດ້ບໍ່ເກີນ 20,000,000 ກີບ ແຕ່ບໍ່ລະບຸຈະແຈ້ງວ່າ ຕໍ່ຫົວຄົນຫຼືຕໍ່ຮ້ານ, ຕໍ່ວັນຫຼືຕໍ່ເດືອນ ຫຼືຈັ່ງໃດ? ອາດຈະເປັນຍ້ອນຄວາມບໍ່ຈະແຈ້ງນີ້ເອງ ຈຶ່ງເຮັດໃຫ້ຮ້ານແລກປ່ຽນເງິນຕາຫຼາຍຮ້ານສາມາດແລກປ່ຽນໄດ້ແບບບໍ່ຈຳກັດວົງເງິນ.

screenshot-144

ມາຕະການດັ່ງກ່າວນັ້ນ, ເຮັດໃຫ້ຮ້ານແລກປ່ຽນເງິນຕາບາງແຫ່ງ(ທີ່ບໍ່ແມ່ນຂອງທະນາຄານ) ລວມທັງການແລກປ່ຽນຂອງຊາວຄ້າຂາຍທີ່ບໍ່ແມ່ນຮ້ານແລກປ່ຽນ ຫຼືທີ່ເອີ້ນວ່າຕະຫຼາດມືດ ສວຍໂອກາດຂຶ້ນອັດຕາແລກປ່ຽນສູງກວ່າທີ່ທະນາຄານກາງກຳນົດເຖິງ 4-6% ເຊັ່ນ ເງິນໂດລາສະຫະລັດ ຈາກ 1 ໂດລາ 8,166 ກີບ ແຕ່ໃນຕະຫຼາດມືດອັດຕາແລກປ່ຽນສູງເຖິງ 8,500 ກີບ, ຫຼືຈາກ 1 ບາດໄທເທົ່າກັບ 234 ກີບ ແຕ່ໃນຕະຫຼາດມືດສູງເຖິງ 250 ກີບ. ເຫດການດັ່ງກ່າວນີ້ເຮັດໃຫ້ຊາວຄ້າຂາຍລາຍຍ່ອຍທີ່ຕ້ອງໃຊ້ຈ່າຍເງິນຕາຕ່າງປະເທດໃນການຊຳລະຄ່າສິນຄ້າມີຄວາມຫຍຸ້ງຍາກຫຼາຍຂຶ້ນ.

screenshot-143

ບົດຄວາມຫຼ້າສຸດ

ປະຫວັດຫຍໍ້ຂອງ ສະຫາຍ ພົນເອກ ຄຳໄຕ ສີພັນດອນ

ສະຫາຍ ພົນເອກ ຄຳໄຕ ສີພັນດອນ ເກີດເມື່ອວັນທີ 8 ກຸມພາ 1924 ທີ່ບ້ານຫົວໂຂງພະໃຫຍ່, ເມືອງໂຂງ, ແຂວງສີທັນດອນ (ແຂວງຈຳປາສັກ ໃນປັດຈຸບັນ), ເປັນບຸດ...

ອາຊີບຕ້ອງຫ້າມ! ຕຳຫຼວດໄທວາງແຜນຈັບໜຸ່ມລາວ ຂັບລົດຈັກຮັບຈ້າງ ຍາດອາຊີບຄົນໄທ

ເຈົ້າໜ້າທີ່ຕຳຫຼວດໄທ ວາງແຜນຈັບໜຸ່ມລາວ ຍາດອາຊີບຄົນໄທ ຂັບລົດຈັກຮັບຈ້າງ ບໍລິເວນເຂດຫ້ວຍຂວາງ ກຸງເທບມະຫານະຄອນ ປະເທດໄທ. ສຳນັກຂ່າວໄທລາຍງານໃນວັນທີ 1 ເມສາ 2025 ຜ່ານມາ, ເຈົ້າໜ້າທີ່ຕຳຫຼວດໄທໄດ້ຮັບແຈ້ງຈາກສາຍຂ່າວ ກ່ຽວກັບເບາະແສວ່າ: ມີຊາຍຄ້າຍຄືກັບແຮງງານຕ່າງດ້າວ...

ທຳລາຍໃຫ້ໝົດ! ພະແນກ ອຄ ແຂວງຄຳມ່ວນ ທຳລາຍສິນຄ້າລະເມີດກົົດໝາຍ ມູນຄ່າ ເກືອບ 300 ລ້ານ ກວ່າກີບ

ພະແນກອຸດສາຫະກຳ ແລະ ການຄ້າແຂວງຄຳມ່ວນ ທຳລາຍສິນຄ້າທີ່ລະເມີດກົດໝາຍ, ລະບຽບການດ້ານການຄ້າ ແລະ ສິນຄ້ານອກລະບົບທີ່ອາຍັດມາໄດ້ໃນໄລຍະປີ 2024-2025 ຜ່ານມາ. ໃນຕອນບ່າຍວັນທີ 1 ເມສາ 2025 ຢູ່ທີ່ພະແນກອຸດສາຫະກໍາ ແລະ...

ສະຫະລັດອາເມລິກາ ປະກາດຈະເກັບພາສີນຳເຂົ້າພື້ນຖານ 10%

ທ່ານ ໂດນັລ ທຣຳມ ປະທານາທິບໍດີ ສະຫະລັດອາເມລິກາ ປະກາດຈະເກັບພາສີນຳເຂົ້າ 10% ສຳລັບສິນຄ້ານຳເຂົ້າທັງໝົດທີ່ເຂົ້າສູ່ສະຫະລັດ ສຳນັກຂ່າວຕ່າງປະເທດລາຍງານ ໃນວັນທີ 2 ເມສາ 2025 ນີ້, ທ່ານ...