ມຽນມາເລັ່ງຄົ້ນຫາຜູ້ສູນຫາຍ ເຫດການເຮືອເຟີຣີໂດຍສານຫລົ່ມໃນແມ່ນ້ຳ ຊິນດ໌ວິນ (Chindwin) ເຂດສະກາຍ ທາງພາກເໜືອຂອງມຽນມາ ເມື່ອເວລາປະມານ 5.00 ໂມງ ຂອງວັນເສົາທີ 15 ຕຸລາທີ່ຜ່ານມາ ຕອນນີ້ພົບຜູ້ເສຍຊີວິດແລ້ວ 32 ຄົນ ແລະ ສູນຫາຍອີກຈຳນວນຫຼາຍ ໃນຂະນະທີ່ເຈົ້າໜ້າທີ່ກູ້ໄພສາມາດຊ່ວຍຊີວິດຜູ້ໂດຍສານກວ່າ 154 ຄົນ ເຖິງແມ່ນວ່າຕອນນີ້ຍັງບໍ່ທັນຮູ້ຈຳນວນຕົວເລກຄົນທີ່ເດີນທາງມາກັບເຮືອເຟີຣີ້ລຳດັ່ງກ່າວຈັກຄົນແທ້ ແຕ່ຜູ້ໂດຍສານໃນເຫດການບອກວ່າ ໃນຂະນະເກີດເຫດເຮືອຫລົ່ມນັ້ນຄາດວ່າມີຜູ້ຄົນຢູ່ໃນເຮືອຫຼາຍກວ່າ 300 ຄົນ ທັງທີ່ຈິງແລ້ວເຮືອເຟີຣີ້ລຳດັ່ງກ່າວບັນຈຸຄົນໄດ້ພຽງ 120 ຄົນເທົ່ານັ້ນ
ເຮືອເຟີຣີລຳດັ່ງກ່າວເດີນທາງມາຈາກເມືອງ ໂຮມາລິນ ໄປເມືອງໂມນຍວາ ແຕ່ເຮືອກັບປະສົບອຸບັດຕິເຫດ ຫລົ່ມ ແລະ ຈົມລົງນ້ຳຢ່າງໄວວາ ເຊິ່ງໃກ້ກັບເມືອງຄະນີ ຫ່າງຈາກເມືອງມັດທະເລຍ ປະມານ 137 ກິໂລແມັດ ໂດຍຜູ້ໂດຍສານສ່ວນໃຫຍ່ເປັນນັກສຶກສາ, ຄູ ແລະ ຄົນເຮັດວຽກງານທີ່ເດີນທາງກັບບ້ານເພື່ອມາຮ່ວມເທສະການຕາຕິງຍຸດ ຫຼື ງານສະຫຼອງໂຄມປະທີບ ເຊິ່ງເປັນເທສະການທີ່ຈັດຂຶ້ນເພື່ອສະເຫຼີມສະຫຼອງການກັບມາທີ່ໂລກມະນຸດຂອງພຣະພຸດທະເຈົ້າ
ຂ່າວຈາກ: http://truecdn1.thairath.co.th/content/756646
ຕິດຕາມຂ່າວເສດຖະກິດລາວ ກົດໄລຄ໌ເລີຍ!