spot_img
Homeນານາສາລະພຶດຕິກຳ ທີ່ເຮັດໃຫ້ຕູ້ເຢັນເພໄວທີ່ສຸດ

ພຶດຕິກຳ ທີ່ເຮັດໃຫ້ຕູ້ເຢັນເພໄວທີ່ສຸດ

Published on

ການໃຊ້ງານຕູ້ເຢັນ ສ່ວນຫຼາຍແລ້ວຈະໃຊ້ຫຼາຍກວ່າ 5 ປີ ແຕ່ຖ້າຫາກເຮົາບໍ່ຮັກສາມັນກໍຈະເຮັດໃຫ້ເພໄວ ຫາກໍຊື້ມາໃໝ່ໆກໍເຮັດໃຫ້ເພແລ້ວ ເຊິ່ງສາເຫດທີ່ເຮັດໃຫ້ຕູ້ເຢັນເສື່ອມຄຸນນະພາບ ກ່ອນອາຍຸການໃຊ້ງານ ນັ້ນມາຈາກພຶດຕິກຳຂອງເຮົາເອງ ມື້ນີ້ເຮົາຈະມາຮູ້ຈັກກັບພຶດຕິກຳດັ່ງກ່າວ:

  1. ຕັ້ງຄ່າອຸນຫະພູມໃນຕູ້ເຢັນສູງເກີນໄປ: ອຸນຫະພູມທີ່ເໝາະສົມກັບຕູ້ເຢັນຄື 0-4 ອົງສາ ເພາະຖ້າສູງຫຼາຍກວ່ານີ້ ຈະເຮັດໃຫ້ແບັກທີເລຍຈະເລີນເຕີບໂຕໄດ້ໄວ ເຮັດໃຫ້ບໍ່ສາມາດເກັບຮັກສາຄວາມສົດໃໝ່ຂອງອາຫານບໍ່ໄດ້ ແລະຍັງເຮັດໃຫ້ຕູ້ເຢັນເກີດເຊື້ອລາ
  2. ຕັ້ງຕູ້ເຢັນໃກ້ຝາເກີນໄປ: ຕູ້ເຢັນຈະລະບາຍຄວາມຮ້ອນອອກດ້ານຫຼັງ ສະນັ້ນ ເພື່ອໃຫ້ລະບາຍຄວາມຮ້ອນໄດ້ດີ ຈຶ່ງບໍ່ຄວນຕັ້ງຕູ້ເຢັນໃກ້ຝາ ຄວນຕັ້ງໃຫ້ຫ່າງປະມານ 15 ຊັງຕີແແມັດ
  3. ຕັ້ງໃກ້ບ່ອນທີ່ຮ້ອນ: ບໍ່ວ່າຈະຕັ້ງບ່ອນທີ່ແສງແດດສ່ອງໃສ່, ໃກ້ເຕົາແກັສ, ໃກ້ເຕົາໄຟ ແລະບ່ອນອື່ນໆທີ່ຮ້ອນ ຈະເຮັດໃຫ້ຕູ້ເຢັນລະບາຍຄວາມຮ້ອນບໍ່ໄດ້ ແລະເຮັດໃຫ້ຕູ້ເຢັນເຮັດວຽກໜັກ ແລະກິນໄຟຫຼາຍ
  4. ການເອົາອາຫານຮ້ອນເຂົ້າຕູ້: ການເອົາອາຫານຮ້ອນເຂົ້າຕູ້ເຢັນຈະເຮັດໃຫ້ ຕູ້ເຢັນເພໄວ ແລະຍັງເຮັດໃຫ້ອຸປະກອນໃນຕູ້ເຢັນ ເສື່ອມຄຸນນະພາບໄດ້
  5. ບໍ່ເອົາຫຍັງຮອງອາຫານ: ອາຫານທຸກປະເພດບໍ່ວ່າຈະເປັນ ຊີ້ນສັດ, ຜັກ, ໝາກໄມ້ ເຖິງແມ່ນວ່າຈະໃສ່ຖົງຢາງ ຫຼືໂຟມແລ້ວ ກໍຄວນຊອກພາຊະນະມາຮອງອີກ ເພາະອາດເຮັດໃຫ້ສິ່ງເປິເປື້ອນ ຫຼືສານເຄມີທີ່ຕິດມາກັບຖົງ ຫຼືໂຟມນັ້ນ ຈະເປື້ອນກັບອາຫານທີ່ເຮົາໃສ່ໃນນັ້ນຕູ້ເຢັນນັ້ນ ແລະເຮັດໃຫ້ຕູ້ເຢັນເປື້ອນ
  6. ແຊ່ອາຫານຫຼາຍເກີນໄປ: ການແຊ່ອາຫານຫຼາຍຈົນເກີນຄວາມຮັບໄດ້ ຈະເຮັດໃຫ້ຄວາມເຢັນໄຫຼວຽນບໍ່ທົ່ວເຖິງກັນ ເຮັດໃຫ້ເຮັດວຽກໜັກ ແລະເພໄວ
  7. ໃນຕູ້ເຢັນບໍ່ມີຫຍັງ: ແມ່ນຢູ່ວ່າບໍ່ຄວນເອົາອາຫານໃສ່ໃນຕູ້ເຢັນຫຼາຍ ແຕ່ການທີຕູ້ເຢັນບໍ່ມີຫຍັງຈະເຮັດໃຫ້ຄວາມຮ້ອນທີ່ຢູ່ຈາກພາຍນອກ ເຂົ້າໄປໃນຕູ້ເຢັນຫຼາຍຂຶ້ນໃນເວລາເປີດ ເຊິ່ງເຮັດໃຫ້ຕູ້ເຢັນເຮັດວຽກໜັກ ຢ່າງໜ້ອຍກໍຄວນມີຕຸກນໍ້າມາແຊ່
  8. ສຽບສາຍຕູ້ເຢັນກັບສາຍປັກອື່ນໆ: ເນື່ອງຈາກວ່າຕູ້ເຢັນໃຊ້ໄຟຫຼາຍ ຄວນຕໍ່ສາຍໄຟມາສຽບຕູ້ເຢັນໂດຍສະເພາະຈະດີກວ່າ ແລະສຽບໃຫ້ແໜ້ນ ເພື່ອປ້ອງກັນອັນຕະລາຍ
  9. ປະໃຫ້ນໍ້າກ້ອນເກາະຕູ້ດົນເກີນໄປ: ຖ້າຕູ້ເຢັນທີ່ເຮົາໃຊ້ບໍ່ມີລະບົບລະລາຍນໍ້າກ້ອນແບບອັດຕະໂນມັດ ກໍຄວນກົດລະລາຍນໍ້າກ້ອນຕະຫຼອດ ເພາະຈະເຮັດໃຫ້ຕູ້ເຢັນເຮັດວຽກໜັກ ແລະເຮັດໃຫ້ຕູ້ເຢັນເພໄວ
  10. ໃຊ້ເຄື່ອງມີຄົມງັດນໍ້າແຂງອອກ: ຕູ້ເຢັນມີສະນວນຄວາມເຢັນ ບໍ່ຄວນເອົາມີດ ຫຼືສິ່ງທີ່ມີຄົມອື່ນໆ ມາງັດ ຈະເຮັດໃຫ້ຕູ້ເຢັນເສຍຫາຍ, ທາງທີ່ດີຄວນລະລາຍນໍ້າແຂງຕາມລະບົບດີກວ່າ
  11. ເປີດຕູ້ເຢັນປະໄວ້: ບໍ່ຄວນເປີດປະໄວ້ດົນເກີນໄປ ເພາະຈະເຮັດໃຫ້ຄວາມຮ້ອນເຂົ້າພາຍໃນ , ຕູ້ເຢັນເຮັດວຽກໜັກ ເຮັດໃຫ້ເປືອງໄຟ ແລະເພໄວ
  12. ການທຳຄວາມສະອາດແບບຜິດໆ: ການທຳຄວາມສະອາດຕູ້ເຢັນບໍ່ຄວນໃຊ້ສານປະເພດແອວກໍຮໍ ຫຼືເທນເນີເດັດຂາດ ແຕ່ຄວນໃຊ້ຜ້າຂາວນຸ່ມຈຸບນໍ້າເຊັດພາຍໃນ ແລະນອກ ແລ້ວເຊັດໃຫ້ແຫ້ງຈະດີກວ່າ

ຕິດຕາມນານາສາລະ ກົດໄລຄ໌ເລີຍ!

ບົດຄວາມຫຼ້າສຸດ

ບໍລິສັດຈີນອອກກົດລະບຽບຫ້າມພະນັກງານເຂົ້າຫ້ອງນ້ຳກາຍ 2 ນາທີ ຫາກຝ່າຝືນຈະຖືກຕັດເງິນເດືອນ

ບໍລິສັດຈີນອອກກົດລະບຽບຫ້າມພະນັກງານເຂົ້າຫ້ອງນ້ຳກາຍ 2 ນາທີ ສຳນັກຂ່າວ Business Standard ລາຍງານໃນວັນທີ 25 ກຸມພາ 2025 ກ່ຽວກັບເລື່ອງລາວສຸດຮືຮາ ເມື່ອບໍລິສັດແຫ່ງໜຶ່ງໃນປະເທດຈີນ ອອກກົດລະບຽບ ໃຫ້ພະນັກງານສາມາດເຂົ້າຫ້ອງນ້ຳໄດ້ພຽງຄັ້ງລະ 2...

ພິທີສະເຫຼີມສະຫຼອງ ຄົບຮອບ 30 ປີ ແຫ່ງ ການສ້າງຕັ້ງ ບໍລິສັດ ເຄພີ ຈໍາກັດ

ພິທີສະເຫຼີມສະຫຼອງ ຄົບຮອບ 30 ປີ ແຫ່ງ ການສ້າງຕັ້ງ ບໍລິສັດ ເຄພີ ຈໍາກັດ ໃນວັນທີ 21 ກຸມພາ 2025 ທີ່ຜ່ານມານີ້, ບໍລິສັດ...

ແພດໄທເປີດເຜີຍ 3 ນັກຮຽນມີອາການແໜ້ນໜ້າເອິກ ກ່ອນພົບວ່າປອດຖືກທຳລາຍເກືອບໝົດ ຍ້ອນສູບຢາສູບໄຟຟ້າ ແລະ ດື່ມນ້ຳກະທ້ອມ

ແພດໄທເປີດເຜີຍ 3 ນັກຮຽນມີອາການແໜ້ນໜ້າເອິກ ກ່ອນພົບວ່າປອດຖືກທຳລາຍເກືອບໝົດ ຍ້ອນສູບຢາສູບໄຟຟ້າ ແລະ ດື່ມນ້ຳກະທ້ອມມາເປັນເວລາ 2 ປີ. ສຳນັກຂ່າວໄທລາຍງານວ່າ: ເມື່ອວັນທີ 20 ກຸມພາ 2025 ມີການລາຍງານຈາກໜ່ວຍກູ້ໄພຕຳບົນດອນບົນ...

ລາວ-ໄທ ຮ່ວມກັນເປັນສັກຂີພະຍານໃນການລົງນາມ ແລະ ແລກປ່ຽນຂໍ້ຕົກລົງຮ່ວມກັນ 4 ສະບັບ

ນາຍົກລັດຖະມົນຕີ ລາວ-ໄທ ຮ່ວມກັນເປັນສັກຂີພະຍານໃນການລົງນາມ ແລະ ແລກປ່ຽນຂໍ້ຕົກລົງຮ່ວມກັນ 4 ສະບັບ. ໃນວັນທີ 20 ກຸມພາ ທ່ານ ສອນໄຊ ສີພັນດອນ ນາຍົກລັດຖະມົນຕີ ສປປ...