Homeຂ່າວພາຍ​ໃນປະທານສະພາແຫ່ງຊາດ ລົງຊຸກຍູ້ການພັດທະນາ ເຂດເສດຖະກິດພິເສດ

ປະທານສະພາແຫ່ງຊາດ ລົງຊຸກຍູ້ການພັດທະນາ ເຂດເສດຖະກິດພິເສດ

Published on

ຂປລ. ໃນວັນທີ 13 ຕຸລານີ້ ທ່ານ ນາງ ປານີ ຢາທໍ່ຕູ້ ປະທານສະພາແຫ່ງຊາດ, ພ້ອມດ້ວຍຄະນະ ໄດ້ລົງຢ້ຽມຢາມ ແລະ ຊຸກຍູ້ການພັດທະນາ​ເຂດ​ເສດຖະກິດ​ພິ​ເສດ (ຂພສ) ບຶງທາດຫລວງ, ​ເຂດ​ພັດທະນາ​ກວມ​ລວມ​ໄຊ​ເສດ​ຖາ ​ແລະ ນິຄົມ​ອຸດ​ສະຫະ​ກໍາ ​ແລະ ການ​ຄ້າ​ວຽງຈັນ-​ໂນນ​ທອງ ​ໂດຍ​ມີ​ກອງເລຂາຄຸ້ມ​ຄອງ​ ເຂດ​ເສດຖະກິດ​ພິ​ເສດ (ຄຂພສ) ​ແລະ ບັນດາຄະນະສະພາບໍລິຫານ ຂພສ, ພ້ອມ​ດ້ວຍພາກ ສ່ວນທີ່ກ່ຽວຂ້ອງ​ໃຫ້ການ​ຕ້ອນ​ຮັບ.

ໃນໂອກາດນີ້, ທ່ານນາງ ປານີ ຢາທໍ່ຕູ້ ໄດ້​ໃຫ້​ທິດ​ຊີ້​ນໍາຫລາຍບັນຫາທີ່ຍັງຄົງຄ້າງຢູ່ໃນ ຂພສ ແຕ່ລະເຂດ ສ່ວນຫລາຍແມ່ນ ຍ້ອນການປະຕິບັດຕົວຈິງ ຂອງບັນດາກະຊວງ ແລະ ຂະແໜງການ ກ່ຽວຂ້ອງເພາະລະບຽບ, ກົດໝາຍ, ລັດຖະທຳມະນູນ ແລະ ນິຕິກຳຕ່າງໆ ທີ່ວາງອອກ ແມ່ນມີຄວາມຈະແຈ້ງຢູ່ແລ້ວ ມີແຕ່ໃຫ້ພາກສ່ວນທີ່ກ່ຽວຂ້ອງນຳໄປອ້າງອີງ ແລະ ປະຕິບັດຕົວຈິງຍັງບໍ່ທັນເຮັດໄດ້ດີເທົ່າທີ່ຄວນ; ການແກ້ໄຂບັນຫາປະຕູດຽວ ແມ່ນສະເໜີໃຫ້ກະຊວງ ຜທ ຕ້ອງໄດ້ຮີບຮ້ອນແກ້ໄຂ ແລະ ຊີ້ນຳຢ່າງຈິງຈັງ, ພ້ອມລົງຊີ້ແຈງໃຫ້ແຕ່ລະ ຂພສ ເຂົ້າໃຈ; ຕ້ອງພົວພັນປະສານສົມທົບ ກັບບັນດາຂະແໜງການ ກ່ຽວຂ້ອງເປັນຕົ້ນແມ່ນ ກະຊວງທີ່ຮັບຜິດຊອບ ໃນວຽກງານປະຕູດຽວ ຕ້ອງຕັ້ງໜ່ວຍງານ ໜຶ່ງຂຶ້ນມາຮັບຜິດຊອບໂດຍກົງ; ສະ​ເພາະ ຜູ້ພັດທະນາຕ້ອງປະຕິບັດ ພັນທະອາກອນຂອງຕົນ ຕາມລະບຽບກົດໝາຍ ທີ່ກຳນົດໄວ້ ໃນກົດໝາຍການລົງທຶນ (ຕ້ອງແຍກລະອຽດກ່ຽວກັບ ຂພສ ກັບການລົງທຶນທົ່ວໄປ), ຕ້ອງມີການຄຸ້ມຄອງແຮງງານທີ່ຖືກຕ້ອງ ແລະ ສາມາດເກັບຕົວເລກໄດ້; ບັນຫາທີ່ພົວພັນເຖິງໂຄງການ ກໍຄື ປະຊາຊົນນັ້ນ ແມ່ນການຊົດເຊີຍບັນຫາທີ່ດິນຂອງປະຊາຊົນ ທີ່ຖືກຜົນກະທົບ ຈາກໂຄງການ, ໃຫ້ຜູ້ ພັດທະນາບຶງທາດຫລວງ ສຶກສາຄວາມເປັນໄປໄດ້ ໃນການສ້າງເສັ້ນທາງແຕ່ບຶງທາດຫລວງ-ບ້ານໂນນຫວາຍ ແລະ ໃຫ້ກອງ ຄຂພສ ຕັ້ງໜ່ວຍງານ ຄຸ້ມຄອງກ່ຽວກັບ ແຮງງານທີ່ມາເຮັດວຽກຢູ່ ຂພສ ທັງແຮງງານລາວ ແລະ ແຮງງານຕ່າງປະເທດລະອຽດ ເພື່ອຮັບ ປະກັນຄວາມສະຫງົບ ແລະ ຄວາມເປັນລະບຽບຮຽບຮ້ອຍ.

ທ່ານ ສອນປະເສີດ ດາລາວົງ ຮັກສາການຫົວໜ້າກອງເລຂາ ຄຂພສ ລາຍງານສະພາບລວມການພັດທະນາ ຂພສ ​​ໃຫ້​ຮູ້​ວ່າ: ການພັດທະນາເຂດເສດຖະກິດພິເສດ ແລະ ເຂດເສດຖະກິດສະເພາະ (ຂພສ) ແມ່ນຮູບແບບໜຶ່ງຂອງການພັດທະນາ ເສດຖະກິດ ຕາມແນວທາງນະໂຍບາຍຂອງພັກ ແລະ ແຜນພັດທະນາ ເສດຖະກິດ-ສັງຄົມແຫ່ງຊາດ ທີ່ກຳນົດໄວ້ໃນແຕ່ລະໄລຍະ ນັບແຕ່ປີ 2002 ເປັນຕົ້ນມາ, ເຊິ່ງມາຮອດປັດຈຸບັນ ມີທັງໝົດ 12 ເຂດ, ມູນຄ່າການລົງທຶນ 1.62 ຕື້ໂດລາ, ມີບໍລິສັດເຂົ້າມາລົງທຶນທັງໝົດຈຳນວນ 294 ບໍລິສັດ ແລະ 225 ຫ້າງຮ້ານ, ໃນນັ້ນ; ບໍລິສັດເອກະຊົນພາຍໃນ ມີ 56 ບໍລິສັດ, ບໍລິສັດເອກະຊົນຕ່າງປະເທດ ຈຳນວນ 217 ບໍລິສັດ ແລະ ບໍລິສັດຮ່ວມ 21 ບໍລິສັດ, ເຊິ່ງກວມເອົາ 3 ຂະແໜງ ຄື: ບໍລິການ 38%, ອຸດສາຫະກຳ 34% ແລະ ການຄ້າ ກວມເອົາ 28%, ການພັດທະນາ ຂພສ ຍັງໄດ້ສ້າງຄວາມເຊື່ຶອໝັ້ນໃຫ້ແກ່ບັນດາບໍລິສັດທີ່ມີຊື່ສຽງ ແລະ ຄຸນນະພາບຈາກຕ່າງປະເທດເຂົ້າມາລົງທຶນ, ພ້ອມທັງສາມາດສ້າງວຽກເຮັດງານທຳໄດ້ 15.500 ກວ່າ ຕຳແໜ່ງງານ, ຖ່າຍ​ທອດ​ເຕັກ​ໂນ​ໂລ​ຊີ​ໃຫ້​ແກ່​ຄົນ​ລາວ ​ແລະ ອື່ນໆ.

 

ແຫລ່ງຂ່າວ:

ຂປລ

ຕິດຕາມເຮົາທາງFacebook ກົດຖືກໃຈເລີຍ!

ບົດຄວາມຫຼ້າສຸດ

ລັດຖະມົນຕີ ຍທຂ ລົງຕິດຕາມ ການກໍ່ສ້າງ ແລະ ສ້ອມແປງເສັ້ນທາງ ຢູ່ແຂວງໄຊຍະບູລີ ຢູ່ 4 ເມືອງໃຕ້ ແລະ ເສັ້ນທາງໄປຊາຍແດນລາວ-ໄທ, ໄຊຍະບູລີ-ເລີຍໂຄງການກໍ່ສ້າງຕ້ານເຈື່ອນຢູ່ນໍ້າເຫືອງ ເມືອງແກ່ນທ້າວ ແລະ ເມືອງບໍ່ແຕນ

ໃນວັນທີ 11 ພຶດສະພາ 2026 ທີ່ຫ້ອງວ່າການແຂວງ ໄຊຍະບູລີ ທ່ານ ເພັງນິລັນ ຄໍາພັນເພັງ ກໍາມະການສູນກາງພັກ, ເລຂາຄະນະບໍລິຫານງານພັກແຂວງ, ປະທານສະພາປະຊາຊົນ ໄຊຍະບູລີ ພ້ອມດ້ວຍຄະນະ...

ສັ່ງປະຫານຊີວິດ ຈີນໄດ້ຕັດສິນປະຫານຊີວິດ ອະດີດລັດຖະມົນຕີ ກະຊວງປ້ອງກັນປະເທດ 2 ຄົນ ໃນຂໍ້ຫາສໍ້ລາດບັງຫຼວງ ແຕ່ໄດ້ໂຈະໂທດໄວ້ 2 ປີ ຖ້າບໍ່ກະທຳຜິດຕື່ມ ຈະປ່ຽນເປັນຈຳຄຸກຕະຫຼອດຊີວິດ

ວັນທີ 7 ພຶດສະພາ 2026 ທີ່ຜ່ານມາ ສຳນັກຂ່າວປະເທດຈີນລາຍງານວ່າ ອະດີດລັດຖະມົນຕີກະຊວງປ້ອງກັນປະເທດຈີນ 2 ຄົນຄື ລີ ຊາງຟູ (Li Shangfu) ແລະ...

ເປີດລົງທະບຽນເຂົ້າຮ່ວມພັນທະກິດທາງເສດຖະກິດຂອງກຸ່ມປະເທດ ທີ່ໃຊ້ພາສາຝຣັ່ງປະຈຳອາຟຣິກາຕາເວັນອອກໃນວັນທີ 6-8 ຕຸລາ 2026 ທີ່ປະເທດຈິບູຕີ

ຫຼັງຈາກຜົນສຳເລັດຂອງການຈັດງານຫົກຄັ້ງຢູ່ທີ່ພາກພື້ນທີ່ໃຊ້ພາສາຝຣັ່ງໃນເຂດຕ່າງໆ, ອົງການສາກົນຂອງກຸ່ມປະເທດທີ່ໃຊ້ພາສາຝຣັ່ງ (OIF) ຍັງສືບຕໍ່ມຸ່ງໝັ້ນສ້າງຄວາມສາມັກຄີ ແລະ ຄວາມທະເຍີທະຍານທາງເສດຖະກິດຂອງກຸ່ມປະເທດທີ່ໃຊ້ພາສາຝຣັ່ງໂດຍຮ່ວມມືກັບອຳນາດການປົກຄອງຂອງຈິບູຕີຈັດຕັ້ງພັນທະກິດທາງເສດຖະກິດຂອງກຸ່ມປະເທດທີ່ໃຊ້ພາສາຝຣັ່ງຄັ້ງຕໍ່ໄປໃນວັນທີ 6 ຫາ 8 ຕຸລາ 2026 ທີ່ປະເທດຈິບູຕີ. ໂຄງການລິເລີ່ມນີ້ເປັນສ່ວນໜຶ່ງໃນຄວາມພະຍາຍາມສົ່ງເສີມການແລກປ່ຽນທາງການຄ້າລະຫວ່າງບັນດາປະເທດສະມາຊິກ ແລະ ລັດຖະບານ...

ສຶກສາຄວາມເປັນໄປໄດ້ເສັ້ນທາງລົດໄຟ ແຕ່ຄໍາມ່ວນ-ຈໍາປາສັກ-ຊາຍແດນລາວ-ກຳປູເຈຍ ແລະ ເຊື່ອມຕໍ່ໄປພະນົມເປັນ ນະຄອນໂຮ່ຈິມິນ ແລະ ບາງກອກ

ທ່ານ ສອນໄຊ ສີພັນດອນ ກຳມະການກົມການເມືອງສູນກາງພັກ, ນາຍົກລັດຖະມົນຕີ ແຫ່ງ ສປປ ລາວ ໄດ້ເປັນກຽດໂອ້ລົມຕໍ່ກອງປະຊຸມວຽກງານ ໂຍທາທິການ ແລະ ຂົນສົ່ງ (ຍທຂ) ທົ່ວປະເທດ...