ການແຂ່ງຂັນບານເຕະ ເຍົາວະຊົນນານາຊາດ CP-Meiji CUP U14 International Champions 2016 ທີ່ຈັດຂຶ້ນທີ່ ປະເທດໄທ ລະຫວ່າງ ວັນທີ 11-14 ຕຸລາ 2016 ມີ 8 ທີມເຂົ້າຮ່ວມ ແລະ ແບ່ງການແຂ່ງຂັນ ອອກເປັນ 2 ກຸ່ມ, ທີມຊາດລາວ U14 ຖືກຈັດຢູ່ກຸ່ມ A ຮ່ວມກັບ ສະໂມສອນ ບຸຣີລຳ ຢູໄນເຕັດ, ສະໂມສອນ ແບງຄ໊ອກ ຢູໄນເຕັດ ແລະ ສະໂມສອນ ພະນົມເປັນ ຄຣາວ ເອຟຊີ.
ຜົນການແຂ່ງຂັນຂອງ ທີມຊາດລາວ ໃນຮອບແບ່ງກຸ່ມ
ນັດທີ 1 ສະໂມສອນ ທີມບຸຣີລຳ ຢູໄນເຕັດ 2-1 ທີມຊາດລາວ
ນັດທີ 2 ທີມຊາດລາວ 2 – 0 ສະໂມສອນ ແບງຄ໊ອກ ຢູໄນເຕັດ
ນັດທີ 3 ສະໂມສອນ ພະນົມເປັນ ຄຣາວ ເອຟຊີ 0 – 5 ທີມຊາດລາວ
ຈາກຜົນງານ ໃນຮອບແບ່ງກຸ່ມ ທີມຊາດລາວ ສາມາດຜ່ານເຂົ້າໄປແຂ່ງຂັນ ໃນຮອບຕໍ່ໄປ ຮອບຮອງຊະນະເລີດ ໂດຍການເປັນອັນດັບທີ 2 ຂອງກຸ່ມ A ລົງແຂ່ງ 3 ນັດ ຊະນະ 2 ເສຍ 1 ຍິງໄດ້ 8 ປະຕູ ເສຍ 2 ປະຕູ ມີ 6 ຄະແນນ.
ຕາຕະລາງແຂ່ງຂັນໃນ ຮອບຮອງຊະນະເລີດ
ວັນທີ 13 ຕຸລາ 2016 ເວລາ 09:00
ອັນດັບທີ 2 ກຸ່ມ B ທີມຊາດລາວ ຈະພົບກັບ ສະໂມສອນ ຈູບີໂລ ອິວາຕະ ອັນດັບທີ 1 ຂອງກຸ່ມ B
ວັນທີ 13 ຕຸລາ 2016 ເວລາ 16:00
ອັນດັບທີ 1 ກຸ່ມ A ສະໂມສອນ ທີມບຸຣີລຳ ຢູໄນເຕັດ ຈະພົບກັບ ສະໂມສອນ ຊົນບຸຣີ ເອຟຊີ ອັນດັບທີ 2 ກຸ່ມ B
ການແຂ່ງຂັນຮອບຊີງຊະນະເລີດ ຈະມີຂຶ້ນໃນວັນທີ 14 ຕຸລາ ເວລາ 16:00 ທີ່ສະໜາມກິລາ ໄອໂມບາຍ ສະເຕດ້ຽມ ແລະ ຊ່ອງ 3 SD (ຊ່ອງໝາຍເລກ 28) ຂອງໄທ ຈະຖ່າຍທອດສົດ.
ເຮົາມາຮ່ວມສົ່ງກຳລັງໃຈ ໄປໃຫ້ ທັບນັກກິລາ ບານເຕະ ທີມຊາດລາວ U14 ໃຫ້ສາມາດຜ່ານຜ່າອຸປະສັກ ແລະ ສ້າງຜົນງານໃຫ້ໄດ້ດີເລີດ ຈົນສາມາດຜ່ານເຂົ້າໄປແຂ່ງຂັນ ໃນຮອບຊີງຊະນະເລີດ ໃນວັນທີ 14 ຕຸລານີ້ ໃຫ້ໄດ້.
ຂອບໃຈຂໍ້ມູນ ແລະ ພາບຈາກ
ສະຫະພັນບານເຕະ ແຫ່ງຊາດລາວ
Buriram United Academy
ຂອບໃຈທີ່ມາຂອງຂ່າວ: 
ຕິດຕາມນານາສາລະ ກົດໄລຄ໌ເລີຍ!