ປິດສາກລົງເປັນທີ່ຮຽບຮ້ອຍແລ້ວ ສຳລັບງານມະຫະກຳກີລາ ອາຊຽນ ເກມ ຫາດຊາຍ ຄັ້ງທີ 5 ໃນວັນທີ 3 ຕຸລາ 2016 ທີ່ແຂວງດານັງ ສສ ຫວຽດນາມ ໂດຍໃຫ້ກຽດເຂົ້າຮ່ວມຂອງທ່ານ ຫງວຽນ ງ໊ອກ ທຽນ ລັດຖະມົນຕີກະຊວງວັດທະນະທຳ ກີລາ ແລະ ທ່ອງທ່ຽວ ສສ ຫວຽດນາມ ພ້ອມດ້ວຍຄະນະຜູ້ແທນລະດັບສູງຈາກສະພາໂອແລມປິກແຫ່ງອາຊີ (ໂອຊີເອ) ມີຄະນະນຳ ຄູເຝິກ ແລະ ນັກກີລາທີ່ມາຈາກ 43 ປະເທດ.
ສຳລັບງານກີລາ ອາຊຽນ ເກມ ຫາດຊາຍ ແມ່ນດຳເນີນການແຂ່ງຂັນລະຫວ່າງວັນທີ 24 ກັນຍາ ຫາ 3 ຕຸລາ 2016 ກໍ່ປິດລົງດ້ວຍຜົນສຳເລັດອັນຈົບງາມ ເຊິ່ງມີການຊີງໄຊກັນທັງໝົດ 22 ປະເພດກີລາ ຈາກ 43 ປະເທດເຂົ້າຮ່ວມ ໃນນີ້ ສະເພາະ ສປປ ລາວ ສົ່ງຄະນະນຳ ຄູເຝິກ ແລະ ນັກກີລາເຂົ້າຮ່ວມທັງໝົດ 125 ຊີວິດ ໃນ 8 ປະເພດຄື: ເປຕັງ ກະຕໍ້ ໂວວີນາມ ຫວໍໂກຈຽນ ປັນຈັກສີລັດ ມວຍປ້ຳ ບານບ້ວງ ແລະ ບານເຕະຫາດຊາຍ ຜ່ານການແຂ່ງຂັນເປັນເວລາ 10 ວັນ ຜົນປາກົດວ່າ ເຈົ້າພາບຫວຽດນາມ ປະກາດສັກດາຄອງເຈົ້າຫຼຽນຄຳ ຫຼັງຄວ້າມາໄດ້ 52 ຫຼຽນຄຳ 44 ຫຼຽນເງິນ ແລະ 43 ຫຼຽນທອງ ອັນດັບ 2 ໄທ ຍາດໄດ້ 36 ຫຼຽນຄຳ 24 ຫຼຽນເງິນ ແລະ 30 ຫຼຽນທອງ ແລະ ອັນດັບ 3 ສປ ຈີນ ຍາດໄດ້ 12 ຫຼຽນຄຳ 18 ຫຼຽນເງິນ ແລະ 19 ຫຼຽນທອງ ຂະນະທີ່ທີມນັກກີລາລາວເຮົາ ໄດ້ທັງໝົດ 3 ຫຼຽນຄຳ 3 ຫຼຽນເງິນ ແລະ 34 ຫຼຽນທອງ ຢູ່ອັນດັບ 14 ຂອງຕາຕະລາງ.
ຂອບໃຈຂໍ້ມູນຈາກ : http://www.vientianemai.net/
span style=”color: #ff0000;”>ຕິດຕາມຂ່າວເສດຖະກິດລາວ ກົດໄລຄ໌ເລີຍ!