spot_img
Home​ຂ່າວບັນເທິງງານແຂ່ງຂັນຮູບເງົາສັ້ນ ວຽງຈັນນານ ໃຜທີ່ມີຄວາມຝັນ ລອງສະໝັກເບິ່ງເດີ້

ງານແຂ່ງຂັນຮູບເງົາສັ້ນ ວຽງຈັນນານ ໃຜທີ່ມີຄວາມຝັນ ລອງສະໝັກເບິ່ງເດີ້

Published on

ງານແຂ່ງຂັນຮູບເງົາສັ້ນ ວຽງຈັນນານ (Vientianale)ກັບມາແລ້ວ! ເຊີນທຸກໆຄົນເຂົ້າມາຮ່ວມແຂ່ງຂັນຮູບເງົາສັ້ນນຳກັນຫຼາຍໆ 🙂

ຮັບສະໝັກລົງທະບຽນ

ການແຂ່ງຂັນດັ່ງກ່າວ ເປີດໃຫ້ ທຸກໆຄົນທີ່ດຳລົງຊີວີດຢູ່ໃນ ສປປ.ລາວ, ໂດຍບໍ່ຈໍາແນກສັນຊາດ ແລະຄວາມສາມາດປະສົບການໃນການຜະລິດຮູບເງົາ.
ການແຂ່ງຂັນ ປີນີ້ ບໍ່ມີຫົວຂໍ້, ດັ່ງນັ້ນ ພວກເຮົາຈື່ງເຊີນຊວນໃຫ້ທຸກຄົນນໍາໃຊ້ຈິນຕະນາການຂອງຕົນເອງເຕັມທີ່.
ຄະນະກຳມະການອິດສະຫຼະ ຈະເປັນຜູ້ເລືອກ ຮູບເງົາສັ້ນທີ່ດີທີ່ສຸດ 3 ເລື່ອງໂດຍມີລາງວັນດັ່ງລຸ່ມນີ້:

ລາງວັນທີ່ 1: 8,000,000 ກີບ
ລາງວັນທີ່ 2: 5,000,000 ກີບ
ລາງວັນທີ່ 3: 3,000,000 ກີບ

ຮູບເງົາທີ່ສົ່ງເຂົ້າປະກວດຈະໄດ້ຮັບການສາຍໃນ ມື້ສຸດທ້າຍຂອງ ງານເທດສະການຮູບເງົາ ວຽງຈັນນານ. ເຊິ່ງໃນມື້ນັ້ນ, ຜູ້ທີ່ເຂົ້າຊົມກໍ່ສາມາດເລືອກໃຫ້ຄະແນນຮູບເງົາທີ່ມັກ ແລະ ສົນໃຈ ເພື່ອໃຫ້ ລາງວັນຮູບເງົາຂັວນໃຈຜູ້ຊົມ.

ປິດຮັບສະໝັກ: ວັນສຸກ ທີ່ 31 ມັງກອນ 2017

ຮູບເງົາທີ່ສົ່ງເຂົ້າປະກວດຈະຕ້ອງປະຕິບັດຕາມເງື່ອນໄຂ ດັ່ງລຸ່ມນີ້:

1. ຮູບເງົາຕ້ອງບໍ່ເກີນ 7 ນາທີ່ (ລວມເອົາທັງຊື່ເລື່ອງ ຈົນຮອດລາຍຊື່ ຂອງຜູ້ຜະລິດແລະຜູ້ທີ່ມີສ່ວນຮ່ວມ) 2. ຜູ້ກຳກັບຮູບເງົາ ຕ້ອງອາໄສ ແລະ ດໍາລົງຊີວິດໃນ ສປປ. ລາວ.
3. ຮູບເງົາພາສາລາວ ຕ້ອງມີຄໍາບັນລະຍາຍທາງກ້ອງພາສາອັງກິດ. ຖ້າວ່າເລື່ອງມີການສົນທະນາເປັນພາສາອັງກິດ ຕ້ອງມີຄໍາບັນລະຍາຍທາງກ້ອງພາສາລາວ.
4. ຮູບພາບແລະສຽງຕ່າງໆ ທີ່ໃຊ້ໃນການຜະລິດຮູບເງົາ ຕ້ອງບໍ່ລະເມີດລິຂະສິດປະການໃດ.
5. ເມື່ອຜະລິດສຳເລັດແລ້ວ ຕ້ອງສົ່ງຜົນງານດັ່ງກ່າວ ໃນຮູບແບບດີວິດີ ແບບ MPEG4, AVI, WMV, H264 ຫຼື MOV ພ້ອມກັບເອກກະສານລົງທະບຽນ.
6. ຮູບເງົາດັ່ງກ່າວ ຕ້ອງເປັນ ເລື່ອງສັ້ນ ທີ່ສ້າງຂື້ນສໍາລັບ ການແຂ່ງຂັນຮູບເງົາສັ້ນ ວຽງຈັນນານ 2017 ໂດຍສະເພາະ ແລະ ບໍ່ເຄີຍໄດ້ຮັບການສາຍຫຼືເຂົ້າຮ່ວມແຂ່ງຂັນບ່ອນອື່ນ ມາກ່ອນ.

ເອກກະສານລົງທະບຽນ ສາມາດເອົາໄດ້ ທີ່ http://www.vientianale.org/

ຕິດຕໍ່:
ອີເມລ: vientianale.festival@gmail.com
www.facebook.com/Vientianale
ມືຖື: 030 50 29 814 (ພາສາລາວ), 020 58 89 14 65 (ພາສາອັງກິດ/ລາວ)

ຂ່າວຈາກ: ເຟສບຸກ Vientianale
ຕິດຕາມເລື່ອງດີດີ ບັນເທີງລາວ Lao Entertenment ກົດໄລຄ໌ເລີຍ!

ບົດຄວາມຫຼ້າສຸດ

ງົດງາມທີ່ສຸດຈາກທົ່ວໂລກ ຕາດກວາງຊີ ແຂວງຫຼວງພະບາງ ຖືຈັດຢູ່ໃນ 21 ນໍ້າຕົກທີ່ສວຍງາມຈາກທົ່ວໂລກ ປີ 2025

ວາລະສານ ການທ່ອງທ່ຽວຊື່ດັງຂອງໂລກ Travel + Leisure ໄດ້ຈັດອັນດັບ Top 21 Most Beautiful Waterfalls in the World...

ໄທເລີ່ມປະຕິບັດແລ້ວ ທະນາຄານເລີ່ມປາບປາມຂະບວນການບັນຊີມ້າ ຖ້າກວດພົບຄວາມສົງໄສ ຈະອາຍັດບັນຊີທັນທີ

ບັນຊີມ້າແມ່ນບັນຊີທະນາຄານທີ່ຖືກນໍາໃຊ້ໂດຍອາດຊະຍາກອນ ເພື່ອເກັບເງິນ ຫຼື ຟອກເງິນທີ່ໄດ້ມາແບບຜິດກົດໝາຍ ແມ່ນບັນຊີທີ່ຖືກຈ້າງໃຫ້ເປີດ ຫຼື ຖືກລັກຂໍ້ມູນໄປໃຊ້ ເພື່ອເປັນທາງຜ່ານຂອງເງິນທີ່ໄດ້ມາຈາກການກະທຳຜິດກົດໝາຍ ລວມທັງການພະນັນ. ໃນຊ່ວງໜຶ່ງອາທິດທີ່ຜ່ານມາ ທາງທະນາຄານເເຫ່ງປະເທດໄທ ເລີ່ມກວດສອບ ແລະ ລົງມືປະຕິບັດຢ່າງເຂັ້ມງວດ ໃນການອາຍັດບັນຊີມ້າ...

ຄວາມຫວັງໃໝ່ຂອງເນປານ ແຕ່ງຕັ້ງລັດຖະມົນຕີຄົນໃໝ່ ໂດຍຈະປະຕິບັດໜ້າຮັກສາການ 6 ເດືອນ

ພາຍຫຼັງຄວາມວຸ່ນວາຍຂອງເຫດການປະທ້ວງໃນປະເທດເນປານ ເຮັດໃຫ້ອະດີດນາຍຍົກລັດຖະມົນຕີໄດ້ລາອອກ ພ້ອມທັງເດີນທາງອອກນອກປະເທດ ນຳພາໃຫ້ເນປານບໍ່ມີຄົນດຳລົງຕໍາເເໜ່ງນາຍົກລັດຖະມົນຕີໃນໄລຍະໜຶ່ງ. ເຊິ່ງໃນວັນທີ 12 ກັນຍາ 2025 ທີ່ຜ່ານມາ, ໄດ້ມີການປະກາດແຕ່ງຕັ້ງ ທ່ານ ນາງ  ສຸຊີລາ ກາກີ ຂຶ້ນຮັບຕໍາແໜ່ງຮັກສາການນາຍົກລັດຖະມົນຕີ...

ສະຫຼົດ! ຊາຍອາຍຸ 26 ປີ (ເສຍຊີວິດ) ຍ້ອນຂັບລົດຕຳງົວ ທີ່ບ້ານວຽງແກ້ວ ເມືອງຈັນທະບູລີ ນະຄອນຫຼວງວຽງຈັນ

ບັນຫາການປ່ອຍສັດຊະຊາຍ ສ່ຽງເຮັດໃຫ້ຄົນອື່ນເກີດອຸບັດຕິເຫດ ເຖິງຂັ້ນເສຍຊີວິດໄດ້. ບັນຫາການປ່ອຍສັດລ້ຽງ (ງົວ, ຄວາຍ, ແບ້, ມ້າ...) ຍັງຄົງຖືກພົບເຫັນເລື້ອຍໆຢູ່ຫຼາຍໆຂົງເຂດ ຕັ້ງແຕ່ເຂດຊານເມືອງຈົນໄປເຖິງໃນເມືອງ. ຈົນກາຍເປັນຄວາມເຄີຍຊິນໄປແລ້ວສຳລັບຜູ້ສັນຈອນໄປມາທີ່ຕ້ອງລະວັງເອງ ແຕ່ບາງຄັ້ງກໍມີອຸບປະຕິເຫດຕາມມາ ເຊັ່ນ: ລົດໃຫຍ່ຕຳງົວ, ລົດຈັກຕຳງົວ,...