ສຳນັກຂ່າວຣອຍເຕີລາຍງານວ່າ ຜູ້ອຳນວຍການຝ່າຍກິດຈະການຕ່າງປະເທດ ວັດທະນະທຳ ແລະ ການທ່ອງທ່ຽວປະຈຳເມືອງຫຍຸນເສິງ ລະບຸວ່າ ທີ່ທະເລສາບນ້ຳເຄັມບູຮານ ກາຍເປັນສີແດງ ຖືເປັນເລື່ອງປົກກະຕິໃນຊ່ວງໄລຍະນີ້ຂອງແຕ່ລະປີ ເປັນຜົນມາຈາກການເຕີບໃຫຍ່ຂອງສາຫຼ່າຍ ດູນາລິເອລລ່າ ຊາລິນ່າ ໃນທະເລສາບ ແລະ ເມື່ອອາກາດຮ້ອນຂຶ້ນຫຼາຍພຽງໃດ ນ້ຳໃນທະເລສາບກໍ່ຈະກາຍເປັນສີແດງຂຶ້ນເທົ່ານັ້ນ
ທະເລສາບນ້ຳເຄັມແຫ່ງນີ້ ມີມາດົນປະມານ 500 ລ້ານປີແລ້ວ ເປັນທະເລສາບໂຊດ້ຽມ ຊັລເຟດ ທີ່ມີຜືນແຜ່ນດິນອ້ອມຮອບໃຫຍ່ເປັນອັນດັບ 3 ຂອງໂລກ ຊາວບ້ານໃນພື້ນທີ່ສະກັດເກືອມາຈາກທະເລສາບແຫ່ງນີ້ມາດົນຫຼາຍກວ່າ 4,000 ປີແລ້ວ ແລະື ເນື່ອງຈາກນ້ຳໃນທະເລສາບມີຄວາມເຄັມສູງ ຜູ້ຄົນຈິ່ງລອຍຕົວໃນນ້ຳໄດ້ຢ່າງສະບາຍ ທະເລສາບແຫ່ງນີ້ຈິ່ງມີຊື່ຮຽກອີກຊື່ໜຶ່ງວ່າ ໄຊນ່າ ເດດ ຊີ້
ຂ່າວຈາກ: http://news.sanook.com/
ຕິດຕາມຂ່າວເສດຖະກິດລາວ ກົດໄລຄ໌ເລີຍ!