ເຈົ້າພໍ່ວົງການບູ້ ເຊີນຫຼົງ ບໍ່ວ່າຈະສ້າງຮູບເງົາແນວ ບູ້-ແອັກຊັ້ນ ເລື່ອງໃດກໍໂດ່ງດັງຢ່າງຕໍ່ເນື່ອງ ຫຼ້າສຸດກັບຜົນງານ ແອັກຊັ້ນຄອມເມດີ ເລື່ອງ “ຄູ່ໃຫຍ່ສັ່ງມາຟາດ (Skiptrace)” ທີ່ເຂົ້າສາຍໃນປະເທດຈີນພຽງ 4 ວັນທໍາອິດເທົ່ານັ້ນ ກໍກວາດເອົາເງິນເຂົ້າກະເປົາແບບສະບາຍ ສະບາຍ 460,000 ລ້ານກີບ
ຮູບເງົາເລື່ອງນີ້ໄດ້ ເລນບີ້ ຮາລິນ (Renny Harlin) ມາເປັນຜູ້ກໍາກັບ ເຊິ່ງເຄີຍສ້າງຜົນງານ ແອັກຊັ້ນ ມາແລ້ວເຊັ່ນ: Cliffhanger, Die Hard2 ແລະ Deep Blue Sea ແລະ ໄດ້ນັກສະແດງນໍາຫຼາກຫຼາຍຝີມືເຊັ່ນ: ຈອນນີ້ ນ໋ອກວິວ (Johnny Knoxville) ແລະ ຟາມປິງໆ(Fan Bing Bing) ມາເສີມທັກສະ ຈັດເຕັມຄວາມມັນຈົນ ເຈັບກ້າມຄາງແນ່ນອນ.
ສຳລັບເລື່ອງ “ຄູ່ໃຫຍ່ສັ່ງມາຟາດ (Skiptrace)” ແມ່ນເວົ້າເຖິງ ເລື່ອງລາວຂອງສາຍສືບຊາວຮົງກົງ ທີ່ກໍາລັງຕາມລ້າຫົວໜ້າແກ້ງມາເຟຍ ເມື່ອຫຼານສາວຂອງສາຍສືບ ຕ້ອງໄປພົວພັນກັບອົງກອນຂອງມາເຟຍ ເຊິ່ງຄົນທີ່ມີຫຼັກຖານສາມາດກ່າວເຖິງຕົວເຈົ້າພໍ່ໄດ້ນັ້ນຄື ນັກພະນັນຊາວອາເມຣິກາ ແຕ່ບັງເອີນຖືກແກ້ງມາເຟຍຈັບໄປລັດເຊຍ ເຊິ່ງລາວຕ້ອງການຈະກັບມາເກົາ ດັ່ງນັ້ນ ຕົວພະເອກ ກໍຄືເຊີນຫຼົງ ຈິ່ງຕ້ອງນໍາໄປຊ່ວຍເຫຼືອ ຄອນເນີ (ຊາຍຊາວອາເມຣິກາ) ເພື່ອເປັນພະຍານ ຈັບຕົວຄົນບໍ່ດີມາລົງໂທດ ແລະ ຊ່ວຍເຫຼືອ ຫຼານສາວໃຫ້ໄດ້ ພາລະກິດຟາດພວງຄວາມມັນຂ້າມພົມແດນຕັ້ງແຕ່ ພູເຂົາໃນ ມົງໂກເຣຍ ຈົນເຖິງ ທະເລສາຍ ໂກບີເຣືອຍ ຈົນມາຮອດມາເກົາຈິ່ງເກີດຂຶ້ນ.
ທີ່ມາຈາກ: http://targetlaos.com/