spot_img
Homeມຸມຂ່າວ AECສປປ ລາວ-ສປຊ ປະກາດຮັບຮອງ ເອົາເປົ້າໝາຍ ການພັດທະນາ ແບບຍືນຍົງທີ 18 ຢ່າງເປັນທາງການ

ສປປ ລາວ-ສປຊ ປະກາດຮັບຮອງ ເອົາເປົ້າໝາຍ ການພັດທະນາ ແບບຍືນຍົງທີ 18 ຢ່າງເປັນທາງການ

Published on

ຂປລ. ທ່ານ ທອງລຸນສີສຸລິດ ນາຍົກລັດຖະມົນຕີແຫ່ງ ສປ ລາວ ແລະ ທ່ານ ບັນກີມູນ ເລຂາທິການ​ໃຫຍ່ ​​ອົງການສະຫະປະຊາຊາດ, ໄດ້ປະກາດຢ່າງເປັນທາງການ ຮັບຮອງເອົາເປົ້າໝາຍການພັດທະນາແບບຍືນຍົງທີ 18 ທີ່ກ່ຽວກັບການເກັບກູ້ລະເບີດ ບໍ່ທັນແຕກ ໃນວັນທີ 7 ກັຍາ 2016 ເຊິ່ງເປັນໜຶ່ງໃນເຫດການທີ່ສຳຄັນ ແລະ ປິ່ນອ້ອມກອງປະຊຸມ ສຸດຍອດອາຊຽນ ຄັ້ງທີ 28 ແລະ 29.

ເປົ້າໝາຍພັດທະນາແບບຍືນຍົງທີ 18 ແມ່ນເປົ້າໝາຍໃໝ່ທີ່ເພີ່ມເຂົ້າໃນຈຳນວນ ເປົ້າໝາຍພັດທະນາແບບຍືນຍົງທັງໝົດ 17 ເປົ້າໝາຍ ທີ່ໄດ້ຖືກຮັບຮອງ ໃນລະດັບສາກົນ. ເປົ້າໝາຍ​​ດັ່ງກ່າວ​​ ມີຄວາມສຳຄັນ ໃນ​​ການພັດທະນາແບບຍືນຍົງ ທີ່ໄດ້​​ປະກາດນຳໃຊ້ ໃນຕົ້ປີນີ້. ​ປ ລາວ ຮ່ວມກັບບັນດາ ປະເທດສະມາຊິກຊ ຈຳນວນ 192 ປະເທດ​​ ໄດ້ຮັບຮອງເອົາ ເປົ້າໝາຍພັດທະນາ ແບບຍືນຍົງ ທີ່ກອງປະຊຸມ ສະມັດຊາໃຫຍ່ສະຫະປະຊາຊາດ ທີ່ນິວຢອກ ໃນເດືອກັນຍາປີ 2015 ທີ່ຜ່ານມາ ແລະ ໄດ້ເຊື່ອມ​​ສານ ວຽກງານດັ່ງກ່າວ ເຂົ້າໃນແຜນການແລະ ນະໂຍບາຍແຫ່ງຊາດ. ບັນດາເປົ້າໝາຍເຫລົ່ານີ້ ມີຈຸດປະສົງເພື່ອ ລຶບລ້າງຄວາມທຸກຍາກ, ຕໍ່ສູ້ກັບຄວາມບໍ່ຍຸຕິທຳ, ຄວາມບໍ່ສະເໝີພາບ ແລະ ການປ່ຽນແປງ ຂອງດິນຟ້າອາກາດ ພາຍໃນປີ 2030, ສະນັ້ນ ສິ່ງດັ່ງກ່າວນີ້​​ ຈະນຳພາ​​ທົ່ວໂລກໄປຕາມທິດທາງ ການພັດທະນາ ແບບຍືນຍົງ​.

ປ ລາວ ໄດ້ຕັດສິນໃຈແກ້ໄຂ ຜົນທົບຈາກສົງຄາມ ໃນໄລຍະປີ 1964-1973 ໂດຍການສ້າງເປົ້າໝາຍພັດທະນາແບບຍືຍົງ ສະເພາະຂອງ ສປປ ລາວ ໃນວຽກງານການເກັບກູ້ລະເບີດ ບໍ່ທັນແຕກ ແມ່ນເພື່ອຫລຸດຜ່ອນຈຳນວນຜູ້​​ບາດເຈັບຈາກລະເບີດບໍ່ທັນແຕກ​, ​ຊ່ວຍເຫລືອ​​ຜູ້ຖືກເຄາະຮ້າຍ ແລະ ເກັບກູ້ລະເບີດ ໃນເນື້ອທີ່ທີ່​​ສ້າງຜົນປະໂຫຍດໃຫ້ແກ່ປະຊາຊົນທຸກຍາກ. ປ ລາວຍັງເປັນປະເທດ ທີ່ນຳໜ້າໃນການສະໜັບສະໜູນ ສົນທິສັຍາການຕໍ່ຕ້ານການນຳໃຊ້ລະເບີດ​​ລູກຫວ່ານ ເຊິ່ງເປັນສົນທິສັນ​​​າສາກົນ ທີ່ມີຜົນບັງຄັບໃຊ້ ໃນປີ 2010 ເຊິ່ງລັດພາຄີ ຂອງສົນທິສັນຍາດັ່ງກ່າວ ຈະຕ້ອງເກັບກູ້, ທຳລາຍຄັງສາງ ແລະ ຊ່ວຍເຫລືອຜູ້ຖືກເຄາະຮ້າຍ ຈາກລະເບີດດັ່ງກ່າວ.

ທ່ານ ບັນກີມູນ ກ່າວວ່: ຫລາຍກວ່າເຄິ່ງໜຶ່ງຂອງຜູ້​​ທີ່ຖືກເຄາະຮ້າຍ ຈາກເບີດບໍ່ທັນແຕກ ໃນສປລາວ ສ່ວນຫລາຍແມ່ນເດັກນ້ອຍ.ພາຍຫລັງ ການປະກາດຮັບຮອງ ແລະ ນຳໃຊ້ເປົ້າໝາຍການພັດທະນາແບບຍືນຍົງທີ 18 ຫລຸດຜ່ອນຜົນກະທົບ ຈາກລະເບີດບໍ່ທັນແຕກ. ຜົນກະທົບທາງດ້ານເສດຖະກິດສັງຄົມຂອງລະເບີດບໍ່ທັນແຕກແມ່ນປະຊາຊົນ ຍັງມີຄວາຢ້ານກົວ ໃນການນຳຊ້ທີ່ດິນ ເຊິ່ງມັນສົ່ງຜົນສະທ້ອນອັນບໍ່ດີ ໃນການສ້າງລາຍຮັບ ຂອງປະຊາຊົນ ແລະ ກີດຂວາງການພັດທະນາ ໂດຍລວມຂອງປະເທດ.

 ທ່ານ ບັນກີມູນ ໄດ້ມີຄວາມປິຕິຍິນດີ ຕໍ່ຄຳໝັ້ນສັນຍາໃນການ​​ປົດປ່ອຍທຸກຄົນ ອອກຈາກຄວາມຢ້ານກົວ ຈາກລະເບີດບໍ່ທັນແຕກ ເຊິ່ງເປັນເຄື່ອງມືໃນການພັດທະນາແບບຍືນຍົງ ແລະ ຈະເປັນປັດໄຈສຳຄັນ ໃນການປະສານງານ ແລະ ຮັບປະກັນວ່າຈະສົ່ງຜົນປະໂຫຍດສູງສຸດໃຫ້ ສປປ ລາວ.ພ້ອມນັ້ນ ໄດ້​​ໃຫ້ຄຳໝັ້ນສັນຍາຈະບໍ່ປະຖິ້ມບຸກຄົນໃດໜຶ່ງ ໄວ້ຂ້າງຫລັງ, ພ້ອມທັງຮັບຮູ້ການສະໜັບສະໜູນ ຂອງພາກສ່ວນລັດຖະບານ, ຄູ່ຮ່ວມພັດທະາ ແລະ ອົງການຈັດຕັ້ງທາງສັງຄົມ ທີ່ເປັນພາກສ່ວນສຳຄັນ ໃນການປະຕິບັດ ແຜການພັດທະນາແບບຍືນຍົງໃນລາວ.

ທ່ານ ທອງລຸນ ສີສຸລິດ ໄດ້ເນັ້ນໜັກຕໍ່ການຕັ້ງເປົ້າໝາຍ ການພັດທະນາແບບຍືນຍົງທີ 18 ວ່າ: ເພື່ອຮັບປະກັນ ການເກັບກູ້ລະເບີດບໍ່ທັນແຕກໃຫ້ໄດ້ຫລາຍທີ່ສຸດເທົ່າທີ່ເຮັດໄດ້ໃນເນື້ອທີ່ທີ່ມີຜົນກະທົບແລະ ບ່ອນມີຄົນທຸກຍາກ ຢູ່ຫລາຍທີ່ສຸດ ພາຍໃນປີ 2030 ທັງຮັບປະກັນໃຫ້ຜູ້ທີ່ຖືກເຄາະຮ້າຍທຸກຄົນ ໄດ້ຮັບການ ສະໜັບສະໜູນຊ່ວຍເຫລືແລະ ສາມາດດຳລົງຊີວິດ ຢ່າງມີກຽດ.

 

ຂ່າວຈາກ: ສຳນັກຂ່າວສານປະເທດລາວ

ບົດຄວາມຫຼ້າສຸດ

ທັງໜ້າຕາດີ ທັງຈິດໃຈດີ Felix Stray kids ໃນ 2 ປີທີ່ (2024-2025) Felix ໄດ້ບໍລິຈາກໃຫ້ປະເທດລາວ ລວມມູນຄ່າທັງໝົດປະມານ 3 ຕື້ກີບ

ທັງໜ້າຕາດີ ທັງຈິດໃຈດີ Felix Stray kids ຂອບໃຈທີ່ໃຫ້ການສະໜັບສະໜູນມາຕະຫຼອດ 2 ປີ (2024-2025) ທີ່ໄດ້ເຂົ້າມາຊ່ວຍເຫຼືອເດັກນ້ອຍໃນປະເທດລາວໃຫ້ມີຊີວິດການເປັນຢູ່ ແລະ ສະພາບເວດລ້ອມທີ່ດີຂຶ້ນ, ໃນ 2...

ຕ້ອງກະກຽມຂໍ້ມູນຫຍັງແນ່ ເພື່ອຂຽນປະກອບເອກະສານເຮັດບັດປະຈໍາຕົວດິຈິຕອນ ກຽມພ້ອມໄວ້ ເພື່ອຄວາມສະດວກ ແລະ ວ່ອງໄວ

ໃນປັດຈຸບັນໃນນະຄອນຫຼວງວຽງຈັນສາມາດເຮັດບັດປະຈໍາຕົວໄດ້ແລ້ວ ຢູ່ທີ່ກົມຄຸ້ມຄອງສຳມະໂນຄົວ ແລະ ກໍ່ສ້າງຮາກຖານ ບ້ານແສງສະຫວ່າງ ເມືອງໄຊເສດຖາ ນະຄອນຫຼວງວຽງຈັນ ເຊິ່ງກ່ອນທີ່ຈະເຮັດບັດປະຈຳຕົວດິຈິຕອນແມ່ນ ຕ້ອງໄດ້ຊື້ແບບຟອມປະກອບຂໍ້ມູນ ລາຄາ 30,000 ກີບ ແລະ ຈະເປີດບໍລິການເຮັດບັດປະຈຳຕົວໃນທົ່ວປະເທດໃນຕົ້ນເດືອນຕຸລາ...

ອົບພະຍົບຫຼາຍກວ່າ 1,000 ຄົນ ເຫດໄຟໄໝ້ເຂດຊຸມຊົນແອອັດ ໃນນະຄອນຫຼວງມະນິລາ ປະເທດຟິລິປິນ

ເກີດເຫດໄຟໄໝ້ຮຸນແຮງຢູ່ເຂດຊຸມຊົນແອອັດ ໃນເມືອງຫຼວງຂອງຟິລິບປິນ ປະຊາຊົນຫຼາຍກວ່າ 500 ຄອບຄົວບໍ່ມີທີ່ຢູ່ອາໄສ. ສຳນັກຂ່າວຕ່າງປະເທດລາຍງານວ່າ: ໃນວັນທີ 15 ກັນຍາ 2025 ຜ່ານມາ, ເກີດເຫດໄຟໄໝ້ຮຸນແຮງໃນຊ່ວງກາງຄືນໃນດເຂດຊຸມຊົນ ແຮບປີ້ແລນ ເຮັດໃຫ້ອາຄານບ້ານເຮຶືອນໄດ້ຮັບຄວາມເສຍຫາຍຫຼາຍຮ້ອຍຫຼັງ ເຮັດໃຫ້ປະຊາຊົນກວ່າ...

ງົດງາມທີ່ສຸດຈາກທົ່ວໂລກ ຕາດກວາງຊີ ແຂວງຫຼວງພະບາງ ຖືຈັດຢູ່ໃນ 21 ນໍ້າຕົກທີ່ສວຍງາມຈາກທົ່ວໂລກ ປີ 2025

ວາລະສານ ການທ່ອງທ່ຽວຊື່ດັງຂອງໂລກ Travel + Leisure ໄດ້ຈັດອັນດັບ Top 21 Most Beautiful Waterfalls in the World...