ສຳນັກຂ່າວຕ່າງປະເທດລາຍງານຈາກນະຄອນຫຼວງຮ່າໂນຍ ປະເທດຫວຽດນາມ ໃນວັນທີ 6 ກັນຍາ 2016 ວ່າ: ປະທານາທິບໍດີ ຝຣັ່ງຊົວອອນລອງ ຜູ້ນຳປະເທດຝຣັ່ງ ແລະ ທ່ານ ເຈິນດາຍກວາງ ປະທານປະເທດຫວຽດນາມ ເປັນສັກຂີພະຍານຮ່ວມກັນໃນການລົງນາມຂໍ້ຕົກລົງລະຫວ່າງບໍລິສັດ “ແອບັສ” ກັບສາຍການບິນຫວຽດນາມ Veit Jet Air ແລະ Jetstar Pacific ໃນການສັ່ງຊື້ເຮືອບິນໂດຍສານຂອງ “ແອບັສ” ທີ່ມີ ມູນຄ່າລວມ 6.500 ລ້ານໂດລາ ຫຼື ປະມານ 52,487,500 ກີບ ໂດຍການລົງນາມເກີດຂຶ້ນທີ່ທຳນຽບປະທານປະເທດໃນນະຄອນຫຼວງຮາໂນຍ ໃນໂອກາດການເດີນທາງຢ້ຽມຢາມຫວຽດນາມຢ່າງເປັນທາງການຂອງຜູ້ນຳຝຣັ່ງ.
ລາຍງານຂອງ “ແອບັສ” ບໍ່ໄດ້ເປີດເຜີຍ ມູນຄ່າທີ່ຊັດເຈນໃນຂໍ້ຕົກລົງຮ່ວມກັບສອງສາຍການບິນ,ແຕ່ລະບຸວ່າ: Veit Jet Air ສັ່ງຊື້ເຮືອບິນ ລຸ້ນ A 321 ຈຳນວນ 20 ລໍາ . ສ່ວນ Vietnam Airlines ເຊິ່ງເປັນຫຸ້ນສ່ວນຂອງ Jetstar Pacific 70% ສັ່ງຊື້ 20 ລໍາ. ໃນຈໍານວນນີ້ເປັນເຮືອບິນລຸ້ນຫຼ້າສຸດຄື: A350 ຈຳນວນ 10 ລຳ. ຂ່າວໃຫ້ຮູ້ຕື່ມວ່າ: Veit Jet Air ໄດ້ສັ່ງຊື້ເຮືອບິນໂດຍສານ 100 ລໍາຈາກ ບໍລິສັດ “ໂບອິງ” ໃນລະຫວ່າງການເດີນທາງຢ້ຽມຢາມຄັ້ງປະຫວັດສາດຂອງປະທານາທິບໍດີ ບາຣັກ ໂອບາມາ ໃນເດືອນ ພຶດສະພາ ທີ່ຜ່ານມາ ເຊິ່ງຖືເປັນຂໍ້ຕົກລົງຊື້ເຮືອບິນການຄ້າມູນຄ່າສູງສຸດໃນປະຫວັດສາດຂອງຫວຽດນາມ ມູນຄ່າ 11.300 ລ້ານໂດລາ (ປະມານ 91,247,500 ກີບ)
ຂ່າວຈາກ: http://www.dailynews.co.th/foreign/521871
ຕິດຕາມຂ່າວເສດຖະກິດລາວ ກົດໄລຄ໌ເລີຍ!