ສຳນັກຂ່າວຕ່າງປະເທດ ລາຍງານໃນວັນທີ 23 ສິງຫານີ້ວ່າ ທ່ານ ພົນຕີ ມົງຄົນ ວະຣຸນໂຍ ຜູ້ບັງຄັບການຕຳຫລວດຈະລາຈອນໄທ ໄດ້ອອກມາເປີດເຜີຍວ່າ ພາຍຫລັງທີ່ເຈົ້າໜ້າທີ່ຕຳຫລວດຈະລາຈອນ ໄດ້ເລີ່ມປະຕິບັດມາດຕະການ ປັບໃໝຜູ້ຂັບຂີ່ຍານພາຫະນະ ທີ່ຫລິ້ນເກມໂປເກມອນ ໂກ ໃນຂະນະຂັບຂີ່ຕາມທ້ອງຖະໜົນ ໃນວັນທີ 22 ສິງຫາ 2016 ຜ່ານມານີ້ ໂດຍພຽງແຕ່ມື້ດຽວ ສາມາດຈັບ ແລະ ປັບໃໝຜູ້ກະທຳຜິດໄດ້ແລ້ວ 28 ຄົນ.
ທັງນີ້ ອີງຕາມກົດໝາຍຈະລາຈອນທາງບົກຂອງໄທ ຜູ້ຂັບຂີ່ທີ່ກະທຳຄວາມຜິດ ໃນຂໍ້ຫາໃຊ້ໂທລະສັບເຄື່ອນທີ່ ໃນຂະນະຂັບຂີ່ຍານພາຫະນະ ຈະຖືກໂທດປັບໃໝ ໃນອັດຕາສູງສຸດ 1,000 ບາດ ຫລື ປະມານ 230,000 ກີບ.
ຕິດຕາມເຮົາທາງFacebook ກົດຖືກໃຈເລີຍ!