ສຳນັກຂ່າວຕ່າງປະເທດ ລາຍງນາໃນວັນທີ 22 ສິງຫານີ້ວ່າ ທ່ານ ພົນເອກ ຈັກກະທິບ ໄຊຈິນດາ ຜູ້ບັນຊາການຕຳຫລວດແຫ່ງຊາດໄທ ໄດ້ຖະແຫລງຄວມຄືບໜ້າ ກ່ຽວກັບການສືບສວນ ເຫດລະເບີດຫລາຍຈຸດ ໃນພື້ນທີ່ 7 ແຂວງທາງພາກໃຕ້ຂອງໄທ ໃນລະຫວ່າງວັນທີ 10-12 ສິງຫາທີ່ຜ່ານມາວ່າ ປັດຈຸບັນເຈົ້າໜ້າທີ່ຕຳຫລວດ ສາມາດຮັບຮູ້ກ່ຽວກັບ ການດຳເນີນງານຂອງກຸ່ມຜູ້ກໍ່ເຫດ ຊຶ່ງເຊື່ອວ່າມີຜູ້ເຂົ້າຮ່ວມຂະບວນການ 20 ຄົນຂຶ້ນໄປ ໂດຍມີການວາງແຜນ ແລະ ເຝິກອົບຮົມໃຫ້ກັນມາເປັນຢ່າງດີ ກ່ອນທີ່ຈະລົງມືກໍ່ເຫດ.
ດ້ານຈຸດປະສົງຂອງການກໍ່ເຫດຄັ້ງນີ້ ເຈົ້າໜ້າທີ່ຍັງບໍ່ຕັດຖິ້ມຂໍ້ສັນນິຖານຕ່າງໆ ຊຶ່ງອາດແມ່ນທັງເລື່ອງການເມືອງ ທີ່ກ່ຽວຂ້ອງກັບ ການລົງປະຊາມະຕິ ຮັບຮ່າງລັດຖະທຳມະນູນ ສະບັບໃໝ່ຂອງໄທ ຕະຫລອດຮອດອາດເປັນການສ້າງສະຖານະການ ເພື່ອກໍ່ຄວາມບໍ່ສະຫງົບ ໂດຍການຂະຫຍາຍພື້ນທີ່ ຂອງກຸ່ມກໍ່ຄວາມບໍ່ສະຫງົບຢູ່ 3 ແຂວງພາກໃຕ້ຂອງໄທອີກດ້ວຍ.
ຕິດຕາມເຮົາທາງFacebook ກົດຖືກໃຈເລີຍ!