ໂອລິມປິກ 2016 ວັນນີ້ເຮົາຈະມາເວົ້າເຖິງເງິນລາງວັນ ໃນແຕ່ລະປະເພດຫຼຽນ ທີ່ນັກກີລາຈະໄດ້ ໂດຍມີບາງປະເທດອອກມາເປີດເຜີຍເງິນອັດສີດໃຫ້ພວກເຮົາໄດ້ຮູ້ ເຊິ່ງຈະມີປະເທດໃດແນ່ເຮົາມາເບິ່ງກັນເລີຍ
ຊາດທີ່ຕ້ອງເວົ້າເຖິງເປັນອັນດັບທໍາອິດ ເພາະໃຫ້ເງິນສູງສຸດກໍ່ຄືປະເທດສິງກະໂປ ສ່ວນຕົວເລກສໍາລັບການຄວ້າຫຼຽນຄຳຢູ່ທີ່ເກືອບ 5,980 ລ້ານກີບ ຕໍ່ຫຼຽນ.
ແນ່ນອນວ່ານັກກີລາຈາກສິງກະໂປ ທີ່ຮັບຊັບກ້ອນໃຫຍ່ໄປເຕັມໆ ຈາກໂອລິມປີກຄັ້ງນີ້ ກໍ່ຄື “ໂຈເຊຟ ສະຄູລະລິ່ງ” ນັກລອຍນໍ້າດາວຣຸ່ງທີ່ເອົາຊະນະ “ໄມເກີລ ເຟລບ” ໃນການລອຍກະເບື້ອງ 100 ເມັດ ນັ້ນເອງ.
ອັນດັບຮອງລົງມາ ຄືກຸ່ມປະເທດທີ່ອັດສິດເງິນໃຫ້ນັກກິລາຫຼຽນຄຳຫຼາຍກວ່າ 2,300 ລ້ານກີບຂຶ້ນໄປ ຕໍ່ຫຼຽນ
ນໍາໂດຍ ອາເຊີໄບຈານ ປະເທດທີ່ອຸດົມໄປດ້ວຍ “ນໍ້າມັນ” ເຊິ່ງເປັນຊັບພະຍາກອນຫຼັກຂອງປະເທດມີຄ່າລາງວັນຫຼຽນຄຳຈຶ່ງສົມກັບລາຍຮັບຂອງປະເທດ ໂດຍຕົົກຫຼຽນລະເກືອບໆ 4,140 ລ້ານກີບ
ຕາມມາດ້ວຍອິນໂດເນເຊຍທີ່ໃຫ້ຫຼຽນຄຳລະ 3,105 ລ້ານກີບ ຫຼາຍກວ່າຂອງໄທທີ່ກອງທຶນພັດທະນາກິລາແຫ່ງຊາດ ມອບໃຫ້ນັກກິລາຫຼຽນຄຳຄົນລະ 2,300 ລ້ານກີບ
ຕາມມາຄືກຸ່ມປະເທດທີ່ໃຫ້ເງິນຄ່າຫຼຽນຄຳໜ້ອຍກວ່າ 2,300 ລ້ານກີບ ລົງມາໄດ້ແກ້:
ຄາຊັດສະຖານ 2,012.5 ລ້ານກີບ , ຄີກີຊະສະຖານ 1,610 ລ້ານກີບ, ຣັສເວຍ 1,529.5 ລ້ານກີບ ແລະ ອີຕາລີ 1,520.3 ລ້ານກີບ ໃນຂະນະທີ່ ອຸຊເບກິສຖານ, ເບລາຣຸລ ແລະ ຢູເຄຣນ ໃຫ້ເທົ່າກັບ 1,207.5 ລ້ານກີບ
ຫຼຸດລົງມາອີກຄື ອັອດສະເຕຣເລຍ ແລະ ຮົງກາລີ ທີ່ນັກກີລາຫຼຽນຄຳຂອງພວກເຂົາໄດ້ຮັບໄປຫຼຽນລະ 920 ລ້ານກີບ ເຊິ່ງຍັງຄືວ່າຫຼາຍກວ່າປະເທດ ຝຣັ່ງ ແລະ ລັດເຊຍ ຢູ່ເກືອບ 2 ເທົ່າ.
ເພາະທັງສອງປະເທດນີ້ມອບເງິນອັດສິດຢູ່ທີ່ 460 ລ້ານກີບ ສ່ວນແອັບຟຣິກາໃຕ້ຫຼາຍກວ່າ 460 ລ້ານກີບເລັກໜ້ອຍ ສ່ວນຍັກໃຫຍ່ໃນວົງການກີລາເຊັ່ນ: ຈີນ ໃຫ້ຫລຽນຄຳລະ 230 ລ້ານກີບ ແລະ ສະຫະລັດອາເມຣິກາ ຫຼຽນຄຳລະ 201.25 ລ້ານກີບ, ເຢນລະມັນ ທີ່ໃຫ້ຫຼຽນຄຳເກືອບ 161 ລ້ານກີບ ແລະ ແຄນາດາ ທີ່ໃຫ້ປະມານ 115 ລ້ານກີບ.
ຕ້ອງບອກໄວ້ວ່າ ບໍ່ແມ່ນທຸກປະເທດຈະມີເງິນອັດສີດສ່ວນນີ້ຈາກພາກລັດ ເພາະບາງປະເທດເຊັ່ນ: ອັງກິດ, ສະວີເດນ ແລະ ນັອກເວ ຈະບໍ່ມີເງິນໂບນັສໂດຍກົງໃນພາສ່ວນນີ້ເລີຍ ແຕ່ບໍ່ໄດ້ໝາຍຄວາມວ່າປະເທດທີ່ບໍ່ມີເງິນອັດສີດລຽນຄຳ ຈະບໍ່ໄດ້ສະໜັບສະໜູນກີລາໂອລີມປິກ ເພາະປະເທດອັງກິດ ກໍ່ມີເງິນສະໜັບສະໜູນໃນຮູບແບບເບ້ຍລ້ຽງລາຍປີ ສຳລັບນັກກີລາໂອລີມປິກ ແລະ ພາຣາລິມປິກ ສະເລ່ຍຕົກປີລະ 276 ລ້ານກີບ
ສະນັ້ນຕົວເລກອັດສີດເງິນລາງໃຫ້ແກ່ນັກກີລາທີ່ໄດ້ຮັບຫຼຽນໃນໂອລິມປິກ ຈິ່ງບໍ່ໄດ້ເປັນດັດຊະນີພຽງຢ່າງດຽວທີ່ບົ່ງບອກເຖິງນະໂຍບາຍການສະໜັບສະໜູນຂອງປະເທດນັ້ນ
ແຫຼ່ງຂ່າວຈາກ: http://sport.sanook.com/261149/