![167467968](http://www.laopost.com/wp-content/uploads/2014/07/167467968.jpg)
ແພດຜູ້ຊ່ຽວຊານດ້ານໂລກຜິວໜັງຂອງໄທ ລາຍງານຜ່ານເວັບໄຊ Sanook.com ໂດຍໄດ້ກ່າວລະບຸວ່າ
ເນື່ອງຈາກໂລກທີ່ຖືກພົບສ່ວນຫູາຍ ແລະ ສ້າງຄວາມກັງວົນໃຈໃຫ້ແກ່ຜູ້ເຂົ້າປິ່ນປົວ ໂດຍສ່ວນໃຫຍ່
ແລ້ວ ຈະມີຄວາມເຊື່ອທີ່ຜິດ ກ່ຽວກັບໂລກສິວເຮັດໃຫ້ການຮັກສາບໍ່ໄດ້ຜົນ, ຄວາມເຊື່ອຜິດໆທີ່ພົບ
ຫຼາຍທີ່ສຸດແມ່ນມີດັ່ງນີ້:
1. ເຊື່ອວ່າຝຸ່ນລະອອງ ແລະ ສິສ່ງສົກກະປົກ ເປັນສາເຫດຂອງສິວ ຈຶ່ງລ້າງໜ້າຟອກສະບູຢ່າງເປັນປະ
ຈຳ ຄວາມເຊື່ອນີ້ໄດ້ເຮັດໃຫ້ຜູ້ທີ່ເປັນສິວລ້າງໜ້າຫຼາຍເກີນໄປ ແລະ ໃຊ້ສະບູທີ່ມີລິດແຮງ ຫຼື ສະບູທີ່ເປັນ
ຢາ ເຮັດໃຫ້ໜ້າອັກເສບ, ລະຄາຍເຄືອງ ແລະ ສິວກໍຍິ່ງຜຸດຂຶ້ນກ່ວາເກົ່າອີກ.
2. ເຊື່ອວ່າກິນຊັອກໂກແລັດແລ້ວ ຈະເຮັດໃຫ້ສິວຂຶ້ນ ໂດຍໃນເລື່ອງນີ້ແມ່ນບໍ່ມີຫຼັກຖານທາງວິທະຍາສາດ
ຢືນຢັນວ່າ ອາຫານພວກຊັອກໂກແລັດ, ມັນຝຣັ່ງ, ຂົ້ວເມັດຖົ່ວ, ພິຊຊ້າ, ອາຫານມັນໆ, ນ້ຳອັດລົມ ຫຼື ກະ
ແລ້ມ ຈະກະຕຸ້ນໃຫ້ສິວເກີດຂຶ້ນ ເຊິ່ງອາຫານພວກກະແລ້ມ ແລະ ນົມ ຈະບໍ່ເຮັດໃຫ້ສິວຜຸດຂຶ້ນມາ ຍົກເວັ້ນ
ກໍລະນີທີ່ເປັນສິວອັກເສບ ແລະ ຮັກສາໂດຍການກິນຍາ ຈຳພວກກຸ່ມເຕຕຣາໄຊຄລີນ ຈິ່ງບໍ່ຄວນດື່ມນົມ
ພາຍໃນເວລາ 1 ຊົ່ວໂມງເຄິ່ງກ່ອນໜ້າ ຫຼື 2 ຊົ່ວໂມງພາຍຫຼັງກິນຢາແລ້ວ ເພາະແຄລຊຽມໃນນົມ ຈະໄປ
ຂັດຂວາງການດູດຊຶມຂອງຢາ.
3. ເຊື່ອວ່າສິວ ເປັນພຽງເລື່ອງຂອງຄວາມງາມ ໂດຍບໍ່ແມ່ນໂລກຜິວໜັງ ເຊິ່ງເປັນຄວາມເຊື່ອທີ່ຜິດ
ເພາະສິວທີ່ຮຸນແຮງ ຫາກປ່ອຍໃຫ້ເຊົາເອົາເອງ ຈະເຮັດໃຫ້ກາຍເປັນຮອຍແປ້ວ, ມີທີມງານວິໄຈຊີ້ບອກວ່າ
ຮອຍແປ້ວເຫຼົ່ານີ້ ຈະສົ່ງຜົນເສຍທາງດ້ານຈິດໃຈຊັດເຈນ ເຊິ່ງພົບວ່າຜູ້ທີ່ເປັນໂລກສິວຊຳເຮື້ອ ກ່ວາ 44%
ເກີດຄວາມບໍ່ສະບາຍໃຈ ແລະ 18% ມີອາລົມຊຶມເສົ້າ.
4. ເຊື່ອວ່າແສງແດດເຮັດໃຫ້ສິວດີຂຶ້ນ ແຕ່ໃນຄວາມຈິງແລ້ວ ແສງແດດອາດຈະເຮັດໃຫ້ເບິ່ງຄືວ່າສິວດີຂຶ້ນ
ເພາະແສງແດຈະເຮັດໃຫ້ຜິວໄໝ້ແດງ ແລະ ຜິວດຳກ່ຳລົງ ແລ້ວຈະຊ່ວຍບົດບັງຮອຍແດງດຳຈາກສິວອັກ
ເສບ, ໃນທາງທີ່ເປັນຈິງນອກຈາກແສງແດດ ຈະເປັນອັນຕະລາຍຕໍ່ຜິວໜັງແລ້ວ ແສງແດດຍັງເຮັດໃຫ້ຜິວ
ລະຄາຍເຄືອງ ແລະ ຍິ່ງເຮັດໃຫ້ສິວເກີດຂຶ້ນມາອີກ.
5. ເຊື່ອວ່າການຮັກສາສິວນັ້ນ ໃຊ້ຢາແຮງຍິ່ງໄດ້ຜົນດີ ໂດຍສະເພາະແມ່ນໄວລຸ້ນ ທີ່ເປັນສິວມັກຈະເຊື່ອກັນວ່າ
ໃຊ້ຢາແຮງໆປົວສິວຍິ່ງໄດ້ຮັບຜົນດີ, ໃນຄວາມຈິງແລ້ວ ຖ້າຢາຄວາມເຂັ້ມຂຸ້ນຂັ້ນຕ່ຳ ກໍໄດ້ຮັບຜົນດີເຊັ່ນກັນ
ບໍ່ຈຳເປັນຕ້ອງໄດ້ໃຊ້ຢາທີ່ແຮງຂຶ້ນ ເພາະຈະເຮັດໃຫ້ເສຍເງິນຂຶ້ນໄປອີກໂດຍບໍ່ຈຳເປັນ, ອີກທັງຍັງສ່ຽງຕໍ່ການ
ເກີດຜົນແຊກຊ້ອນ ເຊັ່ນການລະຄາຍເຄືອງຫຼາຍຂຶ້ນອີກດ້ວຍ.
ທັງໝົດນີ້ ການຮັກສາສິວທີ່ຖືກຕ້ອງນັ້ນ ຜູ້ເປັນສິວຄວນໃຊ້ຢາຕາມຄຳແນະນຳຂອງແພດຢ່າງເຄັ່ງຄັດ ໂດຍ
ບໍ່ຄວນໄປຫຼົງເຊື່ອຄຳໂຄສະນາເກີນຈິງ ຂອງຜະລິດຕະພັນທີ່ຖືກຜະລິດອອກມາ ເພື່ອຫາກຳໄລທາງການຄ້າ.