ເລີ່ມຕົ້ນຂຶ້ນແລ້ວສຳລັບກີລາ ໂອແລມປິດ 2016 ຣີໂອເກມໃນປີນີ້ ບຣາຊິນ ເຊິ່ງຮັບໜ້າທີ່ເປັນເຈົ້າພາບກໍ່ບໍ່ເຮັດໃຫ້ຜິດຫວັງ ຈັດພິທີເປີດທີ່ງົດງາມອະລັງການ ແລະ ເພີດເພີນທີ່ສຸດ ໂດຍການສະແດງໃນພິທີເປີດໄດ້ເນັ້ນໃຫ້ເຫັນເຖິງຄວາມເປັນມາຂອງບຣາຊິນ ທີ່ເລີ່ມຈາກການອົບພະຍົບມາຕັ້ງຖິ່ນຖານຂອງຊາວ ຢຸໂຣບ ແອຟຣິກາ ແລະ ຕະເວັນອອກກາງ ຮວມເຖິງອາຊີ ຮວມເຂົ້າກັບຊົນເຜົ່າພື້ນເມືອງຈົນໃນທີ່ສຸດກໍ່ກາຍເປັນບຣາຊິນໃນປັດຈຸບັນ ແລະ ຫຼັງຈາກນັ້ນກໍ່ໄດ້ມີການຍົກກອງທັບນັກເຕັ້ນໄວເດັກຮວມແລ້ວກວ່າ 1,500 ຄົນ ທີ່ແຕ່ງຕົວດ້ວຍເສື້ອຜ້າສີສັນສົດໃສ ມາຮ່ວມເຕັ້ນກັນກາງສະໜາມ ແຖມຍັງຊວນໃຫ້ຄົນເບິ່ງຮ່ວມເຕັ້ນນຳກັນອີກດ້ວຍ