ສາມາດຕິດຕາມສະເພາະຂ່າວໄອທີ ແລະ ເກມໄດ້ທີ່ >>ລິ້ງນີ້<<

ຫຼ້າສຸດນີ້ມີເຈົ້າຂອງເຄື່ອງ Mi 5 ຄົນໜຶ່ງອອກມາໂພສຮູບພາບໂທລະສັບຕົນເອງ ຜ່ານບັນຊີ Weibo ວ່າໄດ້ເກີດລະເບີດຂຶ້ນ ແຕ່ໂຊກດີທີ່ໃນຕອນລຳເບີດນັ້ນບໍ່ມີຜູ້ໄດ້ຮັບບາດເຈັບ ສາມາດເບິ່ງຮູບພາບໄດ້ດ້ານລຸ່ມນີ້:

ເຊິ່ງໃນຕອນນີ້ກໍຍັງບໍ່ມີລາຍງານໃດໆຈາກ Xiaomi ວ່າສາເຫດຂອງການລະເບີດນັ້ນເກີດຂຶ້ນຍ້ອນຫຍັງ ແຕ່ຄາດວ່າບໍລິສັດໜ້າຈະສົ່ງເຄື່ອງໃໝ່ມາແທນໃຫ້ກັບເຈົ້າຂອງເຄື່ອງ Mi 5 ທີ່ເກີດລະເບີດນີ້, ເພາະກ່ອນໜ້ານີ້ກໍມີເຫດການແບບນີ້ເກີດຂຶ້ນກັບ Xiaomi Mi 4i ແລະສຸດທ້າຍທາງບໍລິສັດ Xiaomi ກໍໄດ້ສົ່ງເຄື່ອງໃໝ່ໃຊ້ແທນຜູ້ໃຊ້ຄົນນັ້ນໄປ. 

ເຖິງວ່າຕອນນີ້ຈະຍັງບໍ່ມີລາຍງານສາເຫດຂອງການລະເບີດ ແຕ່ຜູ້ໃຊ້ງານທຸກໆຄົນຄວນມີສະຕິລະວັງໂຕຢູ່ຕະຫຼອດ ເພາະເຫດການແບບນີ້ກໍມັກເກີດຂຶ້ນຢູ່ເລື້ອຍໆກັບຫຼາຍໆແບຣນເປັນຕົ້ນແມ່ນ Samsung (S3 ແລະ S4) ແລະ HTC

ສຳລັບວິທີປ້ອງກັນບໍ່ໃຫ້ໂທລະສັບລະເບີດນີ້ມີ 3 ວິທີຫຼັກໆຄື:

• ຫຼີກລຽງການສາກໂທລະສັບໃນພື້ນທີ່ທີ່ມີຄວາມຮ້ອນສູງ ເພາະຈະເຮັດໃຫ້ອຸນຫະພູມຂອງໂທລະສັບສູງຂຶ້ນ ຈົນເຮັດໃຫ້ມີໂອກາດລະເບີດສູງໄດ້. 

• ສາກໂທລະສັບໃນບໍລິເວນທີ່ບໍ່ມີຂອງແຫຼວຈຳພວກນ້ຳເປັນຕົ້ນ

• ໃຊ້ຫົວສາກທີ່ມີຄຸນະພາບ ແລະເປັນແບຣນທີ່ເຊື່ອຖືໄດ້ (ຂໍ້ນີ້ສຳຄັນທີ່ສຸດ)

ທີ່ມາ:gizmochina