spot_img
Homeຂ່າວທ້ອງຖິ່ນຝູງຕັກກະແຕນລະບາດໜັກຢູ່ຫົວພັນ ທຳລາຍຜົນຜະລິດເສຍຫາຍ 700 ກວ່າເຮັກຕາ!

ຝູງຕັກກະແຕນລະບາດໜັກຢູ່ຫົວພັນ ທຳລາຍຜົນຜະລິດເສຍຫາຍ 700 ກວ່າເຮັກຕາ!

Published on

ຫົວໜ້າຂະແໜງປູກຝັງ ພະແນກກະສິກຳ ແລະ ປ່າໄມ້ ແຂວງຫົວພັນ ໃຫ້ຮູ້ວ່າ: ນັບແຕ່ເດືອນເມສາ ຮອດປັດຈຸບັນ ໄດ້ມີສັດຕູພືດຕັກກະແຕນຝູ ລະບາດໜັກຢູ່ 6 ເມືອງຄື: ເມືອງຊຳເໜືອ, ວຽງໄຊ, ເມືອງແອດ, ຫົວເມືອງ, ເມືອງຊ່ອນ ແລະ ເມືອງຮ້ຽມ, ມີ 61 ບ້ານ ໄດ້ຮັບຜົນກະທົບໜັກຄື: ເນື້ອທີ່ປ່າໄມ້ປ່ອງ, ເນື້ອທີ່ເຂົ້າ-ໄຮ່ເຂົ້ານາ ແລະ ສາລີຂອງປະຊາຊົນ ເສຍຫາຍຫລາຍກວ່າ 700 ເຮັກຕາ, ໃນນີ້ໜັກກວ່າໝູ່ແມ່ນຢູ່ ເມືອງແອດ, ເມືອງຊ່ອນ ແລະ ເມືອງຊຳເໜືອ.

ໃນໄລຍະຜ່ານມາ ເຖິງວ່າ: ພະແນກກະສິກຳ ແລະ ປ່າໄມ້ແຂວງ ໄດ້ລົງສົມທົບກັບອຳນາດການປົກຄອງບ້ານ ສຸມສະກັດກັ້ນ ແລະ ຕ້ານການລະບາດຂອງຕັກກະແຕນດັ່ງກ່າວ ນັບແຕ່ກາງເດືອນເມສາເປັນຕົ້ນມາ ແຕ່ກໍສາມາດກຳຈັດໄດ້ ພຽງສ່ວນໃດໜຶ່ງເທົ່ານັ້ນ, ຊຶ່ງໃນນີ້ລັດຖະບານລາວ ໄດ້ສະໜອງງົບປະມານ 200 ກວ່າລ້ານກີບ ແລະ ທຶນສົມທົບຂອງ ອຳນາດການປົກຄອງແຂວງ 50 ລ້ານກວ່າກີບ ເພື່ອນຳໃຊ້ເຂົ້າໃນວຽກງານດັ່ງກ່າວ ພ້ອມນີ້ ສປ ຈີນ ກໍໄດ້ສະໜອງຢາ ແລະ ອຸປະກອນຕ່າງໆ ເປັນຈຳນວນຫລາຍ. ສ່ວນອົງການອາຫານໂລກ ກໍໄດ້ຊ່ວຍເປັນເງິນສົດຈຳນວນໜຶ່ງ.

ຫົວໜ້າຂະແໜງປູກຝັງ ໃຫ້ຮູ້ວ່າ: ການລະບາດຂອງຝູງຕັກກະແຕນ ຢູ່ແຂວງຫົວພັນ ໄດ້ເລີ່ມມາແຕ່ປີ 2014 ຢູ່ເຂດພູປອນ ລະຫວ່າງຊາຍແດນເມືອງຮ້ຽມ ແລະ ເມືອງຊ່ອນ ແຕ່ຍັງບໍ່ທັນຮ້າຍແຮງມາຮອດປີ 2015 ໄດ້ຄ່ອຍໆຂະຫຍາຍ ແລະ ລະບາດໜັກຢູ່ບາງຈຸດຂອງ 4 ເມືອງຄື: ເມືອງຮ້ຽມ, ເມືອງຊ່ອນ, ຫົວເມືອງ, ເມືອງຊຳເໜືອ ແລະ ເພີ່ມຂຶ້ນເລື່ອຍໆ, ຊຶ່ງມາຮອດປັດຈຸບັນ ໄດ້ຂະຫຍາຍອອກເປັນ 233 ຈຸດໃນ 6 ເມືອງ ຂອງແຂວງຫົວພັນ. ປັດຈຸບັນທາງອຳນາດການປົກຄອງແຂວງຫົວພັນ ແລະ ພາກສ່ວນຮັບຜິດຊອບຂັ້ນຕ່າງໆ ໄດ້ເປັນເຈົ້າການລົງຕິດຕາມ ແລະ ແນະນຳຢ່າງລະອຽດ ກ່ຽວກັບການສີດຢາປາບຕັກກະແຕນ ເພື່ອຮັບປະກັນຄວາມປອດໄພ, ແຕ່ຕົວຈິງການປະຕິບັດວຽກງານດັ່ງກ່າວ ຍັງພົບຄວາມຫຍຸ້ງຍາກຫລາຍຢ່າງ ເປັນຕົ້ນແມ່ນ ພູມສັນຖານຂອງແຂວງ ເປັນເຂດຫ້ວຍເລິກພູສູງ ມີບາງບ່ອນບໍ່ສາມາດເຂົ້າໄປເຖິງໄດ້, ດ້ານງົບປະມານ, ພາຫະນະຮັບໃຊ້, ອຸປະກອນບໍ່ພຽງພໍກັບຄວາມຕ້ອງການ. ດັ່ງນັ້ນ ຂະແໜງມະຫາພາກ ຕ້ອງຮີບຮ້ອນຊອກວິທີການຊ່ວຍເຫລືອ ປາບການລະບາດຂອງຝູງຕັກກະແຕນ ໃຫ້ມີຜົນ, ເພື່ອບໍ່ສົ່ງຜົນກະທົບໜັກ ຕໍ່ຜົນລະປູກຂອງປະຊາຊົນ ແລະ ແຜ່ລາມໄປສູ່ວົງກວ້າງ.

 

ແຫລ່ງຂ່າວ:

ລພນ

ຕິດຕາມເລື່ອງດີດີ ວິທະຍາສຶກສາ ກົດໄລຄ໌ເລີຍ!

ບົດຄວາມຫຼ້າສຸດ

ການຈັດການຂີ້ເຫຍື້ອທີ່ດີ ຄືຄວາມປອດໄພຕໍ່ສະພາບແວດລ້ອມ ແລະ ສັງຄົມ

ການຈັດການຂີ້ເຫຍື້ອ ຍັງເປັນສິ່ງທີ່ທ້າທ້າຍໃນແຕ່ລະຂົງເຂດ ຕັ້ງແຕ່ເຮືອນຊານ, ຫ້າງຮ້ານ, ບໍລິສັດ ຈົນໄປເຖິງບັນດາໂຮງງານຜະລິດຕ່າງໆ. ເນື່ອງຈາກເປັນໄປບໍ່ໄດ້ທີ່ຈະຫຼີກລ່ຽງບໍ່ໃຫ້ມີການສ້າງຂີ້ເຫຍື້ອເລີຍ. ເຊິ່ງບາງຄັ້ງຍັງພົບເຫັນການທຳລາຍ ແລະ ຈັດການຂີ້ເຫຍື້ອຢ່າງບໍ່ຖືກວິທີ ທີ່ສົ່ງຜົນເສຍຕໍ່ສິ່ງແວດລ້ອມ ແລະ ສ້າງຄວາມເປີເປື້ອນໃຫ້ສັງຄົມ ເຊັ່ນ:...

ຮູ້ຫຼືບໍ່? ທີ່ໄປທີ່ມາຂອງຊື່ພາຍຸແຕ່ລະລູກ ໃຜເປັນຄົນຕັ້ງ ແລະ ໃຜເປັນຄົນຄິດຊື່

ພາຍຸແຕ່ລະລູກ ໃຜເປັນຄົນຕັ້ງ ແລະ ໃຜເປັນຄົນຄິດຊື່ ມາຮູ້ຄຳຕອບມື້ນີ້ ພາຍຸວິພາ, ພາຍຸຄາຈິກິ ໄດ້ມາຈາກໃສ ໃນໄລຍະນີ້ເຫັນວ່າມີພາຍຸກໍ່ໂຕຂຶ້ນມາຕະຫຼອດ ແລະມີຫຼາຍຄົນອາດຈະສົງໃສວ່າ ໃນການຕັ້ງຊື່ພາຍຸແຕ່ລະລູກ ແມ່ນໃຜເປັນຄົນຕັ້ງ ແລະຄໍາຕອບກໍຄື ຊື່ຂອງພາຍຸແມ່ນໄດ້ຖືກຕັ້ງຂຶ້ນຈາກປະເທດຕ່າງໆໃນທົ່ວໂລກ. ສຳລັບພາຍຸທີ່ສາມາດຕັ້ງຊື່ໄດ້ນັ້ນ ຕ້ອງແມ່ນພາຍຸລະດັບໂຊນຮ້ອນຂຶ້ນໄປ...

ແຈ້ງເຕືອນພາຍຸລູກໃໝ່ ທີ່ອາດຈະສົ່ງຜົນກະທົບຕໍ່ປະເທດລາວ ໃນວັນທີ 30/08/2025 – 02/09/2025

ກຽມຮັບມືພາຍຸລູກໃໝ່ ຫວຽດນາມອອກແຈ້ງເຕືອນພາຍຸລູກໃໝ່ ອາດສົ່ງຜົນກະທົບຕໍ່ປະເທດລາວ, ປະເທດໄທ ແລະ ປະເທດຫວຽດນາມ ຫວຽດນາມອອກແຈ້ງເຕືອນພາຍຸລູກໃໝ່ ທີ່ຄາດວ່າຈະໃຊ້ຊື່ວ່າພາຍຸໜອງຟ້າ ຫຼື ຟ້າໃສ ທີ່ຕັ້ງຊື່ໂດຍປະເທດລາວ ຄາດອິດທິພົນຂອງພາຍຸລູກນີ້ຈະສົ່ງຜົນກະທົບຕໍ່ປະເທດລາວ, ປະເທດໄທ ແລະ ປະເທດຫວຽດນາມ...

ຜົນສໍາເລັດ ກອງປະຊຸມໃຫຍ່ ຜູ້ແທນສະມາຊິກພັກ ຄັ້ງທີ III ຂອງ ອົງຄະນະພັກ ກະຊວງເຕັກໂນໂລຊີ ແລະ ການສື່ສານ

ເອກະສັນຮັບເລືອກ ສະຫາຍ ປອ. ສັນຕິສຸກ ສິມມາລາວົງ ເປັນເລຂາຄະນະພັກ ກະຊວງເຕັກໂນໂລຊີ ແລະ ການສື່ສານ (ຊຸດໃໝ່) ກະຊວງເຕັກໂນໂລຊີ ແລະ ການສື່ສານລາຍງານຜົນ ກອງປະຊຸມໃຫຍ່ ຜູ້ແທນສະມາຊິກພັກ...