ຕາມການລາຍງານຂອງທ່ານ ໄມພຽງ ມາລາຈິດ ຫົວໜ້າຂະແໜງປູກຝັງພະແນກກະສິກຳ ແລະປ່າໄມ້ແຂວງຫົວພັນໃຫ້ຮູ້ວ່າ: ການລະບາດຂອງຕັກແຕນໄມ້ປ່ອງຢູ່ 6 ເມືອງຂອງແຂວງຫົວພັນຄື: ເມືອງຊຳເໜືອ, ວຽງໄຊ, ແອດ, ຫົວເມືອງ, ຊ່ອນ ແລະເມືອງຮ້ຽມ ລວມມີ 13 ກຸ່ມບ້ານ, 61 ບ້ານ, ລະບາດຂຶ້ນ 233 ຈຸດ ມີຜົນກະທົບຢ່າງຫຼວງຫຼາຍຕໍ່ເນື້ອທີ່ປ່າໄມ້ປ່ອງ, ເນື້ອທີ່ນາເຂົ້າ, ໄຮ່ເຂົ້າ ແລະໄຮ່ສາລີຂອງປະຊາຊົນເສຍຫາຍເຖິງ 776 ເຮັກຕາກວ່າ ໃນນີ້ ລະບາດໜັກ ກວ່າໝູ່ແມ່ນຢູ່ 3 ເມືອງຄື: ເມືອງແອດ, ຊ່ອນ ແລະ ເມືອງຊຳເໜືອ.
ຕໍ່ກັບສະພາບການດັ່ງກ່າວທາງພະ ແນກກະສິກຳ ແລະປ່າໄມ້ແຂວງຫົວພັນ ຈິ່ງໄດ້ແຕ່ງຕັ້ງຄະນະຮັບຜິດຊອບລົງສົມທົບກັບຫ້ອງການກະສິກຳ ແລະ ປ່າໄມ້ ແຕ່ລະເມືອງ, ອຳນາດການປົກຄອງບ້ານພ້ອມກັນສະກັດກັ້ນຕ້ານການລະບາດ ຂອງຕັກແຕນໄມ້ປ່ອງ ຊຶ່ງເລີ່ມແຕ່ກາງ ເດືອນເມສາເປັນຕົ້ນມາຮອດປະຈຸບັນ ສາມາດກຳຈັດໄດ້ຫຼາຍພໍສົມຄວນ ນອກ ຈາກນີ້ຫຼາຍພາກສ່ວນຍັງໄດ້ປະກອບ ສ່ວນທາງດ້ານວັດຖຸ, ອຸປະກອນ, ທຶນຈຳ ນວນຫຼວງຫຼາຍເຂົ້າຊ່ວຍໃນການສະກັດ ກັ້ນການລະບາດຂອງຕັກແຕນໄມ້ປ່ອງ ຊຶ່ງໃນນີ້ລັດຖະບານໄດ້ສະໜອງດ້ານງົບ ປະມານຈຳນວນ 200 ລ້ານກວ່າກີບ ເຂົ້າ ໃນ 6 ເມືອງທີ່ໄດ້ຮັບຜົນກະທົບ, ທາງອຳ ນາດການປົກຄອງແຂວງຫົວພັນ 50 ລ້ານກວ່າກີບເພື່ອນຳໃຊ້ເຂົ້າໃນການ ປາບ ແລະສະກັດກັ້ນການລະບາດຂອງຝູງຕັກແຕນໄມ້ປ່ອງທີ່ເກີດຂຶ້ນໃໝ່ຢູ່ 3 ເມືອງຄື: ເມືອງຊຳເໜືອ, ເມືອງແອດແລະເມືອງຫົວເມືອງ ພ້ອມນີ້ ສປ ຈີນ ກໍໄດ້ ສະໜອງຢາປາບຕັກແຕນ, ເຄື່ອງສີດຢາ, ເຄື່ອງນຸ່ງຫົ່ມໃນເວລາສີດຢາ, ອົງການ ອາຫານໂລກໄດ້ຊ່ວຍເປັນເງິນສົດຈຳ ນວນໜຶ່ງເພື່ອເຊົ່າລົດ.
ທ່ານກ່າວວ່າ: ຢູ່ແຂວງຫົວພັນໄດ້ ເລີມມີການລະບາດຂອງຝູງຕັກແຕນ ໄມ້ປ່ອງມາແຕ່ປີ 2014 ຢູ່ເຂດພູປອນລະຫວ່າງຊາຍແດນເມືອງຮ້ຽມ ແລະ ເມືອງຊ່ອນແຕ່ຍັງບໍ່ທັນຮ້າຍແຮງ, ຮອດ ປີ 2015 ໄດ້ຄ່ອຍໆຂະຫຍາຍ ແລະລະ ບາດໜັກຢູ່ບາງຈຸດຂອງ 4 ເມືອງຄື: ເມືອງຮ້ຽມ, ຊ່ອນ, ຫົວເມືອງ, ຊຳເໜືອ ຄ່ອຍໆເພີ່ມຂຶ້ນເປັນ 20 ກວ່າຈຸດ ແລະໄດ້ຂະຫຍາຍເປັນວົງກວ້າງອອກມາເປັນ 233 ຈຸດໃນ 6 ເມືອງຂອງແຂວງຫົວພັນ ໃນປີນີ້.
ເຖິງແມ່ນວ່າຈະໄດ້ຮັບຄວາມຮ່ວມ ໄມ້ຮ່ວມມືເປັນຢ່າງດີຈາກຫຼາຍພາກ ສ່ວນກໍຕາມ ແຕ່ການລົງປະຕິບັດຕົວຈິງ ເຫັນວ່າຍັງພົບຄວາມຫຍຸ້ງຍາກຫຼາຍ ຢ່າງເປັນຕົ້ນແມ່ນ: ພູມສັນຖານຂອງ ແຂວງເປັນເຂດຫ້ວຍເລິກພູສູງມີບາງ ບ່ອນບໍ່ສາມາດເຂົ້າໄປເຖິງໄດ້, ດ້ານງົບ ປະມານ, ພາຫະນະຮັບໃຊ້, ອຸປະກອນ ບໍ່ພຽງພໍກັບຄວາມຕ້ອງການ ແຕ່ເຖິງ ຢ່າງໃດກໍຕາມທາງພາກສ່ວນກ່ຽວຂ້ອງ ຈະໄດ້ສືບຕໍ່ນຳສະເໜີຂັ້ນເທິງໃນການອະນຸມັດດ້ານງົບປະມານໃນການສຳ ຫຼວດ, ຕິດຕາມການວາງໄຂ່ຂອງຝູງຕັກ ແຕນໄມ້ປ່ອງ ເພື່ອວາງແຜນກຳຈັດໃຫ້ສຳເລັດໃນເດືອນເມສາ 2017 ຊຶ່ງເປັນ ລະດູການຜະລິດໃໝ່ຂອງປະຊາຊົນ.
ທີ່ມາ: ເສດຖະກິດ-ສັງຄົມ