ຕະຫຼອດໄລຍະ 9 ເດືອນ ທີ່ແຂວງສະຫວັນນະເຂດ ໄດ້ຈັດຕັ້ງປະຕິບັດວຽກງານການຄ້າໄດ້ດີສົມຄວນ, ເຖິງແມ່ນວ່າສະພາບເສດ ຖະກິດໂລກ-ພາກພື້ນຈະມີການຜັນປ່ຽນ ຊຶ່ງໄດ້ສົ່ງຜົນໂດຍກົງຕໍ່ລວມຍອດການຄ້າລະຫວ່າງປະເທດ, ຂະນະທີການຜະລິດແຮ່ທາດຂອງແຂວງ ກໍມີທ່າອຽງຫຼຸດລົງ, ແຕ່ແຂວງກໍຍັງສາມາດຮັກສາຍອດມູນຄ່າການຄ້າໄດ້ທັງໝົດ 7 ພັນກວ່າຕື້ກີບ.
ທ່ານ ສີທົນ ນັນທະລາດ ຫົວໜ້າພະແນກການຄ້າ ແຂວງສະຫວັນນະເຂດ ໃຫ້ສຳພາດເມື່ອບໍ່ດົນ ມານີ້ວ່າ: ໃນໄລ ຍະ 9 ເດືອນຜ່ານມານີ້ ແຂວງໄດ້ເອົາ ໃຈໃສ່ຈັດຕັ້ງປະຕິບັດວຽກງານການຄ້າພາຍໃນ ແຂວງໄດ້ດີສົມຄວນ ແລະເຫັນ ວ່າມູນຄ່າການຄ້າລະຫວ່າງປະເທດທີ່ ປະຕິບັດໄດ້ມີທັງໝົດ 894,99 ລ້ານໂດລາ ຫຼື ປະມານ 7.159,95 ຕື້ກີບ ເພີ່ມຂຶ້ນ 0,08% ທຽບໃສ່ໄລຍະດຽວກັນ, ໄດ້ດຸນ ການຄ້າເທົ່າກັບ 104,74 ລ້ານໂດລາ, ໃນນີ້ ການສົ່ງອອກສິນຄ້າຂອງແຂວງມີ 499,86 ລ້ານໂດລາ ຫຼຸດລົງ 11,74%, ສິນຄ້າສົ່ງອອກຕົ້ນຕໍຂອງແຂວງແມ່ນ ສິນຄ້າປະເພດແຮ່ທາດມູນຄ່າ 289,7 ລ້ານໂດລາ ກວມ 57,9% ຫຼຸດລົງ 23,75%, ສ່ວນໄມ້ ແລະຜະລິດຕະພັນ ໄມ້ມີ 5,47 ລ້ານໂດລາ ຫຼຸດລົງ 51,14% ທຽບໃສ່ໄລຍະດຽວກັນ ແລະສິນຄ້າກະ ສິກຳມີ 13,27 ລ້ານກວ່າໂດລາຫຼຸດ ລົງ 20,54%, ຊຶ່ງໃນນັ້ນ ເດັ່ນກວ່າໝູ່ ແມ່ນເຂົ້າ 9.475 ໂຕນ, ຮອງມາແມ່ນ ມັນຕົ້ນ 6.095 ໂຕນ, ໝາກຂາມ 355 ໂຕນ ແລະຢາງພາລາ 120 ໂຕນ, ສ່ວນ ສິນຄ້າອຸດສາຫະກຳມີມູນຄ່າ 68,74 ລ້ານກວ່າໂດລາເພີ່ມຂຶ້ນ 13,86% ທຽບໃສ່ໄລຍະດຽວກັນ, ໃນນັ້ນ ມີນ້ຳຕານ, ກາກນ້ຳຕານ ແລະປຸ໋ຍເຄມີ, ຕະຫຼາດ ສິນຄ້າທີ່ແຂວງສົ່ງອອກໄປ ຫຼາຍກວ່າໝູ່ ແມ່ນປະເທດໄທ, ຫວຽດນາມ ແລະປະເທດຈີນ.
ຂະນະທີ່ການນຳເຂົ້າສິນຄ້າຂອງ ແຂວງມີມູນຄ່າ 395,12 ລ້ານໂດລາ ເພີ່ມຂຶ້ນ 16,53% ທຽບໃສ່ ໄລຍະດຽວ ກັນ, ໃນນັ້ນ ກຸ່ມນ້ຳມັນເຊື້ອໄຟ ແລະອາຍແກ໊ສ ມູນຄ່າ 81,9 ລ້ານໂດລາ ກວມ 20,75% ຂອງມູນຄ່ານຳເຂົ້າ ຫຼຸດລົງ 6,6%, ສິນຄ້ານຳເຂົ້າຮັບໃຊ້ ໂຄງການ ລວມມີ 117,01 ລ້ານໂດລາ ກວມ 29,61% ເພີ່ມຂຶ້ນ 13,86%, ສິນຄ້າຮັບໃຊ້ກະສິກຳມູນຄ່າ 795.244 ໂດລາ ຫຼຸດລົງ 11,07%, ນຳເຂົ້າຮັບ ໃຊ້ອຸດສາຫະກຳ ມູນຄ່າ 9 ລ້ານກວ່າ ໂດລາ ເພີ່ມຂຶ້ນ 52,13% ທຽບໃສ່ໄລ ຍະດຽວກັນ, ສິນຄ້ານຳເຂົ້າຮັບໃຊ້ພາຍ ໃນທັງໝົດ 16,43 ລ້ານໂດລາເພີ່ມຂຶ້ນ 11,47%, ສ່ວນສິນຄ້ານຳເຂົ້າຈຳ ໜ່າຍພາຍໃນສ່ວນຫຼາຍແມ່ນສິນຄ້າປະ ເພດເຄື່ອງອຸປະໂພກ-ບໍລິໂພກ ປະຈຳວັນ ແລະເຄື່ອງໃຊ້ໄຟຟ້າອື່ນໆ.
ພ້ອມດຽວກັນນັ້ນ ທົ່ວແຂວງມີຫົວ ໜ່ວຍທຳການຜະລິດອຸດສາຫະກຳປຸງ ແຕ່ງ ແລະຫັດຖະກຳ ຈຳນວນທັງໝົດ 2.044 ແຫ່ງ, ໃນນັ້ນ ໂຮງງານປຸງແຕ່ງ ໄມ້ 273 ແຫ່ງ ແລະທົ່ວໄປ 1.771 ແຫ່ງ, ຊຶ່ງໃນໄລຍະ 9 ເດືອນມານີ້ ແຂວງກໍສາ ມາດປະຕິບັດຕາມຄຳສັ່ງເລກທີ 15/ນຍ ວ່າດ້ວຍການເພີ່ມທະວີເຂັ້ມງວດໃນການ ຄຸ້ມຄອງ ແລະກວດກາການຂຸດຄົ້ນໄມ້, ການເຄື່ອນຍ້າຍໄມ້ ແລະທຸລະກິດໄມ້ ໄດ້ທັງໝົດ 90 ແຫ່ງ ແລະມີຍອດມູນຄ່າ ການຜະລິດພາຍໃນທົ່ວແຂວງບັນລຸໄດ້ 2.483,08 ຕື້ກີບ ປະຕິບັດໄດ້ 77,52%ແລະມູນຄ່າຈຳໜ່າຍພາຍໃນ 1.551,90 ຕື້ກີບ ເທົ່າກັບ 87,08% ທຽບໃສ່ແຜນ ການປີ, ສ່ວນມູນຄ່າການສົ່ງອອກຂອງ ຂົງເຂດອຸດສາຫະກຳ ແລະຫັດຖະກຳ ທົ່ວແຂວງມີ 71,43 ລ້ານໂດລາ, ນຳ ເຂົ້າ ວັດຖຸດິບເພື່ອມາຜະລິດ ມີ 23,9 ລ້ານໂດລາ.
ທ່ານ ສີທົນ ນັນທະລາດ ຍັງໃຫ້ຮູ້ອີກວ່າ: ເພື່ອສືບຕໍ່ຊຸກຍູ້ເຮັດໃຫ້ຫົວໜ່ວຍ ທຳການຜະລິດໃຫ້ສາມາດຜະລິດໄດ້ ບັນລຸ 745,01 ຕື້ກີບ, ມູນຄ່າການຈຳ ໜ່າຍພາຍໃນ 231,89 ຕື້ກີບ, ມູນຄ່າ ການສົ່ງອອກຕ່າງປະເທດ 40,51 ລ້ານ ໂດລາ, ການນຳເຂົ້າ 62,54 ລ້ານໂດ ລາ, ພ້ອມກັນນັ້ນ ຍັງເອົາໃຈໃສ່ແນະ ນຳຊ່ວຍເຫຼືອຜູ້ປະກອບການໃໝ່ ທີ່ມີຈຸດປະສົງປະກອບກິດຈະການໂຮງງານອຸດ ສາຫະກຳ ແລະຫັດຖະກຳປຸງແຕ່ງໃໝ່ ທາງດ້ານລະບຽບຫຼັກການ, ວິທີການ ເຮັດ ພ້ອມອຳນວຍຄວາມສະດວກທາງ ດ້ານເອກະສານ ແລະຄາດວ່າໃນອີກ 3 ເດືອນທ້າຍສົກປີ 2015-2016 ນີ້ ຈະສູ້ ຊົນອະນຸຍາດສ້າງຕັ້ງໂຮງງານໃໝ່ໃຫ້ ໄດ້ 3 ໂຮງງານ ແລະສູ້ຊົນໃຫ້ໄດ້ຕົວ ເລກມູນຄ່າການຄ້າສາກົນໃຫ້ບັນລຸ 1.318,82 ຕື້ໂດລາ, ໃນນັ້ນ ການສົ່ງ ອອກໃຫ້ໄດ້ 1.020,94 ຕື້ໂດລາ ແລະ ນຳເຂົ້າໃຫ້ໄດ້ 297,87 ລ້ານໂດລາອີກດ້ວຍ.
ທີ່ມາ: ເສດຖະກິດ-ສັງຄົມ