ທ້າຍອາທິດຜ່ານມາ ແຂວງຄຳມ່ວນ ໄດ້ຈັດພິທີປະກາດການຈັດຕັ້ງ ພ້ອມທັງຮັບຮອງເອົາໂຄງປະກອບ ແລະບຸກຄະລາກອນຂອງອົງການປົກຄອງແຂວງ ເຂົ້າຮ່ວມເປັນປະທານໃນພິທີມີ ທ່ານ ໂອໄດ ສຸດາພອນ ເຈົ້າແຂວງໆຄຳມ່ວນ, ມີບັນດາທ່ານໃນຄະນະປະຈຳພັກແຂວງ, ຄະນະຈັດຕັ້ງແຂວງ, ກວດກາພັກ-ລັດແຂວງ, ບັນດາຫົວ ໜ້າພະແນກການອ້ອມຂ້າງແຂວງຕະຫຼອດເຖິງການນຳຫລັກແຫລ່ງທີ່ກ່ຽວຂ້ອງເຂົ້າຮ່ວມ.
ທ່ານ ພົມມາ ພັນທະລັງສີ ຮອງເລຂາພັກແຂວງຫົວໜ້າຄະນະຈັດຕັ້ງແຂວງໄດ້ຂຶ້ນຜ່ານຂໍ້ຕົກລົງຂອງທ່ານນາ
ຍົກລັດຖະມົນຕີແຫ່ງ ສປປ ລາວ ແລະ ຂໍ້ຕົກລົງຂອງທ່ານເຈົ້າແຂວງໆຄຳມ່ວນ ວ່າດ້ວຍການແຕ່ງຕັ້ງ ແລະຮັບ ຮອງເອົາໂຄງປະກອບ ແລະບຸກຄະລາ ກອນອົງການປົກຄອງແຂວງ, ຍົກຍ້າຍພະນັກງານໄປປະຈຳການຢູ່ຂະແໜງ ການອື່ນເຊິ່ງປະກອບມີ: ຂໍ້ຕົກລົງແຕ່ງ ຕັ້ງເຈົ້າແຂວງໆຄຳມ່ວນໂດຍມີ ທ່ານໂອໄດ ສຸດາພອນ ເປັນເຈົ້າແຂວງໆຄຳ ມ່ວນ, ທ່ານ ບຸນມີ ພິມມະສອນ ຮອງເລຂາພັກແຂວງ ແລະທ່ານ ຄຳສີ ອຸດທິວົງ ຄະນະປະຈຳພັກແຂວງເປັນຮອງ ເຈົ້າແຂວງ.
ຂໍ້ຕົກລົງແຕ່ງຕັ້ງບັນດາພະແນກການ (ຜູ້ເກົ່າ) ແຕ່ງຕັ້ງໃໝ່ປະກອບມີ: ທ່ານ ບຸນຈັນ ໄຊປັນຍາ ເປັນຫົວໜ້າພະແນກກະສິກຳ ແລະປ່າໄມ້ແຂວງ, ທ່ານ ດາວໄຫລ ແກ້ວດວງດີ ເປັນຫົວໜ້າພະແນກແຜນການ ແລະການລົງທຶນ
ແຂວງ, ທ່ານ ຄຳສອນ ອ້ວນທະວີ ເປັນຫົວໜ້າຫ້ອງວ່າການປົກຄອງແຂວງ, ທ່ານ ໄທຍະພອນ ສິງທອງ ເປັນຫົວໜ້າພະແນກໄປສະນີໂທລະຄົມ ແລະການສື່ສານ, ທ່ານ ພິດສະໄໝ ກອງຊາເດດ ເປັນຫົວໜ້າພະແນກໂຍ
ທາທິການ ແລະຂົນສົ່ງແຂວງ, ທ່ານ ທອນລະຂັນ ໄຊປັນຍາ ເປັນຫົວໜ້າພະແນກສາທາລະນະສຸກແຂວງ, ທ່ານນາງ ໄພບູນ ໄຊຍະກຸມມານ ເປັນຫົວໜ້າພະແນກວິທະຍາສາດ ແລະເຕັກໂນໂລ ຊີແຂວງ, ທ່ານ ຈັນທາ ພົມມະສອນເປັນຫົວໜ້າພະແນກຍຸຕິທຳແຂວງ, ທ່ານ ນາງ ແສງມະນີ ອິນທະລັງສີ ເປັນຫົວໜ້າພະແນກພາຍໃນແຂວງ, ທ່ານ ບົວ ມິນ ຈ້ວງລາສີ ເປັນຫົວໜ້າພະແນກການຕ່າງປະເທດແຂວງ, ທ່ານ ບຸນທວາຍ ສິລິປັນຍາທອງ ເປັນຫົວໜ້າພະແນກແຮງງານ ແລະສະຫວັດດີການສັງຄົມແຂວງ, ທ່ານ ຂັນຕີ ໂພທິນ ເປັນຫົວໜ້າພະແນກຖະແຫຼງຂ່າວ ວັດທະນະທຳ ແລະທ່ອງທຽ່ວແຂວງ, ທ່ານ ສີໄຮ ແກ້ວໄກຖິ່ນ ເປັນຫົວໜ້າພະແນກສຶກສາທິການ ແລະກິລາແຂວງ, ທ່ານ ບຸນເລັ່ງ ກຸນອາວົງ ເປັນຫົວໜ້າພະແນກການເງິນແຂວງ.
ຂໍ້ຕົກລົງແຕ່ງຕັ້ງຫົວໜ້າພະແນກ ການແຕ່ງຕັ້ງໃໝ່ປະກອບມີຄື: ແຕ່ງຕັ້ງທ່ານ ບຸນມາ ສຸດສະດາວອນ ເປັນຫົວ ໜ້າອົງການໄອຍາການແຂວງ, ແຕ່ງຕັ້ງທ່ານ ຄຳຜົງ ວົງພະຈັນ ເປັນຫົວໜ້າພະແນກກວດກາລັດແຂວງ, ແຕ່ງຕັ້ງທ່ານ ຄຳຜຸຍ ທອນພັກດີ ຮອງເລຂາພັກເມືອງໆຫີນບູນຂຶ້ນເປັນເຈົ້າເມືອງໆຫີນບູນ, ແຕ່ງຕັ້ງທ່ານ ສີໄຄ ຄຳສະຫວັດ ຮອງຫົວໜ້າພະແນກຊັບພະຍາກອນທຳມະຊາດ ແລະສິ່ງແວດລ້ອມຂຶ້ນເປັນຫົວໜ້າພະແນກຊັບພະຍາກອນທຳມະຊາດ ແລະສີ່ງແວດລ້ອມແຂວງ, ແຕ່ງຕັ້ງທ່ານ ທອງໄຊ ມັງໝໍ່ເມກ ຮອງຫົວໜ້າພະແນກອຸດສາຫະກຳ ແລະການຄ້າຂຶ້ນເປັນຫົວໜ້າພະແນກອຸດສາຫະກຳ ແລະການຄ້າແຂວງ, ຍົກຍ້າຍ ທ່ານສິງ ເພັດ ແກ້ວໂສພາ ຫົວໜ້າພະແນກອຸດ ສາຫະກຳ ແລະການຄ້າໄປຮັບຜິດຊອບໜ້າທີ່ໃໝ່ເປັນຫົວໜ້າພະແນກພະລັງງານ ແລະບໍ່ແຮ່ແຂວງ, ຍົກຍ້າຍທ່ານ ບຸນໜາ ຫານສິງໄຊ ຫົວໜ້າພະແນກພະລັງງານ ແລະບໍ່ແຮ່ແຂວງໄປຮັບຜິດຊອບໜ້າທີ່ໃໝ່ຢູ່ຫ້ອງວ່າການປົກຄອງແຂວງ, ຍົກຍ້າຍທ່ານ ຄຳໄພ ເພັງແພງເມືອງ ຫົວໜ້າພະແນກຊັບພະຍາກອນທຳມະຊາດ ແລະສິ່ງແວດລ້ອມແຂວງໄປຮັບໜ້າທີ່ໃໝ່ຢູ່ຫ້ອງວ່າການປົກຄອງແຂວງ.
ຂໍ້ຕົກລົງຍົກຍ້າຍພະນັກງານໄປປະຈຳການຢູ່ສະພາປະຊາຊົນແຂວງ (ສພຂ) ປະກອບມີຄື: ຍົກຍ້າຍທ່ານ ສົມໃຈ ເພັດສີນວນ ຮອງເລຂາພັກແຂວງ, ຮອງເຈົ້າແຂວງໆຄຳມ່ວນໄປຮັບຜິດຊອບໜ້າທີ່ໃໝ່ເປັນປະທານ ສພຂ, ຍົກ
ຍ້າຍທ່ານ ອວນມາ ຂັນຕິຍະວົງ ເຈົ້າເມືອງໆຫີນບູນໄປຮັບໜ້າທີ່ໃໝ່ເປັນຮອງປະທານ ສພຂ, ຍົກຍ້າຍທ່ານນາງ ສາທິດ ຈັນສີ ຮອງປະທານກວດກາ ພັກແຂວງໄປຮັບຜິດຊອບໜ້າທີ່ໃໝ່ເປັນ ປະທານຄະນະກຳມະການເສດຖະກິດ-ການເງິນ, ສພຂ, ຍົກຍ້າຍ ທ່ານ ຄຳ ມະນີ ໜັ້ນຄຳສຸກ ປະທານສະຫະພັນກຳມະບານແຂວງໄປເປັນປະທານຄະນະ ກຳມະການວັດທະນະທຳ-ສັງຄົມ ແລະ ບັນດາເຜົ່າ ສພຂ, ຍົກຍ້າຍທ່ານ ຄຳສຸກ ວັນທະວົງສາ ຮອງຫົວໜ້າພະແນກຍຸຕິ ທຳແຂວງໄປເປັນປະທານຄະນະກຳມະ ການຍຸຕິທຳ ແລະປ້ອງກັນຊາດ-ປ້ອງກັນຄວາມສະຫງົບຂອງ ສພຂ, ຍົກຍ້າຍທ່ານນາງ ກ້ອນແກ້ວ ຫຼວງໄຊມຸງຄຸນ ຮອງຫົວໜ້າຫ້ອງວ່າການປົກຄອງແຂວງ ຫົວໜ້າຫ້ອງການຄວາມກ້າວໜ້າແມ່ຍິງແລະວຽກແມ່ ແລະເດັກແຂວງໄປເປັນຮອງປະທານຄະນະກຳມະການເສດຖະກິດແຜນການ-ການເງິນ ສພຂ, ຍົກຍ້າຍ ສະຫາຍ ພັທ ສຸກກະສັນ ພຸດທະວົງ ຮອງຫ້ອງການເມືອງກອງບັນຊາການທະຫານແຂວງມາເປັນຮອງປະທານຄະນະກຳມະການຍຸຕິທຳ ແລະປ້ອງກັນຊາດ-ປ້ອງກັນຄວາມສະຫງົບ ສພຂ.
ຂໍ້ຕົກລົງວ່າດ້ວຍການແຕ່ງຕັ້ງຮອງຫົວໜ້າພະແນກການຂອງແຂວງປະກອບມີ: ທ່ານ ພາກອນ ແກ້ວມະນີ ຮອງຫົວໜ້າຫ້ອງວ່າການສະພາແຫ່ງຊາດປະຈຳເຂດເລືອກຕັ້ງທີ 12 ເປັນຮອງຫົວໜ້າຫ້ອງວ່າການປົກຄອງແຂວງ, ທ່ານ ອຸ່ນຫລ້າ ຜາລີວົງ ຫົວໜ້າຫ້ອງການບໍລິຫານ-ການເງິນຂຶ້ນເປັນຮອງຫົວໜ້າຄະນະຈັດຕັ້ງແຂວງ, ທ່ານ ອຸດອນ ສຸດ ທິລາດ ເປັນຮອງຫົວໜ້າຄະນະໂຄສະນາອົບຮົມແຂວງ, ຍົກຍ້າຍທ່ານ ຄຳແດງ ສີບຸນເຮືອງ ຮອງຫົວໜ້າຄະນະຈັດຕັ້ງແຂວງໄປຮັບຜິດຊອບໜ້າທີ່ໃໝ່ ເປັນຮອງຫົວໜ້າພະແນກວິທະຍາສາດ ແລະເຕັກໂນໂລຊີແຂວງ.
ທີ່ມາ: ເສດຖະກິດ-ສັງຄົມ