ສຳນັກຂ່າວຕ່າງປະເທດ ລາຍງານໃນວັນທີ 22 ກໍລະກົດນີ້ວ່າ ທ່ານ ນາງ ມາເຣຍ ຊາຄາໂຣວາ ໂຄສົກກະ​ຊວງ​ການ​ຕ່າງ​ປະ​ເທດ​ຣັດເຊຍ ໄດ້ອອກມາຖະແຫລງ ໃນວັນທີ 21 ກໍລະກົດຜ່ານມານີ້ວ່າ ກະ​ຊວງ​ການ​ຕ່າງ​ປະ​ເທດ​ຣັດເຊຍ ໄດ້​ຮຽກ​ຕົວ​ອຸ​ປະ​ທູດ​​ຂອງ​ໄທ ​ປະ​ຈຳ​ຣັດ​ເຊຍ ເຂົ້າພົບ​ເພື່ອມອບໜັງສືຄັດຄ້ານຢ່າງເປັນທາງ​ການ ຊຶ່ງ​ຖະ​ແຫຼງວ່າ ຣັດເຊຍບໍ່​​ອາດ​ຮັບ​ຮູ້​​ເລື່ອງ​ພົນ​ລະ​ເມືອງ​ລັດ​ເຊ​ຍ ຖືກພາ​ຕົວ​ໄປ​ອາ​ເມ​ຣິກາ, ໂຄສົກກະຊວງການຕ່າງປະເທດຣັດເຊຍ ຍັງໄດ້ເນັ້​ນ​ໜັກ​ວ່າ, ​ຮອດເວລານີ້ ມົດ​ສະ​ກູຍັງ​ບໍ່​ທັນ​​​ໄດ້ຮັບ​ແຈ​້ງ​ການ​ໃດໆ​ຈາກ​ຝ່າຍ​ໄທ ຫຼື ອາ​ເມ​ຣິກາເທື່ອ ເພື່ອອະ​ທິ​ບາຍເຖິງ​ສາຍ​ເຫດ​ ຂອງການຈັບ​ຕົວ​ພົນ​ລະ​ເມືອງ​ຣັດເຊຍ ຢູ່ປະເທດໄທ, ແນວໃດກໍຕາມ ​ຕ​ຳ​ຫລວດ​ໄທ ໄດ້ລະບຸວ່າ ເປັນການປະ​ຕິ​ບັດ​ຕາມ​ຄຳ​ຮ​ຽກ​ຮ້ອງ​ຂອງ FBI ເພື່ອ​ພາ​ຕົວ​ໄ​ປຍັງ​ອາ​ເມ​ຣິກາ ດ້ວຍ​ຂໍ້​ກ່າວ​ຫາ​ວ່າ ມີ​ສ່ວນ​ກ່ຽວ​ຂ້ອງ​ເຖິງ​ການ​ເຄື່ອນ​ໄຫວຟອກ​ເງິນ​ ທີ່​ມີ​ຂອບ​ຂະ​ໜາດ​ໃຫຍ່.

​ທັງນີ້ ເຈົ້າໜ້າທີ່ຕຳ​ຫລວດ​ໄທ​ ໄດ້ຈັບກຸມ ທ້າວ ດິມິທຣີ ອູກຣາອິນສະກີ ຊຶ່ງເປັນພົນລະເມືອງຣັດເຊຍ ເມື່ອ​ວັນ​ທີ 15 ກໍລະກົດຜ່ານມາ ຢູ່​ນະ​​ຄອນພັດ​ທະຍາ ຕາມ​ຄຳ​ຮຽກ​ຮ້ອງ​ຂອງ​ ກົມ​ສືບ​ສວນ​ສອບ​ສວນ​ກາງ ແຫ່ງ ສະ​ຫະ​ລັດ​ອາ​ເມ​ຣິ​ກາ (FBI) ​ເພື່ອສົ່ງໄປດຳເນີນຄະດີ.

ຕິດຕາມເລື່ອງດີດີ ວິທະຍາສຶກສາ ກົດໄລຄ໌ເລີຍ!