spot_img
Homeຂ່າວເຫດການນາຍົກແນະນຳຂະແໜງວັດທະນະທຳ ມີມາດຕະການ ຕ້ານການຟູມເຟືອຍ ໃນພິທີກຳຕ່າງໆ!

ນາຍົກແນະນຳຂະແໜງວັດທະນະທຳ ມີມາດຕະການ ຕ້ານການຟູມເຟືອຍ ໃນພິທີກຳຕ່າງໆ!

Published on

ໃນໂອກາດໃຫ້ກຽດໂອ້ລົມຕໍ່ຄະນະພັກ, ຄະນະນຳ ແລະ ພະນັກງານຫລັກແຫລ່ງ ກະຊວງຖະແຫລງຂ່າວ, ວັດທະນະທຳ ແລະ ທ່ອງທ່ຽວ ເມື່ອບໍ່ດົນມານີ້, ທ່ານນາຍົກລັດຖະມົນຕີ ທອງລຸນ ສີສຸລິດ ໄດ້ແນະນຳໃຫ້ຂະແໜງການດັ່ງກ່າວ ຮີບຮ້ອນຄົ້ນຄວ້າປັບປຸງບັນດານິຕິກຳ ຄຸ້ມຄອງທາງດ້ານວັດທະນະທຳ ໃຫ້ສອດຄ່ອງກັບ ສະພາບເງື່ອນໄຂຕົວຈິງ ດ້ານເສດຖະກິດ, ວັດທະນະທຳ-ສັງຄົມ ດີຂຶ້ນກວ່າເກົ່າ ພາຍຫລັງເຫັນວ່າ ໃນປັດຈຸບັນຫລາຍກິດຈະກຳ ແລະ ພິທີກຳຢູ່ສັງຄົມລາວເຮົາ ແມ່ນໜັກໄປດ້ານຟຸມເຟືອຍວັດຖຸ, ເງິນຄຳຫລາຍ.

ທ່ານນາຍົກລັດຖະມົນຕີ ກ່າວວ່າ: ໃນໄລຍະຜ່ານມາ, ເຖິງວ່າວຽກງານວັດທະນະທຳ ໄດ້ຮັບການສືບທອດ ແລະ ປົກປັກຮັກສາເອກະລັກ ທັງເສີມຂະຫຍາຍໃຫ້ມີຄວາມອຸດົມສົມບູນ ແລະ ຫລາກຫລາຍສີສັນກໍຕາມ, ແຕ່ໃນຕົວຈິງແລ້ວເຫັນວ່າ ການຈັດກິດຈະກຳ ແລະ ພິທີກຳຕ່າງໆໃນສັງຄົມເຮົາ ແມ່ນຍັງໜັກໄປແບບ ຄວາມຟຸມເຟືອຍວັດຖຸ, ຊັບສິນເງິນຄຳຕ່າງໆ ແລະ ບາງອັນກໍມີລັກສະນະໂລດໂພນ ບໍ່ຢາກເໝາະສົມປານໃດເຊັ່ນ: ງານວັນເກີດ, ງັນກຳ, ງານດອງ ແລະ ອື່ນໆ ແມ່ນມີລັກສະນະຈັດແບບ ໃຫຍ່ໂຕເກີນຂອບເຂດ ລວມທັງພິທີຊາປະນາກິດສົບ ກໍເຊັ່ນດຽວກັນ ເຫັນວ່າມີລັກສະນະຫລາຍຂັ້ນຕອນ ແກ່ຍາວເວລາ. ນອກຈາກນີ້ ການເປີດສຽງເພງ, ເສບດົນຕີຕາມຮ້ານອາຫານ, ສະຖານບັນເທີງ ແລະ ງານຕ່າງໆ ກໍຍັງໜັກໄປແຕ່ເພງຕ່າງປະເທດ ຫລາຍກວ່າເພງລາວເຮົາ ເຊິ່ງບັນຫານີ້ ຂະແໜງການກ່ຽວຂ້ອງ ຕ້ອງໄດ້ມີການຄົ້ນຄວ້າບັນດານິຕິກຳ ເພື່ອເປັນບ່ອນອີງໃນການກຳນົດ, ປັບປຸງການຈັດງານ ຫລື ພິທີກຳຕ່າງໆ ໃຫ້ເຂົ້າກັບສະພາບ ເງື່ອນໄຂເສດຖະກິດ, ວັດທະນະທຳ-ສັງຄົມ ບົນພື້ນຖານຖືກຕ້ອງ ຕາມຮີດຄອງປະເພນີອັນດີງາມ, ປະຢັດທັງວັດຖຸ ແລະ ເວລານຳດ້ວຍ.

 

ແຫລ່ງຂ່າວ:

ລພນ

ຕິດຕາມເລື່ອງດີດີເພຈທ່ຽວເມືອງລາວ Laotrips ກົດໄລຄ໌ເລີຍ!

ບົດຄວາມຫຼ້າສຸດ

ເຈົ້າໜ້າທີ່ຈັບກຸມ ຄົນໄທ 4 ແລະ ຄົນລາວ 1 ທີ່ລັກລອບຂົນເຮໂລອິນເກືອບ 22 ກິໂລກຣາມ ໄດ້ຄາດ່ານໜອງຄາຍ

ເຈົ້າໜ້າທີ່ຈັບກຸມ ຄົນໄທ 4 ແລະ ຄົນລາວ 1 ທີ່ລັກລອບຂົນເຮໂລອິນເກືອບ 22 ກິໂລກຣາມ ຄາດ່ານໜອງຄາຍ (ດ່ານຂົວມິດຕະພາບແຫ່ງທີ 1) ໃນວັນທີ 3 ພະຈິກ...

ຂໍສະແດງຄວາມຍິນດີນຳ ນາຍົກເນເທີແລນຄົນໃໝ່ ແລະ ເປັນນາຍົກທີ່ເປັນ LGBTQ+ ຄົນທຳອິດ

ວັນທີ 03/11/2025, ຂໍສະແດງຄວາມຍິນດີນຳ ຣອບ ເຈດເທນ (Rob Jetten) ນາຍົກລັດຖະມົນຕີຄົນໃໝ່ຂອງປະເທດເນເທີແລນ ດ້ວຍອາຍຸ 38 ປີ, ແລະ ຍັງເປັນຄັ້ງປະຫວັດສາດຂອງເນເທີແລນ ທີ່ມີນາຍົກລັດຖະມົນຕີອາຍຸນ້ອຍທີ່ສຸດ...

ຫຸ່ນຍົນທຳລາຍເຊື້ອມະເຮັງ ຄວາມຫວັງໃໝ່ຂອງວົງການແພດ ຄາດວ່າຈະໄດ້ນໍາໃຊ້ໃນປີ 2030

ເມື່ອບໍ່ດົນມານີ້, ຜູ້ຊ່ຽວຊານຈາກ Karolinska Institutet ປະເທດສະວີເດັນ, ໄດ້ພັດທະນາຮຸ່ນຍົນທີ່ມີຊື່ວ່າ ນາໂນບອດທີ່ສ້າງຂຶ້ນຈາກດີເອັນເອ ສາມາດເຄື່ອນທີ່ເຂົ້າຜ່ານກະແສເລືອດ ແລະ ປ່ອຍຢາ ເພື່ອກຳຈັດເຊື້ອມະເຮັງທີ່ຢູ່ໃນຮ່າງກາຍ ເຊັ່ນ: ມະເຮັງເຕົ້ານົມ ແລະ...

ຝູງລີງຕິດເຊື້ອຫຼຸດ! ລົດບັນທຸກຝູງລີງທົດລອງຕິດເຊື້ອໄວຣັສ ປະສົບອຸບັດຕິເຫດ ເຮັດໃຫ້ລີງຈຳນວນໜຶ່ງຫຼຸດອອກ ຢູ່ລັດມິສຊິສຊິບປີ ສະຫະລັດອາເມລິກາ

ລັດມິສຊິສຊິບປີ ລະທຶກ! ລົດບັນທຸກຝູງລີງທົດລອງຕິດເຊື້ອໄວຣັສ ປະສົບອຸບັດຕິເຫດ ເຮັດໃຫ້ລິງຈຳນວນໜຶ່ງຫຼຸດອອກໄປໄດ້. ສຳນັກຂ່າວຕ່າງປະເທດລາຍງານໃນວັນທີ 28 ຕຸລາ 2025, ລົດບັນທຸກຂົນຝູງລີງທົດລອງທີ່ອາດຕິດເຊື້ອໄວຣັສ ໄດ້ເກີດອຸບັດຕິເຫດປິ້ນລົງຂ້າງທາງ ຢູ່ເສັ້ນທາງຫຼວງລະຫວ່າງລັດໝາຍເລກ 59 ໃນເຂດແຈສເປີ ລັດມິສຊິສຊິບປີ...