ຈາກຂ່າວກ່ອນໜ້ານີ້ ທີ່ເຮົາໄດ້ລາຍງານກ່ຽວກັບ ສະເປັກໂທລະສັບລຸ້ນໜຶ່ງທີ່ໄດ້ຮັບການຢືນຢັນຜ່ານ TENAA ທີ່ຄາດວ່າຈະເປັນຊີຣີດຽວກັບ Honor 8 ແລະທາງເວັບໄຊຕ່າງປະເທດກໍຄາດກັນວ່າຈະເປັນຊີຣີ V8. ຫຼ້າສຸດນີ້ເອງບັນຊີຢ່າງເປັນທາງການຂອງບໍລິສັດກໍອອກມາປ່ອຍພາບກ່ຽວກັບລຸ້ນດັ່ງກ່າວແລ້ວ ເຊິ່ງຈະເປັນໄຟລ໌ GIF ຫຼືພາບເຄື່ອນໄຫວ ໂດຍຊື່ລຸ້ນທີ່ເດົາກັນໄປກ່ອນໜ້ານີ້ແມ່ນຜິດທັງໝົດ ເພາະມັນຈະໃຊ້ຊື່ວ່າ Honor Note 8.
ໂດຍໃນພາບເຄື່ອນໄຫວນີ້ຍັງຢືນຢັນໄດ້ອີກວ່າ Note 8 ຈະໃຊ້ໜ້າຈໍຄວາມລະອຽດ 2K ຕາມຂ່າວທີ່ລາຍງານໄປກ່ອນໜ້ານີ້ ດ້ວຍຂະໜາດຈໍ 6.6 ນິ້ວ. ທາງດ້ານສະເປັກແບບຫຍໍ້ໆແມ່ນໃຊ້ງານຊິບເຊັດ Kirin 950, Ram 3GB ແລະ ROM 32GB. ນອກນີ້ກໍຍັງມີຂໍ້ມູນໃໝ່ກ່ຽວກັບຊີຣີນີ້ວ່າຈະມີອີກລຸ້ນທີ່ສະເປັກສູງກວ່າຄື ໃຊ້ຊິບເຊັດ Kirin 955, Ram 4GB ແລະ ROM 64GB.
ໃນສ່ວນອື່ນໆກໍມີພອຣ໌ດ USB Type-C, ແບັດເຕີຣີ 4,400mAh ທີ່ຮອງຮັບລະບົບສາກໄວ, ກ້ອງຫຼັງ 13 ລ້ານພິກເຊວ ໃຊ້ເຊັນເຊີ້ Sony IMX278 ແລະກ້ອງໜ້າ 8 ລ້ານພິກເຊວ. ທາງດ້ານໂຕເຄື່ອງຈະມີໃຫ້ເລືອກຢູ່ຫຼາຍສີ ແຕ່ສີທີ່ແນ່ນອນໃນຕອນນີ້ກໍຄົງເປັນ ສີທອງ ແລະສີເງິນ. ສ່ວນມື້ເປີດໂຕຢ່າງເປັນທາງການຈະແມ່ນຊ່ວງເດືອນສິງຫານີ້
ທີ່ມາ:gizmochina