ສຳນັກຂ່າວຕ່າງປະເທດ ລາຍງານໃນວັນທີ 19 ກໍລະກົດນີ້ວ່າ ຕະຫລາດຫລັກຊັບຕວກກີ ໄດ້ຮັບຜົນກະທົບຢ່າງຮຸນແຮງ ໃນມື້ວານນີ້ (18 ກໍລະກົດ) ຊຶ່ງເປັນມື້ທຳອິດ ທີ່ຕະຫລາດຫລັກຊັບເປີດການຊື້-ຂາຍ ຫລັງຈາກທີ່ກອງທັບຕວກກີ ເຮັດລັດຖະປະຫານແຕ່ບໍ່ສຳເລັດ ໃນມື້ວັນສຸກທີ 15 ກໍລະກົດ 2016 ຜ່ານມາ ໂດຍພາຍໃນມື້ດຽວ ໄດ້ເຮັດໃຫ້ດັດຊະນີຮຸ້ນຕົກລົງຫລາຍທີ່ສຸດໃນຮອບ 3 ປີ ຊຶ່ງເປັນຜົນມາຈາກ ຄວາມບໍ່ມີສະຖຽນລະພາບທາງດ້ານການເມືອງ.

ຢ່າງໃດກໍຕາມ ລັດຖະບານຕວກກີປະກາດວ່າ ສາມາດຄວບຄຸມສະຖານະການໄດ້ແລ້ວ ແລະ ມີການຄວບຄຸມຕົວ ຜູ້ສົມຮູ້ຮ່ວມຄິດກັບທະຫານ ໄດ້ເຖິງ 6 ພັນຄົນ ພ້ອມທັງໄດ້ມີການໄລ່ລັດຖະກອນ ສັງກັດກະຊວງພາຍໃນອອກອີກ ເກືອບ 9 ພັນຄົນ ເນື່ອງຈາກເຫດການດັ່ງກ່າວນີ້ອີກດ້ວຍ.

ຕິດຕາມເລື່ອງດີດີ ວິທະຍາສຶກສາ ກົດໄລຄ໌ເລີຍ!