ຂປລ. ກອງບັນຊາການ ປກສ ແຂວງບໍ່ແກ້ວ ເປີດຮັບກໍາລັງທົດແທນຊຸດໃໝ່ ປະຈໍາປີ 2016 ໃນວັນທີ 11 ກໍລະກົດ 2016 ໂດຍມີ ທ່ານ ສຸກສະຫວັນ ສີອໍາຄາ ຫົວໜ້າພະແນກບໍລິຫານສັງລວມ ກົມຈັດຕັ້ງພະນັກງານ ປກສ ພ້ອມດ້ວຍຄະນະອະນຸກຳມະການ ເຊິ່ງມີຜູ້ເຂົ້າຮ່ວມຄັດເລືອກທັງໝົດ 35 ສະ ຫາຍ, ຍິງ 9 ສະຫາຍ, ເຊິ່ງຈະໄດ້ຄັດເລືອກເອົາ 19 ສະຫາຍ.
ສຳລັບຂັ້ນຕອນໃນການຄັດເລືອກ ແມ່ນໄດ້ຊັ່ງນ້ຳໜັກ, ວັດແທກລວງສູງ ແລະ ວັດແທກສາຍຕາ ຊັ່ງນໍ້າໜັກມາດຖານ ເພດຊາຍແມ່ນ 55 ກິໂລຂຶ້ນໄປ, ລວງສູງ 160 ຊັງຕີແມັດຂຶ້ນໄປ; ກວດກາສຸຂະພາບຫູ, ຕາ, ດັງ, ຄໍ ແລະ ຜີວໜັງ, ກວດປັດສະວະ ແລະ ສານເສບຕິດ, ກວດກາເອກະສານ, ຊີວະປະຫວັດ ແລະ ສໍາພາດປາກເປົ່າ ຕາມຂັ້ນຕອນ. ເພື່ອໃຫ້ໄດ້ທາງດ້ານປະລິມານ ແລະ ຄຸນນະພາບ ຖືກຕ້ອງຕາມຂໍ້ກໍານົດ ມາດຖານເງື່ອນໄຂ ໃຫ້ໄດ້ກໍາລັງທີດີບໍ່ເສບສານເສບຕິດ, ບໍ່ມີຄະດີຕິດຕົວ ແລະ ຕ້ອງເປັນຜູ້ທີ່ມີຄວາມຮູ້ທາງດ້ານ ວິຊາສະເພາະທີ່ແນ່ນອນ, ມີຄຸນທາດທາງດ້ານການເມືອງ-ແນວຄິດໜັກແໜ້ນ, ຊື່ສັດບໍລິສຸດ ຢຶດໝັ້ນຕໍ່ແນວທາງ ການຊີ້ນໍາ-ນໍາພາຂອງພັກ-ລັດ ແລະ ສິ່ງສໍາຄັນທີ່ສຸດຕ້ອງ ແມ່ນຜູ້ທີ່ມີຈິດໃຈຮັກ ໃນອາຊີບຕໍາຫລວດຢ່າງແທ້ຈິງ.
ແຫລ່ງຂ່າວ:
ຕິດຕາມເລື່ອງດີດີເພຈທ່ຽວເມືອງລາວ Laotrips ກົດໄລຄ໌ເລີຍ!