spot_img
Homeຂ່າວພາຍ​ໃນຫົວພັນ ຖິ່ນກຳເນີດປະຕິວັດກັບວຽກງານການຄ້າໃນເຄິ່ງສົກນີ້

ຫົວພັນ ຖິ່ນກຳເນີດປະຕິວັດກັບວຽກງານການຄ້າໃນເຄິ່ງສົກນີ້

Published on

ຫົວ­ພັນ​ແມ່ນ​ແຂວງ​ໜຶ່ງ​ທີ່​ນອນ​ຢູ່​ໃນ​ບັນ­ດາ​ແຂວງ​ພາກ​ເໜືອ​ຂອງ​ລາວເປັນ​ເມືອງ­ເກົ່າ​ແກ່​ຂອງ​ອາ­ນາ­ຈັກ​ລ້ານ​ຊ້າງ​ມາ​ແຕ່​ບູ­ຮານ​ນະ​ການ ຈຶ່ງ​ຂະ­ໜານ ນາມ​ວ່າ​ເປັນ​ເມືອງ​ເໜືອ ແລະ​ເຄີຍ​ເປັນ​ພາກ­ສ່ວນ​ໜຶ່ງ​ຂອງ​ເມືອງ​ຊວາ (ຫຼວງ​ພະ​ບາງ) ໃນ​ສະ­ໄໝ​ກ່ອນ ແລະ​ເປັນ​ເຂດ​ທີ່​ໝັ້ນ​ຂອງ​ການ​ປະ­ຕິ­ວັດ, ເປັນ​ຖິ່ນ​ກຳ­ເນີດ​ຂອງ​ພັກ​ປະ­ຊາ­ຊົນ​ປະ­ຕິ­ວັດ​ລາວ, ແຂວງ​ຫົວ­ພັນ ຕັ້ງ​ຢູ່​ທິດ­ຕາ­ເວັນ­ອອກ​ສຽງ​ເໜືອ​ຂອງ​ປະ­ເທດ​ລາວ​ມີ​ເນື້ອ­ທີ່​ທັງ​ໝົດ: 17,5 ພັນ­ຕາ​ລາງ​ກິ­ໂລ­ແມັດ ຫ່າງ​ຈາກ​ນະ­ຄອນ­ຫຼວງ​ວຽງ​ຈັນ 650 ກິ­ໂລ­ແມັດ ປະ­ກອບ​ມີ 10 ເມືອງ, 715 ບ້ານ,  ມີ 90 ກຸ່ມ​ບ້ານ ແລະ​ມີ​ພົນ­ລະ­ເມືອງ ທັງ​ໝົດ 2,90 ແສນ​ຄົນ, ມີ 9 ເຜົ່າ  ຊົນ​ດຳ­ລົງ​ຊີ­ວິດ​ຢູ່​ຮ່ວມ​ກັນ.

ດ້ານ​ທິດ­ຕາ­ເວັນ­ອອກ​ຂອງ ແຂວງ​ມີ​ຊາຍ​ແດນ​ຕິດ​ກັບ 3 ແຂວງ​ຂອງ​ປະ­ເທດ ສສ ຫວຽດ­ນາມ​ຄື: ແຂວງ​ເຊີນ​ລາ, ແທັງ​ຮວ່າ ແລະ​ແຂວງ​ເງ້​ອານ. ທິດ­ເໜືອ ຕິດ​ກັບ​ແຂວງ​ຫຼວງ​ພະ​ບາງ ທິດ­ຕາ­ເວັນ­ຕົກ​ຕິດ​ກັບ​ແຂວງ​ຊຽງ​ຂວາງ​ຈາກ​ເງື່ອນ­ໄຂ​ດັ່ງ­ກ່າວ​ໄດ້​ກາຍ­ເປັນ​ທ່າ­ແຮງ​ອັນ​ດີ​ເຮັດ​ໃຫ້​ສະ­ພາບ​ເສດ­ຖະ­ກິດ-ສັງ ຄົມ ຂອງ​ແຂວງ​ໃນ​ຜ່ານ​ມາ​ສືບ­ຕໍ່​ຂະ­ຫຍາຍ­ຕົວ​ໄວ ຢ່າງ​ຕໍ່​ເນື່ອງ​ໂດຍ​ໃນ​ເຄິ່ງສົກ​ປີ​ມາ​ນີ້​ເຫັນ​ໄດ້​ວ່າ​ສະ­ເພາະ​ວຽກ​ງານ​ການ​ຄ້າ​ແຂວງ ດັ່ງ­ກ່າວ​ໄດ້​ຖືກ​ຈັດ​ຕັ້ງ ປະ­ຕິ­ບັດ​ເປັນ​ໄປ​ຕາມ​ແຜນ­ການ​ທີ່​ວາງ​ໄວ້​ນັ້ນ​ການ​ນຳ​ເຂົ້າ ແລະ​ສົ່ງ​ອອກ​ສິນ­ຄ້າ ຂອງ​ແຂວງ​ສາ­ມາດ​ບັນ­ລຸ​ມູນ​ຄ່າ​ແລ້ວ 111,2 ຕື້​ກີບ.

ຕາມ​ຂໍ້​ມູນ​ຈາກ​ພະ​ແນກ​ອຸດ­ສາ­ຫະ­ກຳ ແລະ​ການ​ຄ້າ ແຂວງ​ຫົວ­ພັນ ໃຫ້​ຮູ້­ເມື່ອ​ທ້າຍ​ອາ­ທິດ​ຜ່ານ​ມາ​ວ່າ: ໃນ 6 ເດືອນ​ຕົ້ນ​ປີ​ທີ່​ຜ່ານ​ມາ​ສະ­ພາບ​ເສດ­ຖະ­ກິດ​ຂອງ ໂລກ​ພາກ​ພື້ນ​ໄດ້​ຜັນ​ແປ​ຢ່າງ​ສັບ­ສົນ ໂດຍ​ສະ­ເພາະ​ແມ່ນ​ວິ​ກິດ​ການ​ທາງ​ດ້ານ ການ​ເງິນ​ໄດ້​ສົ່ງ​ຜົນ​ຕໍ່​ເສດ­ຖະ­ກິດ​ຂອງ​ບັນ­ດາ​ປະ­ເທດ​ໃກ້​ຄຽງ​ຂອງ​ລາວ​ເປັນ­ຕົ້ນ ແມ່ນ​ຫວຽດ­ນາມ​ບັນ­ຫາ​ດັ່ງ­ກ່າວ​ໄດ້​ສົ່ງ​ຜົນ​ກະ­ທົບ​ເຖິງ​ລະ­ບົບ​ການ​ຄ້າ, ການ​ລົງ­ທຶນ, ການ​ຜະ­ລິດ​ເປັນ​ສິນ­ຄ້າ ແລະ​ການ​ສົ່ງ​ອອກ​ສິນ­ຄ້າ​ຂອງ​ແຂວງ​ຫົວ­ພັນ ຢ່າງ​ຫຼີກ​ລຽງ​ບໍ່​ໄດ້ ໂດຍ​ສະ­ເພາະ​ແມ່ນ​ການ​ຄ້າ​ຊາຍ​ແດນ​ເຮັດ​ໃຫ້­ການ​ແລກ ປ່ຽນ​ຊື້​ຂາຍ​ພົບ​ຄວາມ​ຫຍຸ້ງ­ຍາກ.

ເຖິງ​ແນວ­ໃດ​ກໍ​ຕາມ​ຂະ­ແໜງ​ອຸດ­ສາ­ຫະ­ກຳ ແລະ​ການ​ຄ້າ ກໍ​ໄດ້​ເອົາ­ໃຈ­ໃສ່​ຊີ້ ນຳ​ການ­ຈັດ­ຕັ້ງ​ປະ­ຕິ­ບັດ ແລະ​ຜັນ​ຂະ­ຫຍາຍ​ແຜນ​ພັດ­ທະ­ນາ​ອຸດ­ສາ­ຫະ­ກຳ ແລະ​ການ​ຄ້າ​ເຮັດ​ໃຫ້​ວຽກ​ງານ​ການ​ຄ້າ, ການ​ບໍ­ລິ­ການ ແລະ​ວຽກ​ງານ​ອຸດ­ສາ­ຫະ­ກຳປຸງ​ແຕ່ງ​ພາຍ​ໃນ​ຂະ­ຫຍາຍ­ຕົວ​ຢ່າງ​ຕໍ່​ເນື່ອງ, ລະ­ບົບ​ການ​ຈໍ​ລະ​ຈອນ​ແຈກ​ຍາຍ ສິນ­ຄ້າ​ນັບ​ແຕ່​ຕົວ​ເມືອງ​ຮອດ​ຊົນ­ນະ­ບົດ​ໄດ້​ຮັບ​ການ​ຍົກ​ລະ­ດັບ​ສາ­ມາດ​ຕອບ​ສະ ໜອງ​ຄວາມ​ຮຽກ­ຮ້ອງ​ຕ້ອງ­ການ​ຂອງ​ສັງ­ຄົມ​ໄດ້​ເປັນ​ຢ່າງ​ດີ ແລະ​ສິນ­ຄ້າ​ຍຸດ ທະ​ສາດ​ໄດ້​ຮັບ​ການ​ຄຸ້ມ​ຄອງ​ດັດ­ສົມ​ບໍ່​ມີ​ການ​ເໜັງ​ຕິງ​ຢ່າງ​ຮ້າຍ​ແຮງ.

ວຽກ​ງານ​ອຸດ­ສາ­ຫະ­ກຳ​ປຸງ​ແຕ່ງ ແລະ​ຫັດ­ຖະ­ກຳ ຄາດ​ວ່າ​ຈະ​ບັນ­ລຸ​ມູນ​ຄ່າ ການ​ຜະ­ລິດ​ທັງ​ໝົດ 101,7 ຕື້​ກີບ ທຽບ­ໃສ່​ແຜນ­ການ​ປີ ປະ­ຕິ­ບັດ​ໄດ້ 53% ໃນ​ນັ້ນ​ອຸດ­ສາ­ຫະ­ກຳ​ປຸງ​ແຕ່ງ ກວມ​ເອົາ 25% ຫຼື ເທົ່າ​ກັບ 25,5 ຕື້​ກີບ ແລະ​ຫັດ­ຖະ­ກຳ 75% ຫຼື ເທົ່າ​ກັບ 76,2 ຕື້​ກີບ ປະ­ຈຸ​ບັນ​ທົ່ວ​ແຂວງ​ຫົວ­ພັນ ມີ​ໂຮງ­ງານ ລວມ​ທັງ​ໝົດ 135 ແຫ່ງ ໃນ​ນັ້ນ​ໂຮງ­ງານ​ຂັ້ນ 1 ມີ 2 ແຫ່ງ, ຂັ້ນ2 ມີ 21 ແຫ່ງ, ໂຮງ­ງານ​ຂັ້ນ III ມີ 111 ແຫ່ງ ສາ­ມາດ​ສ້າງ​ວຽກ​ເຮັດ​ງານ​ທຳ​ໃຫ້​ແກ່​ປະ­ຊາ­ຊົນ​ໄດ້ 2,190 ຄົນ ໃນ​ງວດ I ສົກ​ປີ 2015-2016 ມີ​ໂຮງ­ງານ​ຂັ້ນ III ເພີ່ມ​ຂຶ້ນ 2 ແຫ່ງ.

ວຽກ​ງານ​ການ​ນຳ​ເຂົ້າ ແລະ​ສົ່ງ​ອອກ​ທາງ​ແຂວງ​ຈັດ​ຕັ້ງ​ປະ­ຕິ­ບັດ​ຕົວ​ເລກ ຄາດ­ໝາຍ​ຈະ​ສູ້​ຊົນ​ໄດ້ 111.2 ຕື້​ກີບ ທຽບ­ໃສ່​ແຜນ­ການ ປະ­ຕິ­ບັດ​ໄດ້ 19,8% ເທົ່າ​ກັບ ທຽບ­ໃສ່​ແຜນ­ການ​ປີ​ປະ­ຕິ­ບັດ​ໄດ້ 35% ໃນ​ນັ້ນ ມູນ​ຄ່າ​ການ​ສົ່ງ​ອອກ ປະ­ມານ 67,2 ຕື້​ກີບ ທຽບ­ໃສ່​ແຜນ­ການ​ປະ­ຕິ­ບັດ​ໄດ້ 74,6% ສິນ­ຄ້າ ສົ່ງ ອອກ​ສ່ວນ​ໃຫ່​ຍ​ແມ່ນ​ແຮ່​ກົ່ວ​ເຂັ້ມ​ຂຸ້ນ 40%, ຜະ­ລິດ​ຕະ​ພັນ​ໄມ້, ເຄື່ອງ​ປ່າ​ຂອງ ດົງ ແລະ​ຜົນ​ຜະ­ລິດ​ທາງ​ກະ­ສິ­ກຳ ສ່ວນ​ມູນ​ຄ່າ​ການ​ນຳ​ເຂົ້າ​ມີ​ປະ­ມານ 44 ຕື້​ກີບ ທຽບ­ໃສ່​ແຜນ­ການ​ປີ​ປະ­ຕິ­ບັດ​ໄດ້ 63,9% ສິນ­ຄ້າ​ນຳ​ເຂົ້າ​ຕົ້ນ­ຕໍ​ແມ່ນ​ນ້ຳ­ມັນ, ວັດ ສະ​ດຸ​ກໍ່­ສ້າງ ແລະ​ເຄື່ອງ­ໃຊ້​ສອຍ​ປະ­ຈຳ​ວັນ​ໃນ​ນັ້ນ​ສິນ­ຄ້າ​ນຳ​ເຂົ້າ​ຍົກ­ເວັ້ນ​ພາ­ສີ 24 ຕື້​ກີບ.

ຂະ­ນະ​ທີ່​ມູນ​ຄ່າ​ການ​ຈໍ​ລະ​ຈອນ​ສິນ­ຄ້າ​ເກັບ​ຊື້ ຂາຍ­ຍົກ-ຂາຍ­ຍ່ອຍ ໃນ​ງວດ 6 ເດືອນ​ຕົ້ນ​ປີ​ສົກ 2015-2016 ປະ­ຕິ­ບັດ​ໄດ້ 385,6 ຕື້​ກີບ ທຽບ­ໃສ່​ແຜນ ການ​ໝົດ​ປີ​ປະ­ຕິ­ບັດ​ໄດ້ 56,2% ມູນ​ຄ່າ​ເກັບ​ຊື້​ປະ­ຕິ­ບັດ​ໄດ້ 106,9 ຕື້​ກີບ ທຽບ­ໃສ່ ແຜນ­ການ​ປີ​ປະ­ຕິ­ບັດ​ໄດ້ 53,1% ມູນ​ຄ່າ​ຂາຍ­ຍ່ອຍ 239,7 ຕື້​ກີບ ທຽບ­ໃສ່​ແຜນ­ການ​ປີ​ປະ­ຕິ­ບັດ​ໄດ້ 56,8% ມູນ​ຄ່າ​ຂາຍ­ຍົກ​ປະ­ຕິ­ບັດ​ໄດ້ 39,9 ຕື້​ກີບ ທຽບ­ໃສ່ ແຜນ­ການ ປີ 62%.

ຂໍ້​ມູນ​ແຂວງ​ຍັງ​ໃຫ້​ຮູ້​ຕື່ມ​ວ່າ: ສຳ­ລັບ​ວຽກ​ງານ​ດ້ານ​ທະ­ບຽນ ແລະ​ຄຸ້ມ​ຄອງ​ວິ​ສາ​ຫະ​ກິດ ໃນ​ໄລ­ຍະ 6 ເດືອນ​ຜ່ານ​ມາ​ສາ­ມາດ​ຂຶ້ນ​ທະ­ບຽນ​ວິ​ສາ​ຫະ​ກິດ ທັງ​ໝົດ​ໄດ້ 158 ຫົວ­ໜ່ວຍ ທຶນ​ຈົດ​ທະ­ບຽນ 151,7 ຕື້​ກີບ, ອອກ​ໃໝ່ 105 ຫົວ­ໜ່ວຍ​ມີ​ທຶນ​ຈົດ​ທະ­ບຽນ 100,9 ຕື້​ກີບ, ດັດ­ແກ້ 53 ຫົວ­ໜ່ວຍ ມີ​ທຶນ​ຈົດ​ທະ­ບຽນ 50,8 ຕື້​ກີບ ໃນ​ນັ້ນ ອຸດ­ສາ­ຫະ­ກຳ 11 ຫົວ­ໜ່ວຍ ມີ​ທຶນ​ຈົດ​ທະ­ບຽນ 25,5 ຕື້​ກີບ, ບໍ­ລິ­ການ 29 ຫົວ­ໜ່ວຍ​ມີ​ທຶນ​ຈົດ​ທະ­ບຽນ 24,7 ຕື້​ກີບ, ການ​ຄ້າ 104 ຫົວ­ໜ່ວຍ ມີ​ທຶນ​ຈົດ​ທະ­ບຽນ 33,5 ຕື້​ກີບ ແລະ​ກະ­ສິ­ກຳ 14 ຫົວ­ໜ່ວຍ ມີ​ທຶນ​ຈົດ​ທະ­ບຽນ 67,9 ຕື້​ກີບ.

ທີ່ມາ: ເສດຖະກິດ-ສັງຄົມ

ບົດຄວາມຫຼ້າສຸດ

ເພື່ອຄວາມໂປ່ງໃສ! ເຈົ້າໜ້າທີ່ ພະແນກ ອຄ ແຂວງສະຫວັນລົງກວດທຽບຫົວຈ່າຍນ້ຳມັນເຊື້ອໄຟ ແລະ ວາງແຜນຈະກວດກາທັງໝົດ 217 ປ້ຳທົ່ວແຂວງ

ພະແນກ ອຄ ແຂວງສະຫວັນລົງກວດທຽບຫົວຈ່າຍນ້ຳມັນເຊື້ອໄຟ ຂະແໜງຊັບສິນທາງປັນຍາ, ມາດຕະຖານ ແລະ ວັດແທກພະແນກອຸດສາຫະກຳ ແລະ ການຄ້າແຂວງສະຫວັນນະເຂດ ພ້ອມດ້ວຍຫ້ອງການ ອຸດສາຫະກຳ ແລະ ການຄ້າ 14 ເມືອງ...

ລົດບັນທຸກແກ່ຫີນ-ຊາຍ ທີ່ເຮັດ ຫີນ,ດິນ,ຊາຍ ເຮ່ຍຕາມຫົນທາງ ເຮັດໃຫ້ຖະໜົນເປິເປື້ອນ ຈະຖືກເຈົ້າໜ້າທີ່ປັບໄໝ

ເຈົ້າໜ້າທີ່ຈະປັບໄໝ ລົດບັນທຸກແກ່ຫີນ-ຊາຍ ທີ່ເຮັດ ຫີນ,ດິນ,ຊາຍ ເຮ່ຍຕາມຫົນທາງ ເຮັດໃຫ້ຖະໜົນເປິເປື້ອນ. ພທ ຄຳພູ ສົມແພງພັນ ຮອງຫົວໜ້າພະແນກຕຳຫຼວດຈາລະຈອນ ຫ້ອງຕຳຫຼວດ ປກສ ນະຄອນຫຼວງວຽງຈັນ ໄດ້ໃຫ້ສຳພາດວ່າ: ອີງຕາມປະກົດການຫຍໍ້ທໍ້ທີ່ເກີດຂຶ້ນໃນສັງຄົມ...

ປຶກສາຫາລື 5 ຫົວຂໍ້ສຳຄັນ ໃນກອງປະຊຸມສະໄໝສາມັນ ຂອງລັດຖະບານ ປະຈຳເດືອນກຸມພາ 2025

ໄຂກອງປະຊຸມສະໄໝສາມັນ ຂອງລັດຖະບານ ປະຈຳເດືອນກຸມພາ 2025 ກອງປະຊຸມສະໄໝສາມັນຂອງລັດຖະບານ ປະຈຳເດືອນກຸມພາ 2025 ໄດ້ໄຂຂຶ້ນໃນຕອນເຊົ້າວັນທີ 27 ກຸມພາ 2025 ທີ່ສໍານັກງານນາຍົກລັດຖະມົນຕີ, ພາຍໃຕ້ການເປັນປະທານຂອງທ່ານ ສອນໄຊ ສີພັນດອນ,...

ເຮືອບິນກອງທັບຊູດານ ເກີດອຸບັດຕິເຫດຕົກໃສ່ເຂດຊຸມຊົນ ເຮັດໃຫ້ມີຜູ້ເສຍຊີວິດ 46 ຄົນ

ເສຍຊີວິດເພີ່ມ 46 ຄົນ ຈາກເຫດເຮືອບິນກອງທັບຊູດານຕົກໃນເຂດຊຸມຊົນ. ສຳນັກຂ່າວຕ່າງປະເທດລາຍງານໃນວັນທີ 26 ກຸມພາ 2025 ເກີດເຫດເຮືອບິນຂອງກອງທັບຊູດານເກີດອຸບັດຕິເຫດຕົກໃນ ເມືອງອອມດູມານ ພາກກາງຂອງປະເທດ ໃນວັນອັງຄານຜ່ານມາ ເຮັດໃຫ້ມີຜູ້ເສຍຊີວິດຢ່າງນ້ອຍ 46 ຄົນ...