spot_img
Homeປ່ອງຢ້ຽມດວງດາວNASA ສົ່ງຍານ Juno ເຂົ້າສູ່ວົງໂຄຈອນຂອງດາວພະຫັດໄດ້ສຳເລັດແລ້ວ

NASA ສົ່ງຍານ Juno ເຂົ້າສູ່ວົງໂຄຈອນຂອງດາວພະຫັດໄດ້ສຳເລັດແລ້ວ

Published on

ກຽມເຜີຍໂສມປິດສະໜາດາວພະຫັດ ຫຼັງຍານສຳຫຼວດອະວະກາດທີ່ຊື່ວ່າ ຈູໂນ (Juno) ໄດ້ບິນເຂົ້າສູ່ວົງໂຄຈອນຂອງດາວພະຫັດ (Jupiter) ເປັນທີ່ຮຽບຮ້ອຍແລ້ວ ຫຼັງໃຊ້ເວລາເດິນທາງດົນເຖິງ 5 ປີ !!

ຂ້າງໃນມີຫຍັງກັນແທ້? ໃຜທີ່ເຂົ້າໜ້າທຳອິດຂອງ Google ໄລຍະນີ້ ອາດຈະສົງໄສວ່າ ມື້ນີ້ເຂົາສະຫຼອງຫຍັງກັນ? ຄຳຕອບຄື ມື້ວັນທີ 4 ກໍລະກົດ 2016 ເວລາ 23:55 (ຕາມເວລາຂອງອາເມລິກາ) ທາງ NASA ໄດ້ຖ່າຍທອດສົດ ຫຼັງຍານສຳຫຼວດອະວະກາດທີ່ຊື່ວ່າ ຈູໂນ (Juno) ໄດ້ບິນເຂົ້າສູ່ວົງໂຄຈອນຂອງດາວພະຫັດ (Jupiter) ເປັນທີ່ຮຽບຮ້ອຍແລ້ວ ຫຼັງຈາກໃຊ້ເວລາດົນເຖິງ 5 ປີ ຕັ້ງແຕ່ຕອນເຊົ້າວັນທີ 5 ສິງຫາ 2011 ທີ່ຜ່ານມາ.

jupiter-with-labeled-interior-layers-4k

ພາລະກິດຂອງຍານອະວະກາດ ຈູໂນ ຄື ຄົ້ນຫາຄວາມລັບຂອງດາວພະຫັດ ພາຍໃຕ້ຜິວຂອງດາວທີ່ປະກອບໄປດ້ວຍແກັດໄຮໂດຣເຈນແລະຮີລຽມຈຳນວນຫຼາຍນີ້ ເຊິ່ງມີການຄາດການກັນວ່າ ຖ້າຫາກໄຂປິດສະໜາຂອງດາວພະຫັດໄດ້ ກໍອາດຈະເຮັດໃຫ້ຮູ້ເຖິງຕົ້ນກຳເນີດຂອງດາວດວງອື່ນໆ ອີກດ້ວຍ ເນື່ອງຈາກຂະໜາດຂອງດາວທີ່ໃຫຍ່ທີ່ສຸດໃນລະບົບສຸລິຍະຈັກກະວານແຫ່ງນີ້ເອງ.

ໃນການສຳຫຼວດ ທາງ ນາຊ່າ ຈະຈູດລະເບີດເຄື່ອງຈັກຂອງຍານ ຈູໂນ ເພື່ອສົ່ງຍານລຳນີ້ເຂົ້າສູ່ວົງໂຄຈອນຂອງດາວພະຫັດ ໂດຍໂຕຍານບິນອ້ອມດາວພະຫັດທັງໝົດ 37 ຮອບ ເຊິ່ງຕ້ອງໃຊ້ເວລາ 20 ເດືອນຫຼັງຈາກນີ້ ໂດຍການອ້ອມນັ້ນ ຈະມີບາງຈັງຫວະ ທີ່ຍານຈະເຂົ້າໃກ້ດາວພະຫັດປະມານ 5,000 ກິໂລແມັດ (ຫຼືໃກ້ກວ່ານັ້ນ) ກໍໄດ້ ເຊິ່ງອາດຈະເຮັດໃຫ້ຮູ້ວ່າ ແກນຂອງດາວໜ່ວຍນີ້ ຄືຫຍັງກັນແທ້ (ບໍ່ແນ່ອາດຈະໄດ້ຮູ້ຂໍ້ມູນຂອງ “Great Red Spot” ເພິ່ມຫຼາຍຂຶ້ນກໍໄດ້ ລວມທັງດວງເດືອນທີ່ເປັນບໍລິວານຂອງມມັນອີກ 4 ໜ່ວຍກໍໄດ້).

juno_science_instruments

ສຳລັບກະໂຕຍານສຳຫຼວດ ຈູໂນ ພາຍໃນປະກອບໄປດ້ວຍເຊັນເຊີກວດຈັບຫຼວງຫຼາຍ ບໍ່ວ່າຈະເປັນອຸປະກອນກວດຈັບລັງສີ ກວດຈັບແຮງດຶງດູດ ກວດສະໜາມແມ່ເຫຼັກ ແທກພະລັງງານຂອງອະນຸພາກ ຫຼືກວດສອບວ່າ ມີນ້ຳໃນດາວໜ່ວຍນີ້ບໍ ຈະມີສັນຍານຫຍັງສົ່ງມາຍັງຍານບໍ ທີ່ເຫຼືອກໍເປັນ ອຸປະກອນສົ່ງສັນຍານກັບມາຍັງໂລກ ແລະກ້ອງຖ່າຍຮູບຄຸນນະພາບສູງເປັນຕົ້ນ.

ແນວໃດກໍຕາມ ຍານ ຈູໂນ ຈະທຳການສະຫຼາຍໂຕເອງ ຫຼັງສຳເລັດເສັດສິ້ນພາລະກິດສຳຫຼວດເປັນທີ່ຮຽບຮ້ອຍແລ້ວ ໂຕຍານຈະຫຼຸດຄວາມໄວລົງ ຈາກນັ້ນກໍຈະປ່ອຍໃຫ້ແຮງດຶງດູດຂອງດາວພະຫັດ ດຶງເຂົ້າໄປສູ່ຊັ້ນບັນຍາກາດຂອງດາວ ເຊິ່ງໂຕຍານຈະຖືກເຜົາທຳລາຍທັນທີ ທັງໝົດນີ້ ເພື່ອແລກກັບຂໍ້ມູນອັນເປັນປະໂຫຍດມະຫາສານ ໃຫ້ກັບພວກເຮົາຫຼືຄົນລຸ້ນຫຼັງໄດ້ສຶກສາຄວາມລັບຂອງດາວໜ່ວຍນີ້ກັນຕໍ່ໄປ (Press F to Pay Respects)

ບົດຄວາມຫຼ້າສຸດ

ອາຊີບຕ້ອງຫ້າມ! ຕຳຫຼວດໄທວາງແຜນຈັບໜຸ່ມລາວ ຂັບລົດຈັກຮັບຈ້າງ ຍາດອາຊີບຄົນໄທ

ເຈົ້າໜ້າທີ່ຕຳຫຼວດໄທ ວາງແຜນຈັບໜຸ່ມລາວ ຍາດອາຊີບຄົນໄທ ຂັບລົດຈັກຮັບຈ້າງ ບໍລິເວນເຂດຫ້ວຍຂວາງ ກຸງເທບມະຫານະຄອນ ປະເທດໄທ. ສຳນັກຂ່າວໄທລາຍງານໃນວັນທີ 1 ເມສາ 2025 ຜ່ານມາ, ເຈົ້າໜ້າທີ່ຕຳຫຼວດໄທໄດ້ຮັບແຈ້ງຈາກສາຍຂ່າວ ກ່ຽວກັບເບາະແສວ່າ: ມີຊາຍຄ້າຍຄືກັບແຮງງານຕ່າງດ້າວ...

ທຳລາຍໃຫ້ໝົດ! ພະແນກ ອຄ ແຂວງຄຳມ່ວນ ທຳລາຍສິນຄ້າລະເມີດກົົດໝາຍ ມູນຄ່າ ເກືອບ 300 ລ້ານ ກວ່າກີບ

ພະແນກອຸດສາຫະກຳ ແລະ ການຄ້າແຂວງຄຳມ່ວນ ທຳລາຍສິນຄ້າທີ່ລະເມີດກົດໝາຍ, ລະບຽບການດ້ານການຄ້າ ແລະ ສິນຄ້ານອກລະບົບທີ່ອາຍັດມາໄດ້ໃນໄລຍະປີ 2024-2025 ຜ່ານມາ. ໃນຕອນບ່າຍວັນທີ 1 ເມສາ 2025 ຢູ່ທີ່ພະແນກອຸດສາຫະກໍາ ແລະ...

ສະຫະລັດອາເມລິກາ ປະກາດຈະເກັບພາສີນຳເຂົ້າພື້ນຖານ 10%

ທ່ານ ໂດນັລ ທຣຳມ ປະທານາທິບໍດີ ສະຫະລັດອາເມລິກາ ປະກາດຈະເກັບພາສີນຳເຂົ້າ 10% ສຳລັບສິນຄ້ານຳເຂົ້າທັງໝົດທີ່ເຂົ້າສູ່ສະຫະລັດ ສຳນັກຂ່າວຕ່າງປະເທດລາຍງານ ໃນວັນທີ 2 ເມສາ 2025 ນີ້, ທ່ານ...

ຈັບສາຍປາຕີ້ຄໍລະເຈັ້້ນ 9 ຄົນ ຢູ່ບ້ານອຸດົມ ເມືອງຫ້ວຍຊາຍ ແຂວງບໍ່ແກ້ວ.

ປກສ ແຂວງບໍ່ແກ້ວ ມ້າງຄະດີແກ້ງມົ້ວສຸ່ມຢາເສບຕິດ ຈຳນວນ 9 ຄົນ ຈັດປາຕີ້ຄໍລະເຈັ້ນ ຢູ່ບ້ານອຸດົມ ເມືອງຫ້ວຍຊາຍ ແຂວງບໍ່ແກ້ວ. ໃນຄັ້ງວັນທີ 26 ມີນາ 2025 ຜ່່ານມາ,...