spot_img
Homeຂ່າວພາຍ​ໃນນາຍົກຢ້ຽມຢາມໄທ ຄາດຈະມີຫຼາຍບັນຫາທີ່ຈະຫາລື

ນາຍົກຢ້ຽມຢາມໄທ ຄາດຈະມີຫຼາຍບັນຫາທີ່ຈະຫາລື

Published on

ມື້ນີ້, ວັນທີ 5 ມິຖຸນາ 2016 ທ່ານ ປອ ທອງລຸນ ສີສຸລິດ ນາຍົກລັດຖະມົນຕີລາວ ເດິນທາງໄປຍັງປະເທດໄທ ເພື່ອຢ້ຽມຢາມຕາມຄຳເຊີນ ຂອງທ່ານ ປະຍຸດ ຈັນໂອຊາ ນາຍົກລັດຖະມົນຕີແຫ່ງປະເທດໄທ.

ເຊິ່ງຄາດວ່າຕອນແລງມື້ນີ້, ສົມເດັດພະເທບຣັດຕະນະຣາຊສຸດາຯ ສະຍາມບໍຣົມມະຣາຊກຸມາຣີ ໄດ້ໃຫ້ກຽດລ້ຽງອາຫານຄ່ຳແກ່ ທ່ານ ທອງລຸນ, ພັນລະຍາ ແລະຄະນະ ຢູ່ທີ່ວັງສະປະທຸມ.

ຕອນເຊົ້າຂອງວັນທີ 6 ກໍລະກົດ ທ່ານ ນາຍົກ ທອງລຸນ ສີສຸລິດ ມີກຳໜົດຫາລືທາງລັດຖະການກັບ ພົນເອກ ປະຍຸດ ຈັນໂອຊາ ນາຍົກລັດຖະມົນຕີໄທ ທີ່ທຳນຽບລັດຖະບານ ໂດຍປະເດັນທີ່ຄາດວ່າທັງສອງຝ່າຍຈະຍົກຂຶ້ນຫາລືໄດ້ແກ່:
1. ຄວາມເຊື່ອມໂຍງໃນພູມິພາກແລະການພັດທະນາໂຄງສ້າງພື້ນຖານ
2. ການສົ່ງເສີມການແລະການລົງທຶນ
3. ຄວາມຮ່ວມມືດ້ານແຮງງານ
4. ການພັດທະນາຄວາມເຊື່ອມໂຍງດ້ານການທ່ອງທ່ຽວ ຂ້າມແດນ
5. ຄວາມຮ່ວມມືເພື່ອພັດທະນາ
ນອກຈາກນັ້ນທັງສອງຝ່າຍອາດຈະມີການລົງນາມ ໃນບັນທຶກຄວາມເຂົ້າໃຈວ່າດ້ວຍຄວາມຮ່ວມມືດ້ານແຮງງານ ເພື່ອສົ່ງເສີມການພັດທະນາສີມືແຮງງານ ການຈ້າງແຮງງານ ການຄຸ້ມຄອງແຮງງານ ເປັນຕົ້ນ.

ໃນຕອນບ່າຍຂອງວັນທີ 6 ກໍລະກົດ ນາຍົກລັດຖະມົນຕີ ມີກຳໜົດເດິນທາງໄປຈັງຫວັດຂອນແຂ່ນ ເພື່ອຮັບມອບປະລິນຍາບໍລິຫານທຸລະກິດດຸດສະດີບັນດິດກິດຕິມະສັກ ທີ່ມະຫາວິທະຍາໄລເທັກໂນໂລຢີຣາຊມຸງຄຸນອີສານ ວິທະຍາເຂດຂອນແກ່ນ. ຈາກນັ້ນ ທ່ານນາຍົກຯ ຈະໄດ້ກ່າວປາຖະກະຖາໃນຫົວຂໍ້ ” ສປປລາວ ສູ່ອານາຄົດການພັດທະນາ“ ທີ່ມະຫາວິທະຍາໄລຂອນແກ່ນແລະມອບຫຼຽນກາມິດຕະພາບແກ່ກຳມະການສະມາຄົມໄທ-ລາວເພື່ອມິດຕະພາບອີກດ້ວຍ.

ການຢ້ຽມຢາມເທື່ອນີ້ ຈະເປັນການຢ້ຽມຢາມປະເທດໄທເທື່ອທຳອິດ ຂອງທ່ານ ທອງລຸນ ສີສຸລິດ ພາຍຫຼັງໄດ້ຮັບຕຳແໜ່ງ ເປັນນາຍົກລັດຖະມົນຕີ ເຊິ່ງເປັນໂອກາດທີ່ທັງສອງຝ່າຍຈະສ້າງຄວາມຄຸ້ນເຄີຍແລະຮັດແໜ້ນຄວາມສຳພັນລະດັບຜູ້ນຳ ແລະຮ່ວມກຳໜົດວິໄສທັດການຂັບເຄື່ອນຄວາມສຳພັນ ລາວ-ໄທ ຕໍ່ໆໄປ.

ບົດຄວາມຫຼ້າສຸດ

ລາວປະເຊີນບັນຫາພລາສຕິກລົ້ນຕະຫຼາດທ່າມກາງລາຄາຕົກຕໍ່າ

ເສດຖົງຢາງທີ່ເກົ່າໝອງຈົນເກືອບແຍກສີບໍ່ອອກ ບວກກັບຕຸກນໍ້າພລາສຕິກທີ່ຖືກຖິ້ມຊະຊາຍເປັນວົງກວ້າງໃນນະຄອນຫຼວງວຽງຈັນ ເປັນພຽງສ້ຽວໜຶ່ງຂອງເລື່ອງເລົ່າກ່ຽວກັບພລາສຕິກຂອງເມືອງຫຼວງແຫ່ງນີ້. ພາຍໃຕ້ມົນລະມິດທີ່ສາມາດເບິ່ງເຫັນໄດ້ດ້ວຍຕາເປົ່ານີ້ ລ້ວນແຕ່ເຊື່ອງຊ້ອນວິກິດການຂັ້ນຮ້າຍແຮງກວ່າທີ່ຄິດໄວ້. ເນື່ອງຈາກສິ່ງດັ່ງກ່າວໄດ້ກາຍເປັນໄພຂົ່ມຂູ່ຕໍ່ສິ່ງແວດລ້ອມທາງທໍາມະຊາດຂອງລາວ ທັງເປັນໄພຂົ່ມຂູ່ຕໍ່ສຸຂະພາບຂອງຜູ້ຄົນຫຼາຍຮ້ອຍ ທີ່ຕ້ອງເພິ່ງພາການຊື້-ຂາຍສິ່ງເສດເຫຼືອປະເພດພລາສຕິກ. ໃນລະຫວ່າງວັນທີ 5 ຫາ 14 ສິງຫາ, ບັນດາຜູ້ນໍາຈາກຫຼາຍປະເທດໃນໂລກຈະມາເຕົ້າໂຮມກັນທີ່ ເຈນີວາ, ປະເທດສະວິດເຊີແລນ...

ປະກາດ-ແຕ່ງຕັ້ງ ສະຫາຍ ພົນຈັດຕະວາ ແປ້ນຄໍາ ບຸດຈັດແພງ ຮັກສາການແທນເຈົ້າແຂວງ ແຂວງບໍ່ແກ້ວ (ຜູ້ໃໝ່)

ມອບ-ຮັບ ໜ້າທີ່ ລະຫວ່າງ ເລຂາຄະນະບໍລິຫານງານພັກແຂວງ, ເຈົ້າແຂວງ ແຂວງບໍ່ແກ້ວ (ຜູ້ເກົ່າ) ກັບ ຮັກສາການແທນເລຂາຄະນະບໍລິຫານງານພັກແຂວງ, ຮັກສາການເຈົ້າແຂວງ ແຂວງບໍ່ແກ້ວ (ຜູ້ໃໝ່) ປະກາດ ແລະ ມອບ-ຮັບ...

ຍີ່ປຸ່ນກຽມຮັບມື! ສຶນາມິສູງເຖິງ 3 ແມັດ ຫຼັງຈາກເກີດເຫດແຜ່ນດິນໄຫວລະດັບ 8.7 ຣິກເຕີ.

ຍີ່ປຸ່ນສັ່ງອົບພະຍົບປະຊາຊົນຫຼາຍພັນຄົນ ພາຍຫຼັງພົບຄຶ້ນສຶນາມິພັດເຂົ້າຝັ່ງ ເຈົ້າໜ້າທີ່ຄາດວ່າຄຶ້ນອາດຈະສູງເຖິງ 3 ແມັດ. ສຳນັກຂ່າວໃນປະເທດຍີ່ປຸ່ນລາຍງານໃນວັນທີ 30 ກໍລະກົດ 2025 ຜ່ານມາ, ຍີ່ປຸ່ນກຍມຮັບມືກັບສຶນາມິທີ່ເລີ່ມພັດເຂົ້າຊາຍຝັ່ງອີກຮອບ ໂດຍຄາດການວ່າ: ຄຶ້ນອາດຈະສູງເຖິງ 3 ແມັດ,...

ລາຄານໍ້າປະປາ ຢູ່ແຂວງວຽງຈັນເພີ່ມຂຶ້ນ ເນື່ອງຈາກລາຄານຳເຂົ້າອຸປະກອນ ເພີ່ມຂຶ້ນເທົ່າຕົວ

ປັບລາຄາຂຶ້ນຄັ້ງທຳອິດ! ລາຄານໍ້າປະປາ ຢູ່ແຂວງວຽງຈັນເພີ່ມຂຶ້ນ ເນື່ອງຈາກລາຄານຳເຂົ້າອຸປະກອນ ເພີ່ມຂຶ້ນເທົ່າຕົວ. ແຫຼ່ງຂ່າວຈາກ ແຂວງວຽງຈັນ ໃຫ້ຮູ້ວ່າ: ປັດຈຸບັນ ໄດ້ເກີດມີຫາງສຽງຈົ່ມວ່າ ຈາກພໍ່ແມ່ປະຊາຊົນ ກໍຄືສື່ສັງຄົມອອນລາຍ ກ່ຽວກັບການປັບຂຶ້ນລາຄາຄ່ານ້ຳປະປາ ຢູ່ພາຍໃນແຂວງວຽງຈັນ, ຕໍ່ກັບບັນຫາດັ່ງກ່າວ,...