ເພື່ອຮັບປະກັນແກ່ການຜະລິດສະບຽງອາຫານຢູ່ນະຄອນຫຼວງວຽງຈັນ ໃຫ້ພຽງພໍກັບຄວາມຮຽກຮ້ອງຕ້ອງການຂອງສັງຄົມນັ້ນຄະນະພັກເມືອງໆຫາດຊາຍຟອງໄດ້ກຳນົດເອົາ 5 ຈຸດ ເປັນເຂດຜະລິດເປັນສິນຄ້າ ແລະ ທົດແທນການນຳເຂົ້າສະບຽງອາຫານໃນຕໍ່ໜ້າຫັນເຂົ້າສູ່ການຜະລິດກະສິກຳ, ຂະຫຍາຍໄຮ່ນານ້ອຍເປັນໄຮ່ນາໃຫຍ່, ໂດຍນຳໃຊ້ ເຕັກໂນໂລຊີທີ່ທັນສະໄໝເຂົ້າໃນການຜະລິດ.
ອີງຕາມແຜນພັດທະນາເສດຖະກິດ-ສັງຄົມ ແຕ່ປີ 2014-2019 ຂອງເມືອງຫາດຊາຍຟອງ, ນະຄອນຫຼວງວຽງຈັນ ຮູ້ວ່າ: ເພື່ອຮັບປະກັນໃຫ້ແກ່ການຜະລິດສະບຽງອາຫານໃຫ້ພຽງພໍກັບຄວາມຮຽກຮ້ອງຕ້ອງການຂອງສັງຄົມ, ປະຈຸບັນນີ້ຄະນະພັກເມືອງໆຫາດຊາຍຟອງໄດ້ກຳນົດເອົາ 5 ຈຸດ ເປັນເຂດການຜະລິດ, ເພື່ອປະກອບສ່ວນພັດທະນາເສດຖະກິດ-ສັງຄົມຂອງເມືອງ, ເວົ້າສະເພາະ ແມ່ນເພື່ອຜະລິດກະສິກຳໃຫ້ກາຍເປັນສິນຄ້າທົດແທນການນຳເຂົ້າ ສະບຽງອາຫານໃນຕໍ່ໜ້າ, ໂດຍສະ ເພາະແມ່ນຫັນເຂົ້າສູ່ການຜະລິດກະສິກຳ, ຂະຫຍາຍໄຮ່ນານ້ອຍ ເປັນໄຮ່ນາໃຫຍ່, ໂດຍນຳໃຊ້ເຕັກ ໂນໂລຊີທີ່ທັນສະໄໝເຂົ້າໃນການ ຜະລິດກະສິກຳຕາມເຂດຈຸດສຸມທີ່ ກຳນົດໄວ້ຄື: 1. ເຂດບໍ່ໂອ-ຫາດ ດອກແກ້ວເປັນເຂດປູກຕົ້ນໄມ້ໃຫ້ ໝາກ ແລະປູກເຂົ້າ, 2. ເຂດບ້ານ ຫ້ອມ-ສີຖານໃຕ້ເປັນເຂດຜະລິດ ພືດຜັກ ແລະປູກເຂົ້າ, 3. ເຂດສາລາຄຳເປັນເຂດປູກພືດປອດສານ ພິດ ແລະປູກເຂົ້າ, 4. ເຂດທ່າ ເດື່ອເປັນເຂດປູກດອກໄມ້ປະດັບ ແລະປູກເຂົ້າ, 5. ເຂດທ່າພະ-ນາລ້ອງເປັນເຂດປູກເຂົ້າ, ປູກຜັກ ແລະລ້ຽງສັດໃຫຍ່ໃຫ້ກາຍເປັນສິນຄ້າ.
ຢ່າງໃດກໍດີ ເພື່ອເປັນການຊຸກຍູ້ສົ່ງເສີມຂະບວນການຜະລິດກະສິກຳຂອງປະຊາຊົນບັນດາເຜົ່າ, ຄະນະພັກເມືອງຫາດຊາຍ ຟອງ ແລະພະນັກງານວິຊາການທີ່ ກ່ຽວຂ້ອງຂັ້ນຕ່າງໆ, ແມ່ນຈະໄດ້ ລົງເຄື່ອນໄຫວເອົາໃສ່ດ້ວຍຫຼາຍ ຮູບແບບເພື່ອຍົກສະມັດຖະພາບຂອງການຜະລິດໃນເຂດດັ່ງກ່າວ ໃຫ້ສູງຂຶ້ນແລະເພື່ອປະຢັດຕົ້ນທຶນ ໃນການຜະລິດ, ໂດຍຈະສູ້ຊົນປູກ ເຂົ້ານາປີໃຫ້ໄດ້ໃນເນື້ອທີ່ 6,1 ພັນເຮັກຕາ, ສາມັດຖະພາບ 4,6-5 ໂຕນຕໍ່ເຮັກຕາ, ປູກເຂົ້ານາແຊງໃຫ້ໄດ້ໃນເນື້ອທີ່ 3,8 ພັນເຮັກຕາ, ສາມັດຖະພາບ 5-6 ໂຕນຕໍ່ເຮັກຕາ, ປູກພືດຜັກຊະນິດຕ່າງໆ 3,6 ພັນເຮັກຕາສະມັດຖະພາບ 10 ໂຕນຕໍ່ເຮັກຕາ.
ນອກນັ້ນກໍຍັງ ສູ້ຊົນຂະຫຍາຍ ກຸ່ມປູກພືດຜັກປອດສານພິດໃຫ້ ໄດ້ 10 ກຸ່ມໃນເນື້ອທີ່ 40 ເຮັກຕາ, ສາມັດຖະພາບ 8 ໂຕນຕໍ່ເຮັກຕາ, ປູກເຂົ້າອິນຊີໃນເນື້ອທີ່ 1 ພັນເຮັກຕາຕໍ່ປີ ແລະປູກເຂົ້າຈ້າວເປັນສິນຄ້າປ້ອນໂຮງງານອຸດສາຫະກຳ ໃຫ້ໄດ້ 1.2 ພັນເຮັກຕາຕໍ່ປີ.
ສຳລັບການລ້ຽງສັດເປັນສິນຄ້ານັ້ນແມ່ນໄດ້ຊຸກຍູ້ສົ່ງເສີມການລ້ຽງແບບເປັນຟາມເຊັ່ນ: ການລ້ຽງຄວາຍ, ງົວ, ໝູ, ແບ້, ແລະສັດບີກອື່ນໆໃຫ້ໄດ້ 3% ຕໍ່ປີ, ສະເລ່ຍຄົນໜື່ງໃຫ້ໄດ້ຮັບທາດຊີ້ນ 55 ກິໂລຕໍ່ຄົນຕໍ່ປີ.
ທີ່ມາ: ເສດຖະກິດ-ສັງຄົມ