ຖ້າເບິ່ງຍ້ອນກັບຄືນເຖິງພຶດຕິກໍາ ແລະ ທັດສະນະຄະຕິຂອງຜູ້ປະກອບການທຸລະກິດຄົນລາວຈໍານວນໜຶ່ງຄວບຄູ່ກັບສິ່ງແວດລ້ອມຕ່າງໆພົບວ່າ: ມີຫລາຍສິ່ງຕ້ອງຜະເຊີນໜ້າ ແລະ ບໍ່ສາມາດແຂ່ງຂັນກັບຕ່າງປະເທດໄດ້ມີ 14 ປະເດັນຄື:

1. ມີແນວຄິດຢາກລວຍ ແລະ ໄດ້ກໍາໄລບາດດຽວໂດຍບໍ່ມີຄວາມອົດທົນ, ບໍ່ເບິ່ງບັນຫາກວ້າງໄກ
2. ຕົ້ນທຶນການຜະລິດສູງກວມເອົາຄ່າເຊົາສະຖານທີ່ແພງ, ການຜ່ອນພາສີໄລຍະສັ້ນ-ຍາວໃຫ້ແກ່ຜູ້ຜະລິດລາຍນ້ອຍບໍ່ມີ
   
3. ການອອກແບບສິ່ງຫຸ້ມຫໍ່ບໍ່ດຶງດູຜູ້ບໍລິໂພກ
   
4. ການບໍລິການຂີ້ຄານມັກງ່າຍ ສ່ວນໃຫຍ່ຍັງອາໃສວິທີຊີວິດແບບດັ້ງເດີມ ຮີດເກົ່າຄອງຫລັງ
   
5. ລະບົບທະນາຄານຢາກໄດ້ແຕ່ກໍາໄລນໍາລູກຄ້າ ຫລື ຜູ້ກູ້ຢືມພຽງຢ່າງດຽວໂດຍບໍ່ມີການຜ່ອນຜັນດອກເບ້ຍຕໍ່າທັງໄລຍະສັ້ນ-ໄລຍະຍາວ
   
6. ການຄໍ້າປະກັນລາຄາ ຫລື ຮັບປະກັນຄວາມເສຍຫາຍໃນກໍລະນີເກີດໄພພິບັດ ແລະ ສະພາບເສດຖະກິດບໍ່ດີຕໍ່ຜູ້ປະກອບການບໍ່ມີ
   
7. ກະຊວງກ່ຽວຂ້ອງບໍ່ສາມາດເຮັດການຕະຫລາດ ແລະ ບໍ່ມີຂໍ້ຕໍ່ລອງກັບຕ່າງປະເທດໄດ້ໃນການຕິດຕໍ່ຊື້ຂາຍ ຫລື ກະຈາຍຜົນຜະລິດຂອງປະຊາຊົນ ແລະ ຜູ້ປະກອບການໄດ້ ສ່ວນໃຫຍ່ປະປ່ອຍໄປຕາມມີຕາມເກີດ
   
8. ກະຊວງກ່ຽວຂ້ອງບໍ່ສາມາດໄລ່ລຽງລາຄາສິນຄ້າໃນທ້ອງຕະຫລາດໄດ້, ບໍ່ສາມາດກໍານົດລາຄາສິນຄ້າໄດ້ໃນທ້ອງຕະຫລາດ
   
9. ການຄ້າສ່ວນໃຫຍ່ແມ່ນເພີ່ງພາອາໃສປະເທດເພື່ອນບ້ານເປັນຫລັກເປັນຜູ້ຜະລິດ ຫລັງຈາກນັ້ນນໍາເຂົ້າມາຂາຍພາຍໃນປະເທດໂດຍວິທີເປັນໝູ່ຄະນະ ແລະ ເຄືອຍາດ
   
10. ການເຮັດການຄ້າສ່ວນຫລາຍບໍ່ມີການພັດທະນາຜະລິດຕະພັນຕົນເອງໄປຕາມຍຸກຕາມສະໄໝໃນຄວາມຕ້ອງການຂອງຕະຫລາດ
    
11. ການສ້າງສີມືຜູ້ຜະລິດ ແລະ ດໍາເນີນທຸລະກິດບໍ່ແຂງແຮງ
    
12. ມີແຕ່ຜູ້ເວົ້າຜູ້ເຮັດໜ້ອຍ
    
13. ຂາດເຂີນແຫລ່ງທຶນ
    
14. ມີລະບົບສາງກັກເກັບສິນຄ້າທີ່ໄດ້ມາດຕະຖານ

ທີ່ມາ: ສຳນັກຂ່າວສານປະເທດລາວ