ປີເຕີ້ ເຊັກ ຜູ້ຮັກສາປະຕູທີມຊາດສາທາລະນະລັດເຊັກ ຍອມຮັບວ່າເປັນຄວາມຜິດຫວັງອັນໃຫຍ່ຫຼວງທີ່ທີມຕ້ອງຕົກຮອບໃນຢູໂຣ 2016 ຫຼັງຈາກທີ່ເສຍໃຫ້ກັບຕຸຣະກີໃນຄືນວັນອັງຄານທີີຜ່ານມາ.
ໂດຍເກມນີ້ທັງສອງທີມຕ້ອງການໄຊຊະນະເພື່ອລຸ້ນເຂົ້າຮອບດ້ວຍການເປັນທີມອັນດັບທີ 3 ທີ່ດີທີ່ສຸດ ແລະສຸດທ້າຍກໍເປັນ “ທີມໄກ່ງວງ” ທີ່ເອົາຊະນະແລະເກັບໄປໄດ້ 3 ຄະແນນສຳຄັນແຊງຈາກອັນດັບສຸດທ້າຍຂຶ້ນເປັນອັນດັບ 3 ຂອງກຸ່ມ D, ດ້ວຍເຫດນີ້ຈຶ່ງເຮັດໃຫ້ເຊັກ ຕົກຮອບໄປໂດຍການຫຼິ້ນ 3 ນັດແຕ່ເກັບໄດ້ພຽງ 1 ຄະແນນເທົ່ານັ້ນ.
ນອກຈາກ ປີເຕີ້ ເຊັກ ຈະບໍ່ສາມາດຊ່ວຍທີມເຂົ້າຮອບຢູໂຣ 2016 ໄດ້ແລ້ວ ກໍຍັງສ້າງສະຖິຕິໃໝ່ທີ່ຕົນເອງບໍ່ຕ້ອງການອີກນຳດ້ວຍການເສຍປະຕູຫຼາຍທີ່ສຸດໃນທົວນາເມັ້ນຢູໂຣ ຈຳນວນ 21 ປະຕູ ເຊິ່ງຫຼາຍທີ່ສຸດເທົ່າທີ່ເຄີຍມີມາ ຈາກການລົງຫຼິ້ນຄັ້ງທຳອິດເມື່ອ ປີ 2004.
ເຊັກ ຜູ້ຮັກສາປະຕູຂອງອາຣ໌ເຊນອນອອກມາຍອມຮັບວ່າການຕົກຮອບໃນເທື່ອນີ້ເປັນຜົນງານທີ່ໜ້າຜິດຫວັງຢ່າງສູງ ໂດຍໄດ້ກ່າວວ່າ:
“ມັນເປັນຄວາມຜິດຫວັງຢ່າງໃຫຍ່ຫຼວງສຳລັບເຮົາ ເພາະກ່ອນການແຂ່ງຂັນຈະເລີ່ມເຮົາຕັ້ງເປົ້າເກັບຢ່າງໜ້ອຍ 1 ຄະແນນຈາກ 2 ເກມທຳອິດ ເພື່ອໃຫ້ມີໂອກາດສູ້ເພື່ອເຂົ້າຮອບກັບຕຸຣະກີໃນເກມສຸດທ້າຍ”
“ເຮົາເກັບຄະແນນໄດ້ຈາກໂຄຣເອເຊຍ ແລະກ່ອນເກມມື້ນີ້ເຮົາຢູ່ໃນຕຳແໜ່ງທີ່ຕ້ອງການ ເຮົາຕ້ອງການໂອກາດທີ່ຈະຊະນະແລະເຂົ້າຮອບ ແຕ່ໜ້າເສຍດາຍເຮົາບໍ່ສາມາດຍິງປະຕູ ແລະນັ້ນຈຶ່ງເຮັດໃຫ້ເກີດຄວາມແຕກຕ່າງຂຶ້ນໃນເກມ”
ທີ່ມາ:Arsenal.in.th,ເດັກລາວ