ເຈົ້າໜ້າທີ່ດ້ານຄວາມໝັ້ນຄົງຝຣັ່ງກ່າວວ່າ ຕຳຫຼວດ ແລະ ເຈົ້າໜ້າທີ່ໜ່ວຍປາບປາມກໍ່ການຮ້າຍ ໄດ້ຮັບຄຳສັ່ງໃຫ້ເຝົ້າລະວັງທ່າອຽງວ່າຈະເກີດເຫດຮ້າຍຈາກກຸ່ມຫົວຮຸນແຮງກຸ່ມຍ່ອຍທີ່ເດີນທາງອອກຈາກຊີເຣຍມາຍັງຝຣັ່ງ ແລະ ແບນຊິກ ໂດຍມີແຜນກໍ່ເຫດໂຈມຕີ.

ເຈົ້າໜ້າທີ່ຝຣັ່ງກ່າວວ່າ ໜ່ວຍຂ່າວກອງແບນຊິກມີຂໍ້ຄວາມເຖິງໜ່ວຍຂ່າວກອງຝຣັ່ງກ່ຽວກັບທ່າອຽງກຸ່ມຕິດອາວຸດເຂົ້າມາກໍ່ເຫດອີກ ແລະໄດ້ແຈ້ງເຖິງຕຳຫຼວດທົ່ວຝຣັ່ງໃນວັນອັງຄານ ເຈົ້າໜ້າທີ່ກ່າວວ່າ ທາງການຝຣັ່ງໄດ້ເຝົ້າລະວັງທີ່ສຸດຢູ່ແລ້ວ ກ່ຽວກັບຂ່າວການໂຈມຕີ ເນື່ອງຈາກໄດ້ຮັບແຈ້ງວ່າອາດມີເຫດໂຈມຕີມາຫຼາຍຄັ້ງ ທັງນີ້ຝຣັ່ງຢູ່ໃນສະພາວະເຝົ້າລະວັງຢ່າງສູງ ເນື່ອງຈາກສະມາຊິກກຸ່ມໄອເອສພຸ່ງເປົ້າໝາຍໂຈມຕີນະຄອນຫຼວງປາຣີເມື່ອປີທີ່ຜ່ານມາ ແລະ ຂູ່ກໍ່ເຫດຮຸນແຮງລະຫວ່າງທີ່ຝຣັ່ງເປັນເຈົ້າພາບຈັດການແຂ່ງຂັນບານເຕະຊີງແຊ໋ມແຫ່ງຊາດເອີຣົບ ຫຼື ຢູໂຣ 2016.