ສາເຫດຂອງການມີລູກຍາກນັ້ນສາມາດເກີດຂຶ້ນໄດ້ກັບທັງຝ່າຍຍິງ ແລະ ຝ່າຍຊາຍທັງຄູ່ ຫຼື ພຽງແຕ່ຝ່າຍດຽວເທົ່ານັ້ນ ຄູ່ແຕ່ງງານຈຳນວນບໍ່ໜ້ອຍທີມີລູກຍາກເນື່ອງຈາກຄວາມຜິດປົກກະຕີຂອງທັງສອງຝ່າຍ ຫຼື ອາດກວດບໍ່ພົບສາເຫດຜິດປົກກະຕິໃດໆເລີຍກໍ່ມີ
- ສາເຫດຈາກຝ່າຍຍິງ: ບາງຄູ່ພົບວ່າຝ່າຍຍິງຈະມີຄວາມຜິດປົກກະຕິໃນອະໄວຍະວະສືບພັນເຊັ່ນ: ຮັງໄຂ່ເຮັດວຽກບໍ່ໄດ້ປົກກະຕິ, ມີຄວາມຜິດປົກກະຕິຂອງຮໍໂມນໃນຮ່າງກາຍທີ່ສົ່ງຜົນຕໍ່ການຕົກໄຂ່, ທໍ່ຮັງໄຂ່ອຸດຕັນ, ມີເນື້ອງອກຂອງມົດລູກຂະໜາດໃຫຍ່ ຫຼື ຢູ່ໃນໂພ່ງມົດລູກ, ມີຊີສ ຫຼື ເນື້ອງອກຂອງຮັງໄຂ່, ມີພາວະເຍື້ອໂພ່ງມົດລູກຈະເລີນຜິດບ່ອນ ຫຼື ມີພັງຜິດທີ່ເກີດຂຶ້ນໃນເຊີງກຣານ ຫລື ປີກມົດລູກເປັນຕົ້ນ ສ່ວນສາເຫດອື່ນໆທີ່ມີຜົນເຮັດໃຫ້ມີລູກຍາກແມ່ນ ອາຍຸຫຼາຍເກີນໄປ, ສູບຢາເປັນປະຈຳ ແລະ ອື່ນໆ (ຈາກສະຖິຕິພົບວ່າການມີລູກຍາກຂອງຝ່າຍຍິງມາຈາກການອຸດຕັນຂອງທໍ່ນຳໄຂ່ ແລະ ມີຄວາມຜິດປົກກະຕິຂອງເຍື້ອບຸຊ່ອງທ້ອງປະມານ 35%, ເຍື່ອບຸໂພ່ງມົດລູກຈະເລີນພັນຜິດບ່ອນ 35%, ການຕົກໄຂ່ຜິດປົກກະຕິຫຼືບໍ່ສະໝ່ຳສະເໝີ 25%)
- ສາເຫດຈາກຝ່າຍຊາຍ: ໃນບາງຄູ່ສາເຫດການມີລູກຍາກອາດເກີດຂຶ້ນກັບຝ່າຍໄດ້ເຊັ່ນ: ຝ່າຍຊາຍມີອະໄວຍະເພດສືບພັນຜິດປົກກະຕິມາແຕ່ກຳເນີດຈົນບໍ່ສາມາດມີລູກໄດ້, ຝ່າຍຊາຍມີພັນທຸກຳທີ່ຜິດປົກກະຕິກ່ຽວກັບໂຄໂມໂຊມ ເຮັດໃຫ້ບໍ່ສາມາດສ້າງເຊື້ອອະສຸຈິໄດ້ ຫຼື ສ້າງໄດ້ໜ້ອຍກວ່າປົກກະຕີເຊັ່ນ: ເຊື້ອອະສຸຈິມີປະລິມານໜ້ອຍ, ເຊື້ອອະສຸຈິອ່ອນແອ, ເຊື້ອອະສຸຈິມີຮູບຮ່າງຜິດປົກກະຕິ ຫຼື ອາດເປັນໝັນ (ກວດບໍ່ພົບເຊື້ອອະສຸຈິໃນນ້ຳອະສຸຈິ), ຝ່າຍຊາຍໄດ້ຮັບສານເຄມີບາງຊະນິດເປັນປະຈຳເຊັ່ນ: ຢາຂ້າແມງໄມ້, ສານຕະກົ່ວ, ສານປະກອບເບນຊິນ ຮວມເຖິງການໃຊ້ຢາບາງຊະນິດ, ມີໂຣກປະຈຳຕົວບາງຢ່າງທີ່ສົ່ງຜົນຕໍ່ການຈະເລີນພັນເຊັ່ນ: ເບົາຫວານ, ມັກສູບຢາ ແລະ ດື່ມແອລກໍຮໍໃນປະລິມານຫຼາຍເປັນປະຈຳ ແລະ ເຄີຍໄດ້ຮັບອຸບັດຕິເຫດເປັນຕົ້ນ.
- ບໍ່ຮູ້ສາເຫດ: ນອກຈາກທີ່ກ່າວມາແລ້ວ ຍັງມີຄູ່ແຕ່ງງານທີ່ຈັດເປັນກຸ່ມມີລູກຍາກໂດຍບໍ່ຮູ້ສາເຫດອີກຈຳນວນໜຶ່ງຄືປະມານ 15-20% ເຖິງຈະກວດວິໄຈດ້ວຍເທັກໂນໂລຢີຕ່າງໆ ແລ້ວກໍ່ຍັງບໍ່ພົບຄວາມຜິດປົກກະຕິໃດໆ
ຫາກຕອນນີ້ທ່ານບໍ່ແຍ່ໃຈວ່າທ່ານຢູ່ໃນກຸ່ມສ່ຽງທີ່ມີລູກຍາກ ຫຼື ບໍ່ ທ່ານຄວນໄປພົບແພດ ເພື່ອເຂົ້າຮັບການກວດຮ່າງກາຍ ແລະ ປະຕິບັດຕາມຄຳແນະນຳຂອງແພດ
ທີ່ມາ: http://frynn.com/