spot_img
Homeນານາສາລະແນວທາງທວງໜີ້ໃຫ້ໄດ້ທັງເງິນ ແລະ ບໍ່ຜິດໃຈກັບລູກໜີ້

ແນວທາງທວງໜີ້ໃຫ້ໄດ້ທັງເງິນ ແລະ ບໍ່ຜິດໃຈກັບລູກໜີ້

Published on

ບໍ່ວ່າທ່ານຈະມີລູກໜີ້ປະເພດໃດ ບໍ່ວ່າຈະມີຄວາມສຳພັນເປັນເຈົ້ານາຍ, ລູກຮ້ອງ ຫຼື ເພື່ອນຝູງກໍ່ຕາມ ຖ້າຢາກໄດ້ເງິນຄືນກັບມາ ແລະ ຍັງສາມາດຮັກສາມິດຕະພາບໄວ້ຢູ່ນັ້ນທ່ານຄວນລອງເຮັດວິທີທີ່ຈະກ່າວຕໍ່ໄປນີ້ລອງເບິ່ງ

  1. ໃຈກ້າເຂົ້າໄວ້: ທ່ານຈົົ່ງຄິດວ່າການໃຫ້ຢືມເງິນເປັນການໃຫ້ຄວາມຊ່ວຍເຫຼືອ ແລະ ຖືເປັນທຸລະກິດຖ້າບໍ່ມີກຳໄລ (ດອກເບ້ຍ) ຢ່າງໜ້ອຍຄວນໄດ້ທຶນຄືນດີກວ່າເປັນໜີ້ສູນ
  2. ໃຫ້ກຽດລູກໜີ້ສະເໝີທັງຕໍ່ໜ້າ ແລະ ລັບຫຼັງ: ຫາກເວລາຖາມເລື່ອງໜີ້ສິນແມ່ນຕ້ອງໄດ້ໃຊ້ຄຳໜັກແໜ້ນສຸພາບ ເວົ້າສ່ວນຕົວ ແລະ ບໍ່ຄວນເອົາເລື່ອງຂອງລູກໜີ້ໄປເວົ້ານິນທາທາງອື່ນ
  3. ຕັ້ງສະຕິຄິດໃຫ້ດີກ່ອນເວົ້າ
    ຖ້າເປັນເງິນຈຳນວນຫຼາຍກ່ອນຈະເວົ້າເລື່ອງໜີ້ທ່ານຄວນເວົ້າໃນທາງໃຫ້ກຳລັງໃຈລູກໜີ້ກ່ອນ ຕາມຄວາມສາມາດທີ່ເຂົາມີ ແລະ ທ່ານເຊື່ອວ່າເຂົາຕ້ອງປົດໜີ້ໄດ້ແນ່ນອນ
  4. ຢ່າທໍ້ແທ້ ອົດທົນໄວ້: ພະຍາຍາມຕິດຕາມເຕືອນຄວາມຊົງຈຳຂອງລູກໜີ້ ລູກໜີ້ບາງຄົນກໍ່ຄວາມຈຳສັ້ນແທ້ບາງເທື່ອຢຶມເງິນເຮົາໄປແລ້ວກໍ່ລືມ ຖ້າລືມດົນຫຼາຍເຮົາກໍ່ຕ້ອງທວງຄືນ ຂໍໃຫ້ທ່ານຄິດຫາເຫດຜົນທີ່ຈະໄປຖາມໜີ້ກ້ອນນັ້ນຄືນມາຈາກລູກໜີ້
  5. ຢື່ນຂໍ້ສະເໜີເພື່ອໃຫ້ລູກໜີ້ສະບາຍໃຈຂຶ້ນ: ເປີດໃຈລົມກັນ ແລະ ຄວນຢື່ນຂໍ້ສະເໜີເວລາໃນການຊຳລະໜີ້ ແລະ ເງື່ອນໄຂຈຳນວນເງິນຊຳລະໃນແຕ່ລະງວດ
  6. ໃຫ້ບຸກຄົນທີສາມຊ່ວຍເຈລະຈາ: ເຊິ່ງຄວນເລືອກເອົາບຸກຄົນທີ່ລູກໜີ້ໃຫ້ຄວາມເຄົາລົບນັບຖື ແລະ ເກງໃຈ ມາເປັນເພື່ອນເຈລະຈາຊ່ວຍເຮົາໃນເວລາທວງໜີ້
  7. ໃຊ້ກົດໝາຍເປັນຕົວຊ່ວຍ: ຫາກເລືອກໃຊ້ຫຼາຍວິທີແລ້ວຍັງບໍ່ເປັນຜົນ ອາດເປັນໜີ້ສູນ ຫາກເປັນເງິນຈຳນວນ ຫຼາຍ ສິ່ງສຸດທ້າຍທີ່ຈະເລືອກເຮັດກໍ່ຄົງຈະແມ່ນການໃຊ້ກົດໝາຍເຂົ້າຊ່ວຍ

ສິ່ງທີ່ກ່າວມາຂ້າງເທິງນີ້ເປັນພຽງຫຼັກການໜຶ່ງທີ່ຈະເປັນແນວທາງໃຫ້ເຈົ້າໜີ້ບາງຄົນທີ່ບໍ່ກ້າໄປທວງເອົາເງິນຈາກລູກໜີ້ໄດ້ນຳໄປໃຊ້ລອງເບິ່ງ ແຕ່ຖ້າຫາກໃຜມີປະສົບການເດັດໆໃນການທວງໜີ້ກໍ່ສາມາດປະກອບຄຳຄິດເຫັນເພີ່ມເຕີມໄດ້ ເພື່ອຈະເປັນອີກວິທີໜຶ່ງທີ່ຊ່ວຍໃຫ້ການທວງໜີ້ໄດ້ງ່າຍຂຶ້ນ

ທີ່ມາ: http://www.lib.ru.ac.th/miscell/press-the-claim.html

ບົດຄວາມຫຼ້າສຸດ

ການຈັດການຂີ້ເຫຍື້ອທີ່ດີ ຄືຄວາມປອດໄພຕໍ່ສະພາບແວດລ້ອມ ແລະ ສັງຄົມ

ການຈັດການຂີ້ເຫຍື້ອ ຍັງເປັນສິ່ງທີ່ທ້າທ້າຍໃນແຕ່ລະຂົງເຂດ ຕັ້ງແຕ່ເຮືອນຊານ, ຫ້າງຮ້ານ, ບໍລິສັດ ຈົນໄປເຖິງບັນດາໂຮງງານຜະລິດຕ່າງໆ. ເນື່ອງຈາກເປັນໄປບໍ່ໄດ້ທີ່ຈະຫຼີກລ່ຽງບໍ່ໃຫ້ມີການສ້າງຂີ້ເຫຍື້ອເລີຍ. ເຊິ່ງບາງຄັ້ງຍັງພົບເຫັນການທຳລາຍ ແລະ ຈັດການຂີ້ເຫຍື້ອຢ່າງບໍ່ຖືກວິທີ ທີ່ສົ່ງຜົນເສຍຕໍ່ສິ່ງແວດລ້ອມ ແລະ ສ້າງຄວາມເປີເປື້ອນໃຫ້ສັງຄົມ ເຊັ່ນ:...

ຮູ້ຫຼືບໍ່? ທີ່ໄປທີ່ມາຂອງຊື່ພາຍຸແຕ່ລະລູກ ໃຜເປັນຄົນຕັ້ງ ແລະ ໃຜເປັນຄົນຄິດຊື່

ພາຍຸແຕ່ລະລູກ ໃຜເປັນຄົນຕັ້ງ ແລະ ໃຜເປັນຄົນຄິດຊື່ ມາຮູ້ຄຳຕອບມື້ນີ້ ພາຍຸວິພາ, ພາຍຸຄາຈິກິ ໄດ້ມາຈາກໃສ ໃນໄລຍະນີ້ເຫັນວ່າມີພາຍຸກໍ່ໂຕຂຶ້ນມາຕະຫຼອດ ແລະມີຫຼາຍຄົນອາດຈະສົງໃສວ່າ ໃນການຕັ້ງຊື່ພາຍຸແຕ່ລະລູກ ແມ່ນໃຜເປັນຄົນຕັ້ງ ແລະຄໍາຕອບກໍຄື ຊື່ຂອງພາຍຸແມ່ນໄດ້ຖືກຕັ້ງຂຶ້ນຈາກປະເທດຕ່າງໆໃນທົ່ວໂລກ. ສຳລັບພາຍຸທີ່ສາມາດຕັ້ງຊື່ໄດ້ນັ້ນ ຕ້ອງແມ່ນພາຍຸລະດັບໂຊນຮ້ອນຂຶ້ນໄປ...

ແຈ້ງເຕືອນພາຍຸລູກໃໝ່ ທີ່ອາດຈະສົ່ງຜົນກະທົບຕໍ່ປະເທດລາວ ໃນວັນທີ 30/08/2025 – 02/09/2025

ກຽມຮັບມືພາຍຸລູກໃໝ່ ຫວຽດນາມອອກແຈ້ງເຕືອນພາຍຸລູກໃໝ່ ອາດສົ່ງຜົນກະທົບຕໍ່ປະເທດລາວ, ປະເທດໄທ ແລະ ປະເທດຫວຽດນາມ ຫວຽດນາມອອກແຈ້ງເຕືອນພາຍຸລູກໃໝ່ ທີ່ຄາດວ່າຈະໃຊ້ຊື່ວ່າພາຍຸໜອງຟ້າ ຫຼື ຟ້າໃສ ທີ່ຕັ້ງຊື່ໂດຍປະເທດລາວ ຄາດອິດທິພົນຂອງພາຍຸລູກນີ້ຈະສົ່ງຜົນກະທົບຕໍ່ປະເທດລາວ, ປະເທດໄທ ແລະ ປະເທດຫວຽດນາມ...

ຜົນສໍາເລັດ ກອງປະຊຸມໃຫຍ່ ຜູ້ແທນສະມາຊິກພັກ ຄັ້ງທີ III ຂອງ ອົງຄະນະພັກ ກະຊວງເຕັກໂນໂລຊີ ແລະ ການສື່ສານ

ເອກະສັນຮັບເລືອກ ສະຫາຍ ປອ. ສັນຕິສຸກ ສິມມາລາວົງ ເປັນເລຂາຄະນະພັກ ກະຊວງເຕັກໂນໂລຊີ ແລະ ການສື່ສານ (ຊຸດໃໝ່) ກະຊວງເຕັກໂນໂລຊີ ແລະ ການສື່ສານລາຍງານຜົນ ກອງປະຊຸມໃຫຍ່ ຜູ້ແທນສະມາຊິກພັກ...