ພາບພູມປະເທດແຖບ Notic Labyrinthus ເທິງດາວອັງຄານ ທ່າມກາງທີ່ຮາບສູງພູເຂົາໄຟ Thasis ແລະແຖບພູເຂົາໄຟ Valles Marineris ຖ່າຍໂດຍຍານສຳຫຼວດ Marcs Reconnaissance Orbiter ເມື່ອວັນທີ 31 ທັນວາ 2013.
ຮູບຂຸມອຸກກາບາດເທິງພື້ນຜິວຂອງດາວອັງຄານ ຖ່າຍໂດຍກ້ອງ High Resolution Imaging Science Experiment (HiRISE) ຂອງຍານສໍາຫຼວດ Mars Reconnaissance Orbiter ເມື່ອວັນທີ 19 ພຶດສະພາ 2013 ຂຸມອຸກກາບາດແຫ່ງນີ້ມີຂະໜາດປະມານ 30 ແມັດ ອ້ອມຮອບໄປດ້ວຍຮ່ອງຮອຍຂອງແຮງທີ່ເກີດຈາກການລະເບີດ ໂດຍຂຸມອຸກກາບາດທີ່ມີສີໂທນຟ້ານັ້ນໝາຍຄວາມວ່າເປັນຂຸມທີ່ຫາກໍເກີດໃໝ່ໄດ້ບໍ່ດົນປານໃດ ເນື່ອງຈາກແຮງປະທະໄດ້ເຮັດໃຫ້ຝຸ່ນສີແດງຂອງດາວອັງຄານປິວອອກໄປຈົນເຜີຍໃຫ້ເຫັນພື້ນຜິວຂອງບໍລິເວນນັ້ນ.
ຮູບຂອງເມກສະເຕຣໂຕຄິວມູລັສ ຖ່າຍໂດຍລູກເຮືອຈາກຄະນະເດິນທາງທີ່ 34 ຂອງສະຖານີອະວະກາດນານາຊາດ ຂະນະໂຄຈອນເໜືອມະຫາສະໝຸປາຊິຟິກດ້ານທິດຕາເວັນຕົກສຽງເໜືອ ໃກ້ກັບປະເທດຍີ່ປຸ່ນ ເມື່ອວັນທີ 4 ກຸມພາ 2013.
ຮູບຖ່າຍດາວທຽມຂອງອົງການນາຊາ ສະແດງໝອກຄວັນກະຈາຍກວ້າງ ສ່ວນໜຶ່ງເກີດຈາກເກາະພູເຂົາໄຟ Ambrym ລອຍໄປທົ່ວມະຫາສະໝຸດປາຊິຟິກຕອນໃຕ້ ຖ່າຍເມື່ອວັນທີ 7 ມັງກອນ 2014.
ຮູບຖ່າຍແສງສີຈິງຂອງເກາະເຊນ ເຮເລນາ ທ່າມກາງກຸ່ມເມກ ເໜືອມຫາສະໝຸດແອັດແລນຕິກຕອນໃຕ້ ຖ່າຍໂດຍດາວທຽມ Terra ເມື່ອວັນທີ 15 ພະຈິກ 2012 ເກາະເຊນເຮເລນາເປັນເກາະຂະໜາດນ້ອຍໆ ທີ່ຕັ້ງຢູ່ໄກຈາກອາຟຣິກາໄປທາງທິດຕາເວັນຕົກປະມານ 1,860 ກມ.