ເປີດໂລກແຫ່ງການຮຽນຮູ້ ກັບ LaoPost.com ສິ່ງດີໆ ສຳລັບທ່ານ
ຊຸດ ປ່ອງຢ້ຽມດວງດາວ! ສຸດຍອດພາບຖ່າຍລະບົບສຸລິຍະ
ກ້ອງໂທລະທັດອະວະກາດຮັບເບີລ
ຖ່າຍຮູບນີ້ໄວ້ໃນຂະນະທີ່ດາວອັງຄານເຄື່ອນຕົວໂຄຈອນມາຢູ່ໃນຕຳແໜ່ງທີ່ໃກ້ໂລກຫຼາຍທີ່ສຸດໃນຮອບກວ່າ 60,000 ປີ ເມື່ອວັນທີ 27 ສິງຫາ 2003 ໂດຍດາວເຄາະແດງຢູ່ໄກຈາກໂລກຂອງເຮົາໄປປະມານ 55,757,930 ກມ.
—————————————————
ຮູບຖ່າຍຈາກຍານສຳຫຼວດດາວອັງຄານ Curiosity ສະແດງໃຫ້ເຫັນການກໍ່ໂຕທາງທໍລະນີວິທະຍາຂອງ
Yellowknife Bay ເທິງດາວອັງຄານ ເມື່ອວັນທີ 24 ທັນວາ 2012 ຫິນເຫຼົ່ານີ້ເຄີຍເປັນທະເລສາບໃນສະໄໝບູຮານ ແລະບໍລິເວນນີ້ເອງທີ່ເຄີຍມີສະພາບເໝາະສົມສຳລັບການມີຊີວິດຢູ່ຂອງສິ່ງທີ່ມີຊີວິດຂະໜາດນ້ອຍ ຈາກການກວດສອບຫິນເຫຼົ່ານີ້ມີອາຍຸກວ່າ 70 ລ້ານປີ ນັບຕັ້ງແຕ່ທີ່ໂຜ່ຂຶ້ນມາຈາກທະເລສາບທີ່ເຫືອດແຫ້ງໄປ.
—————————————————
ຍານສຳຫຼວດດາວອັງຄານ Curiosity ຖ່າຍພາບໂຕເອງເມື່ອວັນທີ 3 ກຸມພາ 2013 ໂດຍອາໄສເທັກນິກການລວມຫຼາຍໆ ພາບຖ່າຍເຂົ້າດ້ວຍກັນ ເຊິ່ງໃນຕອນນັ້ນ ຍານກຳລັງຢູ່ເທິງບ່ອນພຽງ “John Klein” ສະຖານທີ່ທຳອິດທີ່ Curisity ທຳການເຈາະສຳຫຼວດໃຕ້ຜິວດິນ.
—————————————————
Nili Patera ໜຶ່ງໃນສັນຊາຍທີ່ມີຄວາມປ່ຽນແປງຫຼາຍທີ່ສຸດເທິງດາວອັງຄານ ຖ່າຍໂດຍຍານສຳຫຼວດ
Mars Reconnaissance Orbiter ເມື່ອວັນທີ 1 ມີນາ2014.
ສັນຊາຍ ໃນຂົ້ວເໜືອຂອງດາວອັງຄານ ກຳລັງຄ່ອຍໆ ປາກົດໃຫ້ເຫັນພາຍຫຼັງຈາກທີ່ລະດູໜາວກຳລັງສິ້ນສຸດລົງ
ຄາບອນໄດອອກໄຊແຂງ (ນ້ຳແຂງແຫ້ງ) ເລິ່ມລະລາຍໂຕລົງ ຖ່າຍໂດຍຍານສຳຫຼວດ
Mars Reconnaissance Orbiter ເມື່ອວັນທີ 16 ມັງກອນ 2014.
ທີ່ມາ REUTERS/NASA/Handout via Reuters