ເອເອັບພີລາຍງານໃນວັນທີ 3 ມີຖຸນາວ່າ ຝົນທີ່ຕົກລົງມາຢ່າງໜັກໄດ້ສົ່ງຜົນໃຫ້ລະດັບນ້ຳໃນແມ່ນ້ຳເຊນ ເຊິ່ງໄຫລຜ່ານນະຄອນປາຣີສ ເພີ່ມຂຶ້ນສູງສຸດໃນຮອບ 30ປີ ທີ່ພິພິດທະພັນ Louvre ຕ້ອງປີດໃຫ້ບໍລິການເພື່ອຂົນຍ້າຍບູຮານວັດຖຸອອກຈາກຫ້ອງໃຕ້ດິນ

ທາງການປາຣີສເຕືອນໃຫ້ປະຊາຊົນຫຼີກລ່ຽງພື້ນທີ່ບໍລິເວນແຄມຝັ່ງແມ່ນ້ຳ ເຊິ່ງຄາດວ່າລະດັບນ້ຳຈະເພີ່ມເຖິງລະດັບສູງ 6 ແມັດ ພາຍໃນວັນທີ 3 ມິຖຸນານີ້, ອີກຫຼາຍເມືອງໃນເຢຍລະມັນ ແລະ ຝຣັ່ງກໍ່ກຳລັງພົບກັບໄພນ້ຳຖ້ວມຄັ້ງຮ້າຍແຮງນີ້ເຊັ່ນດຽວກັນ

ເຈົ້າໜ້າທີ່ໄດ້ຮັບແຈ້ງເຫດຊາຍຄົນໜຶ່ງເສຍຊີວິດທີ່ເຂດ Évry-Grégy-sur-Yerre ທາງຕະເວັນຕົກສຽງໃຕ້ຂອງນະຄອນຫຼວງປາຣີສ ຫຼັງຖືກກະແສນ້ຳຈາກແມ່ນ້ຳພັດຫາຍໄປໃນຕອນທີ່ລາວກຳລັງຂີ່ມ້າ ສ່ວນທີ່ເຢຍລະມັນຊາຍໄວອາຍຸ 65 ປີ ຄົນໜຶ່ງຖືກພົບກາຍເປັນສົບທີ່ເມືອງ ຊິມບັດ ອຳ ອິນ ໃນເຂດບາວາເຣຍ ເຮັດໃຫ້ຍອດເສຍຊີວິດຈາກເຫດການນ້ຳຖ້ວມຄັ້ງນີ້ເພີ່ມເປັນ 10 ຄົນພາຍໃນອາທິດນີ້

ຫຼາຍເມືອງທາງຕອນກາງຂອງຝຣັ່ງ ກຳລັງພົບຫາຍະນະຈາກນຮອບ 100 ປີ ໂດຍມີຄຳສັ່ງອົບພະຍົບຊາວເມືອງກວ່າ 5,000 ຄົນ ຕັ້ງແຕ່ອາທິດທີ່ຜ່ານມາ ແລະ ບ້ານເຮືອນປະຊາຊົນກວ່າ 19,000 ຫຼັງບໍ່ມີໄຟຟ້າໃຊ້

ປະທານາທິບໍດີ ຟຣອງຊົວສ໌ ອໍລອງດ໌ ແຫ່ງຝຣັ່ງລະບຸວ່າ “ໄພພິບັດແຫ່ງຊາດ” ໃນການປະຊຸມຄະນະລັດຖະມົນຕີໃນວັນພຸດໜ້າ (8 ມິຖຸນາ) ເຊິ່ງເປັນຂັ້ນຕອນທີ່ຈະນຳໄປສູ່ການອະນຸມັດເງິນຊົດເຊີຍແກ່ຜູ້ປະສົບໄພ

ຂ່າວຈາກ: http://www.manager.co.th/