ກຸ່ມນັກວິໄຈທີ່ຢູ່ເບື້ອງຫຼັງເທັກໂນໂລຢີດັ່ງກ່າວຄິດວ່າຫຸ່ນຍົນທີ່ໄວຕໍ່ຄວາມຮູ້ສຶກເຈັບນັ້ນມີຄ່າຄວນຕໍ່ການພັດທະນາ ເພື່ອມັນຈະໄດ້ປົກປ່ອງຕົວມັນເອງ ແລະ ມະນຸດທີ່ເຮັດວຽກຮ່ວມຢູ່ກັບມັນໃຫ້ປອດໄພໄດ້
“ຄວາມເຈັບປວດນັ້ນເປັນລະບົບທີ່ຄອຍປົກປ່ອງພວກເຮົາ” Johannes Kuehn ເຊິ່ງເປັນໜຶ່ງໃນທີມງານວິໄຈຈາກ bniz University of Hannover ໃນເຢຍລະມັນກ່າວວ່າ “ເມື່ອເຮົາຫຼີກລ່ຽງຈາກສາເຫດຂອງຄວາມເຈັບປວດ ມັນກໍ່ຈະຊ່ວຍໃຫ້ເຮົາບໍ່ເຈັບຕົວ”
ນັກວິທະຍາສາດທີມີຊື່ວ່າ Kuehn ແລະ ເພື່ອນຮ່ວມງານ Sami Haddadin ໄດ້ຮ່ວມກັນພັດທະນາສິ່ງທີ່ພວກເຂົາຮຽນວ່າເປັນ “ລະບົບປະສາດສຳລັບມະນຸດຫຸ່ນຍົນ” ຫຸ່ນຍົນຈະສາມາດຮັບຮູ້ສາເຫດຂອງຄວາມເຈັບປວດ (ເຊັ່ນໄຟ ຫຼື ມີດບາດ) ແລະ ທີ່ສຳຄັນນັກວິທະຍາສາດຍັງຊອກຫາວິທີທີ່ຈະເຮັດໃຫ້ຫຸ່ນຍົນມີປະຕິກິລິຍາຕອບສະໜອງ ເຊິ່ງທັງສອງນັກວິທະຍາສາດໄດ້ອີງໃສ່ລະບົບປະສາດຂອງມະນຸດເປັນແຮງບັນດານໃຈໃນການສ້າງລະບົບດັ່ງກ່າວຂຶ້ນ ພວກເຂົາໄດ້ເຮັດການທົດສອບແນວດຄິດດ້ວຍການໃຫ້ແຂນຫຸ່ນຍົນທີ່ມີເຊັນເຊີທີ່ປາຍນິ້ວມືທີ່ສາມາດກວດຈັບແຮງກົດ ແລະ ອຸນຫະພູມໄດ້ ໃນແຂນຫຸ່ນຍົນຍັງມີແຜ່ນເນື້ອເຍື້ອຫຸ່ນຍົນທີ່ຖືກອອກແບບໃຫ້ເໝືອນຜິວໜັງຂອງມະນຸດ ເພື່ອເຮັດໃຫ້ຫຸ່ນຍົນມີຄວາມຮູ້ສຶກເຈັບປວດພຽງໃດ ແລະ ມີການຕອບສະໜອງແນວໃດ ການທີ່ເຮັດໃຫ້ຫຸ່ນຍົນຮຽນຮູ້ໄດ້ນັ້ນເປັນສິ່ງທີ່ທ້າທາຍທີ່ສຸດ ແລະ ຈະເຮັດໃຫ້ຫຸ່ນຍົນສະຫຼາດຂຶ້ນ ເຊິ່ງຈະມີຜົນປະໂຫຍດຫຼາຍໃນໂລກອະນາຄົດ