spot_img
Homeຂ່າວທ້ອງຖິ່ນເມືອງປາກກະດິງ ພົບຜູ້ຕິດເຊື້ອພະຍາດໄຂ້ເລືອດອອກ 50 ກວ່າກໍລະນີ!

ເມືອງປາກກະດິງ ພົບຜູ້ຕິດເຊື້ອພະຍາດໄຂ້ເລືອດອອກ 50 ກວ່າກໍລະນີ!

Published on

ຂປລ. ທ້າຍອາທິດຜ່ານມາ, ທ່ານ ສີກັນໄທ ສຸດດາວົງ ຫົວໜ້າຫ້ອງການ ສາທາລະນະສຸກ ເມືອງປາກກະດິງ​ແຂວງບໍລິຄຳໄຊໄດ້ໃຫ້ຮູ້ວ່າ: ​ໃນປີນີ້ ກວດພົບ​ເຊື້ອພະຍາດໄຂ້ເລືອດອອກ 50 ກ່ວາກໍລະນີ ຢູ່ເມືອງປາກກະດິງ ແຕ່ບໍ່ມີຜູ້ເສຍຊີວິດ. ໃນນັ້ນພົບຫລາຍກ່ວາໝູ່ ແມ່ນຢູ່ບ້ານສົມສະນຸກ ມີເຖິງ 30 ກໍລະນີ.

ຕໍ່ກັບບັນຫາດັ່ງກ່າວ, ທຸກພາກສ່ວນກ່ຽວຂ້ອງ ໄດ້ລົງເຄື່ອນໄຫວສຸຂະສຶກສາໃຫ້ປະຊາຊົນ ບ້ານທີ່ມີເຊື້ອດັ່ງກ່າວ ເອົາໃຈໃສ່ເຮັດອະນາໄມ 3 ສະອາດ, ທຳລາຍແຫລ່ງເພາະພັນຂອງຂອງຍຸງລາຍ ໂດຍສະເພາະແມ່ນທຳລາຍກະໂປະ, ກະປ໋ອງ ແລະ ພາຊະນະອື່ນໆທີ່ມີນ້ຳຂັງ, ພ້ອມທັງໂຄສະນາ ໃຫ້ຮູ້ເຖິງຄວາມອັນຕະລາຍ ຂອງພະຍາດໄຂ້ຍຸງ ໄຂ້ເລືອດອອກເຊິ່ງບໍ່ມີຢາທີ່ສາມາດປິ່ນປົວໄດ້ ພຽງແຕ່ປິ່ນປົວຕາມອາການເທົ່ານັ້ນ.

ໂອກາດດຽວ ກໍໄດ້ມອບມຸ້ງຍ້ອມນ້ຳຢາກັນຍຸງ ຈຳນວນ 268 ດາງ, ມູນຄ່າ 5 ລ້ານກ່ວາກີບ ໃຫ້ປະຊາຊົນ ບ້ານທົ່ງນ້ອຍ ເຊິ່ງເປັນບ້ານເປົ້າໝາຍ ເພາະວ່າໄລຍະຜ່ານມາ ບ້ານດັ່ງກ່າວ, ເປັນບ້ານທີ່ມີຄວາມສ່ຽງສູງ ຕໍ່ການລະບາດຂອງພະຍາດໄຂ້ຍຸງ.

 

ແຫລ່ງຂ່າວ:

ຂປລ

ສຳຫຼັບທ່ານທີ່ຮັກສຸຂະພາບ ຕິດຕາມເລື່ອງດີດີ ກົດໄລຄ໌ເລີຍ!

ບົດຄວາມຫຼ້າສຸດ

ການຈັດການຂີ້ເຫຍື້ອທີ່ດີ ຄືຄວາມປອດໄພຕໍ່ສະພາບແວດລ້ອມ ແລະ ສັງຄົມ

ການຈັດການຂີ້ເຫຍື້ອ ຍັງເປັນສິ່ງທີ່ທ້າທ້າຍໃນແຕ່ລະຂົງເຂດ ຕັ້ງແຕ່ເຮືອນຊານ, ຫ້າງຮ້ານ, ບໍລິສັດ ຈົນໄປເຖິງບັນດາໂຮງງານຜະລິດຕ່າງໆ. ເນື່ອງຈາກເປັນໄປບໍ່ໄດ້ທີ່ຈະຫຼີກລ່ຽງບໍ່ໃຫ້ມີການສ້າງຂີ້ເຫຍື້ອເລີຍ. ເຊິ່ງບາງຄັ້ງຍັງພົບເຫັນການທຳລາຍ ແລະ ຈັດການຂີ້ເຫຍື້ອຢ່າງບໍ່ຖືກວິທີ ທີ່ສົ່ງຜົນເສຍຕໍ່ສິ່ງແວດລ້ອມ ແລະ ສ້າງຄວາມເປີເປື້ອນໃຫ້ສັງຄົມ ເຊັ່ນ:...

ຮູ້ຫຼືບໍ່? ທີ່ໄປທີ່ມາຂອງຊື່ພາຍຸແຕ່ລະລູກ ໃຜເປັນຄົນຕັ້ງ ແລະ ໃຜເປັນຄົນຄິດຊື່

ພາຍຸແຕ່ລະລູກ ໃຜເປັນຄົນຕັ້ງ ແລະ ໃຜເປັນຄົນຄິດຊື່ ມາຮູ້ຄຳຕອບມື້ນີ້ ພາຍຸວິພາ, ພາຍຸຄາຈິກິ ໄດ້ມາຈາກໃສ ໃນໄລຍະນີ້ເຫັນວ່າມີພາຍຸກໍ່ໂຕຂຶ້ນມາຕະຫຼອດ ແລະມີຫຼາຍຄົນອາດຈະສົງໃສວ່າ ໃນການຕັ້ງຊື່ພາຍຸແຕ່ລະລູກ ແມ່ນໃຜເປັນຄົນຕັ້ງ ແລະຄໍາຕອບກໍຄື ຊື່ຂອງພາຍຸແມ່ນໄດ້ຖືກຕັ້ງຂຶ້ນຈາກປະເທດຕ່າງໆໃນທົ່ວໂລກ. ສຳລັບພາຍຸທີ່ສາມາດຕັ້ງຊື່ໄດ້ນັ້ນ ຕ້ອງແມ່ນພາຍຸລະດັບໂຊນຮ້ອນຂຶ້ນໄປ...

ແຈ້ງເຕືອນພາຍຸລູກໃໝ່ ທີ່ອາດຈະສົ່ງຜົນກະທົບຕໍ່ປະເທດລາວ ໃນວັນທີ 30/08/2025 – 02/09/2025

ກຽມຮັບມືພາຍຸລູກໃໝ່ ຫວຽດນາມອອກແຈ້ງເຕືອນພາຍຸລູກໃໝ່ ອາດສົ່ງຜົນກະທົບຕໍ່ປະເທດລາວ, ປະເທດໄທ ແລະ ປະເທດຫວຽດນາມ ຫວຽດນາມອອກແຈ້ງເຕືອນພາຍຸລູກໃໝ່ ທີ່ຄາດວ່າຈະໃຊ້ຊື່ວ່າພາຍຸໜອງຟ້າ ຫຼື ຟ້າໃສ ທີ່ຕັ້ງຊື່ໂດຍປະເທດລາວ ຄາດອິດທິພົນຂອງພາຍຸລູກນີ້ຈະສົ່ງຜົນກະທົບຕໍ່ປະເທດລາວ, ປະເທດໄທ ແລະ ປະເທດຫວຽດນາມ...

ຜົນສໍາເລັດ ກອງປະຊຸມໃຫຍ່ ຜູ້ແທນສະມາຊິກພັກ ຄັ້ງທີ III ຂອງ ອົງຄະນະພັກ ກະຊວງເຕັກໂນໂລຊີ ແລະ ການສື່ສານ

ເອກະສັນຮັບເລືອກ ສະຫາຍ ປອ. ສັນຕິສຸກ ສິມມາລາວົງ ເປັນເລຂາຄະນະພັກ ກະຊວງເຕັກໂນໂລຊີ ແລະ ການສື່ສານ (ຊຸດໃໝ່) ກະຊວງເຕັກໂນໂລຊີ ແລະ ການສື່ສານລາຍງານຜົນ ກອງປະຊຸມໃຫຍ່ ຜູ້ແທນສະມາຊິກພັກ...